“Xavfsiz daryo boshqarmasi” davlat muassasasi Xorazm viloyati hududiy bo‘linmasi va Ekologiya, atrof-muhitni muhofaza qilish va iqlim o‘zgarishi vazirligi Xorazm viloyati boshqarmasi xodimlari ishtirokida uchastkani topshirish-qabul qilish ishlari olib borildi.

Shu jumladan, “E-AUKSION” elektron savdo platformasi tomonidan taqdim etilgan g‘oliblik bayonnomasiga asosan, Xorazm viloyati Urganch tumani “Cholish” MFY hududidan oqib o‘tuvchi Amudaryo daryosi o‘zanidagi uchastkada o‘zan tozalash jarayonida qum-shag‘al materiallarini qazib olish ishlarini amalga oshirish huquqi bo‘yicha “Xavfsiz daryo boshqarmasi” davlat muassasasi hamda “MEGASTONE” mas’uliyati cheklangan jamiyati o‘rtasida shartnoma imzolangan edi.

Mazkur uchastka loyihada ko‘rsatilgan chegaradan 150 metr qirg‘oqqa yaqin bo‘lgani bois, uchastkaning geografik koordinata nuqtlariga o‘zgartirish kiritilib qayta loyiha hujjatlari ishlab chiqildi hamda davlat ekologik ekspertizasining xulosasi olinib, tadbirkorlik subyekti bilan mazkur uchastkada o‘zan tozalash ishlarini amalga oshirish bo‘yicha qo‘shimcha kelishuv imzolandi.

O‘z navbatida, realizatsiya qilingan uchastkaning chegaralari va muhofaza mintaqasi hududlari tadbirkorlik subyektiga ko‘rsatilib, uchastkaning chegara nuqtalariga qo‘zg‘almas beton qoziqlar hamda uchastka parametrlarini o‘zida aks ettiruvchi bannerlar qayta o‘rnatildi.

Holat bo‘yicha, taraflar o‘rtasida uchastka topshirish-qabul qilish dalolatnomasi rasmiylashtirildi.

Shuningdek, tadbirkorlik subyekti rahbariga uchastkada faoliyat olib borish jarayonida loyiha hujjatlari va davlat ekologik ekspertiza xulosasi talablariga rioya qilish hamda shartnomada ko‘rsatilgan me’yorlardan chetga chiqmaslik to‘g‘risida tegishli ko‘rsatmalar berildi.