O‘zbekiston Respublikasi Suv xo‘jaligi vazirligi huzuridagi “Suv xo‘jaligida bozor mexanizimlarini joriy qilish”davlat muassasasi

O‘zbekiston Respublikasi Vazirlar Mahkamasining 03.12.2018 yildagi 981-son qarori

DARYOLAR O‘ZANLARINI TOZALASH ISHLARIGA TADBIRKORLIK SUBYEKTLARINI ELEKTRON ONLAYN-AUKSION ORQALI JALB QILISH TARTIBINI JORIY ETISH TO‘G‘RISIDA

O‘zbekiston Respublikasi Prezidentining “Ichki bozorni qum-shag‘al materiallari bilan barqaror ta’minlash bo‘yicha qo‘shimcha chora-tadbirlar to‘g‘risida” 2018-yil 9-iyuldagi PQ-3841-son qarori ijrosini ta’minlash hamda daryolar o‘zanlarini tozalash jarayonida qum-shag‘al materiallarini qazib olish ishlariga tadbirkorlik subyektlarini jalb qilish tartibini joriy etish maqsadida Vazirlar Mahkamasi qaror qiladi:

Oldingi tahrirga qarang.

1. Daryolar o‘zanlarini tozalash uchun ishlab chiqilgan loyihalarni amalga oshirish huquqini elektron onlayn-auksion orqali realizatsiya qilish uchun materiallar tayyorlash tartibi to‘g‘risidagi nizom 1-ilovaga muvofiq tasdiqlansin.

(1-band O‘zbekiston Respublikasi Vazirlar Mahkamasining 2022-yil 12-yanvardagi 18-sonli qarori tahririda — Qonunchilik ma’lumotlari milliy bazasi, 13.01.2022-y., 09/22/18/0019-son)

2. O‘zbekiston Respublikasi Hukumatining 2-ilovaga muvofiq ayrim qarorlariga o‘zgartirish va qo‘shimchalar kiritilsin.

3. O‘zbekiston Respublikasi Favqulodda vaziyatlar vazirligi manfaatdor vazirliklar va idoralar bilan birgalikda o‘zlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.

4. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari — “O‘zbekiston temir yo‘llari” AJ boshqaruvi raisi A.J. Ramatov va O‘zbekiston Respublikasi Favqulodda vaziyatlar vaziri vazifasini bajaruvchi T.A. Xudaybergenov zimmasiga yuklansin.

O‘zbekiston Respublikasining Bosh vaziri A. ARIPOV

Toshkent sh.,

2018-yil 3-dekabr,

981-son

Vazirlar Mahkamasining 2018-yil 3-dekabrdagi 981-son qaroriga
1-ILOVA

Oldingi tahrirga qarang.

Daryolar o‘zanlarini tozalash maqsadida ishlab chiqilgan loyihalarni amalga oshirish huquqini elektron onlayn-auksion orqali realizatsiya qilish uchun materiallar tayyorlash tartibi to‘g‘risida

NIZOM

1-bob. Umumiy qoidalar

1. Ushbu Nizom daryolar o‘zanlarini tozalash maqsadida ishlab chiqilgan loyihalarni amalga oshirish huquqini elektron onlayn-auksion orqali realizatsiya qilish uchun materiallarni tayyorlash tartibini belgilaydi.

2. Ushbu Nizomda quyidagi asosiy tushunchalar qo‘llaniladi:

“E-auksion” elektron savdo platformasi (keyingi o‘rinlarda — elektron savdo platformasi) — elektron onlayn-auksionlarni (keyingi o‘rinlarda auksion deb ataladi) tashkil etish va o‘tkazish uchun zarur bo‘lgan axborotni kiritish, saqlash va qayta ishlash, shuningdek, manfaatdor shaxslarning auksionlar jarayonlaridan operator veb-portali orqali bevosita foydalanish imkoniyatini ta’minlaydigan axborot tizimi;

auksion — elektron savdo platformasi orqali loyihalarni amalga oshirish huquqi realizatsiya qilinadigan auksion;

loyiha tashkilotlari — daryolar o‘zanlarini tozalash ishlarini tashkil etishda ilmiy izlanishlar va hisob-kitoblarga tayangan holda loyihalarni ishlab chiqishga ixtisoslashgan tashkilotlar;

loyihaning minimal qiymati — loyihani auksionga qo‘yish uchun uni amalga oshirish huquqining qiymati;

operator — O‘zbekiston Respublikasi Davlat aktivlarini boshqarish agentligi huzuridagi elektron savdo platformasida auksionlarni tashkil etadigan va o‘tkazadigan “Elektron onlayn-auksionlarni tashkil etish markazi” davlat unitar korxonasi.

3. Daryolar o‘zanlarini tozalash uchun ishlab chiqilgan loyihalarni amalga oshirish huquqini elektron onlayn-auksion orqali realizatsiya qilish uchun materiallar tayyorlash mazkur Nizomga 1-ilovaga muvofiq sxema bo‘yicha tayyorlanadi.

Oldingi tahrirga qarang.

4. Daryolar o‘zanlarini tozalashda qum-shag‘al materiallarini qazib olish ishlari transport va yo‘l infratuzilmasi obyektlarini, shuningdek, davlat dasturlari, yirik investitsiya loyihalari va davlat ahamiyatiga ega boshqa loyihalar doirasida qurilish, rekonstruksiya va ta’mirlash ishlarini amalga oshirish uchun O‘zbekiston Respublikasi Prezidentining farmonlari, qarorlari va farmoyishlari, O‘zbekiston Respublikasi Vazirlar Mahkamasining qarorlari asosida, istisno tariqasida, O‘zbekiston Respublikasi Favqulodda vaziyatlar vazirligi “Xavfsiz daryo boshqarmasi” davlat muassasasi (keyingi o‘rinlarda — “Xavfsiz daryo boshqarmasi”) va tadbirkorlik subyektlari yoki boshqa tashkilotlar o‘rtasida to‘g‘ridan to‘g‘ri shartnoma tuzilib, loyiha hujjatlarini ishlab chiqqan holda amalga oshirilishi mumkin.

(4-bandning birinchi xatboshisi O‘zbekiston Respublikasi Vazirlar Mahkamasining 2023-yil 16-yanvardagi 17-sonli qarori tahririda — Qonunchilik ma’lumotlari milliy bazasi, 17.01.2023-y., 09/23/17/0031-son)

Agar bunday daryo uchastkalari uchun loyiha hujjatlari ishlab chiqilmagan yoki yakunlanmagan bo‘lsa, bunda daryolar o‘zanlarini tozalashda qum-shag‘al materiallarini qazib olish bo‘yicha loyiha hujjatlarini ishlab chiqish va davlat ekologik ekspertizasidan o‘tkazish ishlarini parallel ravishda olib borilishiga ruxsat beriladi.

Tadbirkorlik subyektlarining huquqlarini to‘laqonli ta’minlash maqsadida favqulodda vaziyatlarning oldini olish va ular oqibatida zararlangan daryolar qirg‘oqlarini va ulardagi dambalarni tiklashga daryo o‘zanlaridan qazib olingan qum-shag‘al materiallari uchun to‘lovlar undirilmaydi. Bunda loyihada belgilangan zaxira qirg‘oqlarni va dambalarni tiklash uchun olingan qum-shag‘al materiallari hajmiga kamaytiriladi.

2-bob. Daryolar o‘zanlarida qum-shag‘al materiallari to‘planib qolgan va tozalanishi lozim bo‘lgan uchastkalarni aniqlash hamda loyiha hujjatlarini ishlab chiqish

Oldingi tahrirga qarang.

5. O‘zbekiston Respublikasi Favqulodda vaziyatlar vazirligi, Tabiat resurslari vazirligi hamda Tog‘-kon sanoati va geologiya vazirligi tomonidan zaruratga ko‘ra olib borilgan o‘rganishlar natijalari bo‘yicha daryolar o‘zanlarida qum-shag‘al materiallari to‘planib qolgan va tozalanishi lozim bo‘lgan uchastkalar ro‘yxati (keyingi o‘rinlarda — uchastkalar ro‘yxati) shakllantiriladi.

(5-bandning birinchi xatboshisi O‘zbekiston Respublikasi Vazirlar Mahkamasining 2023-yil 16-yanvardagi 17-sonli qarori tahririda — Qonunchilik ma’lumotlari milliy bazasi, 17.01.2023-y., 09/23/17/0031-son)

Daryo o‘zanlarini tozalashda faqat, qirg‘oqlar yuvilishiga hamda yaqin hududlarni suv bosishiga sabab bo‘lishi mumkin bo‘lgan va suv oqimlariga to‘sqinlik qilayotgan o‘zanda yig‘ilib qolgan qum-shag‘al materiallari hajmining qazib olinishiga ruxsat etiladi.

Oldingi tahrirga qarang.

6. O‘zbekiston Respublikasi Favqulodda vaziyatlar vazirligi besh ish kuni mobaynida uchastkalar ro‘yxatini O‘zbekiston Respublikasi Prezidentining 2022-yil 18-noyabrdagi PQ-426-son qarori bilan tashkil etilgan Toshqin suvlari va sel oqimlarini xavf-xatarsiz o‘tkazib yuborishni ta’minlash, qor ko‘chishi va yer ko‘chki hodisalari xavfini kamaytirish bo‘yicha hukumat komissiyasiga (keyingi o‘rinlarda — Komissiya) belgilangan tartibda kiritadi.

(6-bandning birinchi xatboshisi O‘zbekiston Respublikasi Vazirlar Mahkamasining 2023-yil 16-yanvardagi 17-sonli qarori tahririda — Qonunchilik ma’lumotlari milliy bazasi, 17.01.2023-y., 09/23/17/0031-son)

Komissiya o‘n ish kuni mobaynida uchastkalar ro‘yxatini ko‘rib chiqadi, tasdiqlaydi va ijro uchun O‘zbekiston Respublikasi Favqulodda vaziyatlar vazirligiga yuboradi.

Oldingi tahrirga qarang.

7. Xavfsiz daryo boshqarmasi besh ish kuni mobaynida tasdiqlangan uchastkalar ro‘yxati bo‘yicha bosqichma-bosqich har bir uchastkaga loyiha hujjatlarini ishlab chiqish uchun tegishli loyiha tashkilotlariga buyurtma beradi.

(7-band O‘zbekiston Respublikasi Vazirlar Mahkamasining 2023-yil 16-yanvardagi 17-sonli qarori tahririda — Qonunchilik ma’lumotlari milliy bazasi, 17.01.2023-y., 09/23/17/0031-son)

8. Loyiha tashkilotlari buyurtmada (shartnomada) ko‘rsatilgan muddatda loyiha hujjatlarini ishlab chiqadi. Loyiha hujjatlarida quyidagilar aks ettiriladi:

loyihaning maqsadi;

qum-shag‘al zaxirasining hajmi;

loyihadan kutiladigan natija;

loyihani amalga oshirish muddati va joyi;

loyihani amalga oshirish joyi joylashgan hududdan kelib chiqqan holda texnik ko‘rsatkichlar.

Oldingi tahrirga qarang.

9. Loyiha tashkilotlari tomonidan tayyorlangan loyiha hujjatlarini olgandan so‘ng Xavfsiz daryo boshqarmasi ikki ish kuni mobaynida davlat ekologik ekspertizasi xulosasini olish uchun O‘zbekiston Respublikasi Tabiat resurslari vazirligining davlat ekologik ekspertizasi organlariga belgilangan tartibda loyiha hujjatlarini taqdim etadi.

(9-band O‘zbekiston Respublikasi Vazirlar Mahkamasining 2023-yil 16-yanvardagi 17-sonli qarori tahririda — Qonunchilik ma’lumotlari milliy bazasi, 17.01.2023-y., 09/23/17/0031-son)

Oldingi tahrirga qarang.

10. O‘zbekiston Respublikasi Tabiat resurslari vazirligining davlat ekologik ekspertizasi organlari yigirma ish kuni mobaynida har bir loyiha hujjati bo‘yicha davlat ekologik ekspertizasi xulosasini tayyorlaydi va Xavfsiz daryo boshqarmasining shaxsiy kabinetiga elektron shaklda yuboradi.

(10-band O‘zbekiston Respublikasi Vazirlar Mahkamasining 2023-yil 16-yanvardagi 17-sonli qarori tahririda — Qonunchilik ma’lumotlari milliy bazasi, 17.01.2023-y., 09/23/17/0031-son)

3-bob. Loyihalarni amalga oshirish huquqini auksionda realizatsiya qilish maqsadida auksionga qo‘yish uchun tegishli materiallarni tayyorlash tartibi

Oldingi tahrirga qarang.

11. Loyiha hujjatlari bo‘yicha davlat ekologik ekspertizasi xulosasi olingandan so‘ng Xavfsiz daryo boshqarmasi ikki ish kuni mobaynida loyihani amalga oshirish huquqini auksionda realizatsiya qilish uchun tegishli materiallar tayyorlanishini ta’minlaydi.

(11-band O‘zbekiston Respublikasi Vazirlar Mahkamasining 2023-yil 16-yanvardagi 17-sonli qarori tahririda — Qonunchilik ma’lumotlari milliy bazasi, 17.01.2023-y., 09/23/17/0031-son)

12. Loyihani amalga oshirish huquqini auksionda realizatsiya qilish uchun tegishli materiallarni tayyorlash quyidagilarni o‘z ichiga oladi:

loyihaning minimal qiymatini aniqlash;

Oldingi tahrirga qarang.

loyihani amalga oshirish huquqini auksionda realizatsiya qilish uchun auksionga qo‘yish to‘g‘risida Xavfsiz daryo boshqarmasi boshlig‘i buyrug‘ini ishlab chiqish;

(12-bandning uchinchi xatboshisi O‘zbekiston Respublikasi Vazirlar Mahkamasining 2023-yil 16-yanvardagi 17-sonli qarori tahririda — Qonunchilik ma’lumotlari milliy bazasi, 17.01.2023-y., 09/23/17/0031-son)

loyihani amalga oshirish huquqini auksionda realizatsiya qilish uchun boshqa zarur hujjatlarni tayyorlash.

13. Loyihani amalga oshirish huquqining minimal qiymati loyiha hujjatlarini ishlab chiqish, davlat ekologik ekspertizasi xulosasini olish, loyihaning amalga oshirilishini monitoring qilish, shuningdek, tadbirkorlik subyektlarini daryo o‘zanlarini tozalash ishlariga jalb qilish bilan bog‘liq xarajatlardan kelib chiqib, quyidagi formula orqali aniqlanadi:

N = (L + E + M) x S, bunda:

N — loyihani amalga oshirish huquqining minimal qiymati;

L — loyiha hujjatlarini ishlab chiqish bilan bog‘liq xarajatlar;

E — loyiha hujjatlariga davlat ekologik ekspertizasi xulosasini olishga sarflanadigan mablag‘lar;

M — loyihaning amalga oshirilishini monitoring qilish bilan bog‘liq xarajatlar, bunda ushbu qiymat loyihani amalga oshirish huquqini auksionga qo‘yish kunida amalda bo‘lgan mehnatga haq to‘lashning eng kam miqdorining 100 baravarida belgilanadi;

S — qo‘shilgan qiymat solig‘i, S= 1,15.

Toshkent shahri va Toshkent viloyati hududlaridagi uchastkalarda loyihani amalga oshirish huquqining minimal qiymatini hisoblashda 0,1 pasaytiruvchi koeffitsiyent qo‘llaniladi.

Oldingi tahrirga qarang.

14. Loyihani amalga oshirish huquqini auksionda realizatsiya qilish uchun auksionga qo‘yish to‘g‘risidagi buyruq Xavfsiz daryo boshqarmasi boshlig‘i tomonidan imzolanadi va unda quyidagilar ko‘rsatiladi:

(14-bandning birinchi xatboshisi O‘zbekiston Respublikasi Vazirlar Mahkamasining 2023-yil 16-yanvardagi 17-sonli qarori tahririda — Qonunchilik ma’lumotlari milliy bazasi, 17.01.2023-y., 09/23/17/0031-son)

loyihani amalga oshirish huquqini auksionga qo‘yish uchun asos;

loyihani amalga oshirishdan belgilangan maqsad;

loyihaning o‘ziga xos raqami, uni amalga oshirish joyi va muddati;

loyiha bo‘yicha qum-shag‘al zaxirasining hajmi;

loyihaning minimal qiymati (boshlang‘ich narxi);

loyihani amalga oshirish huquqi egasining majburiyatlari, shu jumladan, davlat ekologik ekspertizasi xulosasida qayd etilgan majburiyatlar;

loyihani amalga oshirish shartlari va tartibi to‘g‘risida axborot.

Oldingi tahrirga qarang.

15. Loyiha hujjatlari bo‘yicha davlat ekologik ekspertizasi xulosasi olingandan so‘ng Xavfsiz daryo boshqarmasi ikki ish kuni mobaynida operatorga loyihani amalga oshirish huquqini realizatsiya qilish bo‘yicha auksion tashkil qilish haqidagi elektron buyurtmani (keyingi o‘rinlarda — buyurtma) mazkur Nizomga 2-ilovaga muvofiq shaklda taqdim etadi.

(15-band O‘zbekiston Respublikasi Vazirlar Mahkamasining 2023-yil 16-yanvardagi 17-sonli qarori tahririda — Qonunchilik ma’lumotlari milliy bazasi, 17.01.2023-y., 09/23/17/0031-son)

Oldingi tahrirga qarang.

16. Buyurtma Xavfsiz daryo boshqarmasi boshlig‘ining elektron imzosi bilan tasdiqlanadi va operatorga yuboriladi.

(16-band O‘zbekiston Respublikasi Vazirlar Mahkamasining 2023-yil 16-yanvardagi 17-sonli qarori tahririda — Qonunchilik ma’lumotlari milliy bazasi, 17.01.2023-y., 09/23/17/0031-son)

17. Buyurtmaga quyidagilar elektron (skaner qilingan) shaklda ilova qilinadi:

Oldingi tahrirga qarang.

a) Xavfsiz daryo boshqarmasi boshlig‘ining loyihani amalga oshirish huquqini auksionda realizatsiya qilish uchun auksionga qo‘yish to‘g‘risidagi buyrug‘i;

(17-bandning “a” kichik bandi O‘zbekiston Respublikasi Vazirlar Mahkamasining 2023-yil 16-yanvardagi 17-sonli qarori tahririda — Qonunchilik ma’lumotlari milliy bazasi, 17.01.2023-y., 09/23/17/0031-son)

b) daryo o‘zanlaridan qum-shag‘al materiallarini qazib olish ishlarini olib borish bo‘yicha tayyorlangan loyiha annotatsiyasi;

v) davlat ekologik ekspertizasi xulosasi;

Oldingi tahrirga qarang.

g) Xavfsiz daryo boshqarmasi va auksion g‘olibi bilan tuziladigan shartnoma loyihasi;

(17-bandning “g” kichik bandi O‘zbekiston Respublikasi Vazirlar Mahkamasining 2023-yil 16-yanvardagi 17-sonli qarori tahririda — Qonunchilik ma’lumotlari milliy bazasi, 17.01.2023-y., 09/23/17/0031-son)

d) google xaritada loyihani amalga oshirish joyi (koordinatali nuqtalari bilan);

e) loyihani amalga oshirish joyining fotosurati (15x20 sm).

Oldingi tahrirga qarang.

18. Buyurtmaga mazkur Nizomning 17-bandida nazarda tutilgan barcha hujjatlar ilova qilinmaganda yoki ular tegishli ravishda rasmiylashtirilmaganda, operator buyurtmani olgandan so‘ng keyingi ish kunidan kechiktirmasdan buyurtmani bartaraf etilishi lozim bo‘lgan kamchiliklarni ko‘rsatgan holda Xavfsiz daryo boshqarmasiga qaytaradi.

(18-bandning birinchi xatboshisi O‘zbekiston Respublikasi Vazirlar Mahkamasining 2023-yil 16-yanvardagi 17-sonli qarori tahririda — Qonunchilik ma’lumotlari milliy bazasi, 17.01.2023-y., 09/23/17/0031-son)

Oldingi tahrirga qarang.

Xavfsiz daryo boshqarmasi operator tomonidan qayd etilgan barcha kamchiliklarni besh ish kuni mobaynida bartaraf etib, buyurtmani mazkur Nizomning 17-bandi talablariga muvofiq takroran operatorga yuboradi.

(18-bandning ikkinchi xatboshisi O‘zbekiston Respublikasi Vazirlar Mahkamasining 2023-yil 16-yanvardagi 17-sonli qarori tahririda — Qonunchilik ma’lumotlari milliy bazasi, 17.01.2023-y., 09/23/17/0031-son)

Oldingi tahrirga qarang.

19. Xavfsiz daryo boshqarmasi taqdim etgan hujjatlar mazkur Nizomning 17-bandi talablariga muvofiqligi yuzasidan operator tasdig‘idan so‘ng:

(19-bandning birinchi xatboshisi O‘zbekiston Respublikasi Vazirlar Mahkamasining 2023-yil 16-yanvardagi 17-sonli qarori tahririda — Qonunchilik ma’lumotlari milliy bazasi, 17.01.2023-y., 09/23/17/0031-son)

bosma va elektron ommaviy axborot vositalarida loyihani amalga oshirish huquqi auksionga qo‘yilishi to‘g‘risidagi axborotni tarqatadi;

Oldingi tahrirga qarang.

O‘zbekiston Respublikasi Favqulodda vaziyatlar vazirligiga, Tabiat resurslari vazirligi hamda Tog‘-kon sanoati va geologiya vazirligiga loyihani amalga oshirish huquqi auksionga qo‘yilishi haqidagi axborotni yuboradi.

(19-bandning uchinchi xatboshisi O‘zbekiston Respublikasi Vazirlar Mahkamasining 2023-yil 16-yanvardagi 17-sonli qarori tahririda — Qonunchilik ma’lumotlari milliy bazasi, 17.01.2023-y., 09/23/17/0031-son)

Oldingi tahrirga qarang.

20. O‘zbekiston Respublikasi Favqulodda vaziyatlar vazirligi, Tabiat resurslari vazirligi, Tog‘-kon sanoati va geologiya vazirligi tadbirkorlik subyektlarini auksionda ishtirok etishga keng jalb qilishga doir choralarni ko‘radi, shu jumladan, Xavfsiz daryo boshqarmasidan olingan hujjatlar va axborotni auksionda ishtirok etish uchun buyurtma joylashtiriladigan internet jahon axborot tarmog‘idagi manziliga tayangan holda, o‘z rasmiy veb-saytlarida majburiy tartibda joylashtiradi.

(20-band O‘zbekiston Respublikasi Vazirlar Mahkamasining 2023-yil 16-yanvardagi 17-sonli qarori tahririda — Qonunchilik ma’lumotlari milliy bazasi, 17.01.2023-y., 09/23/17/0031-son)

21. Yer uchastkasiga bo‘lgan huquqni elektron savdo platformasida realizatsiya qilish O‘zbekiston Respublikasi Vazirlar Mahkamasining qarori bilan belgilangan tartibda amalga oshiriladi.

4-bob. Auksion natijalari bo‘yicha hisob-kitob qilish tartibi

22. Auksion g‘olibi tomonidan obyekt qiymati to‘liq to‘langandan so‘ng bayonnoma rasmiylashtiriladi.

Bunda ushbu auksion obyekti bo‘yicha avval to‘langan zakalat puli auksion obyektining 100 foiz qiymatiga qo‘shib hisoblanadi.

Oldingi tahrirga qarang.

23. Xavfsiz daryo boshqarmasi operatordan auksion natijalari haqidagi bayonnomani olgandan so‘ng va loyihani amalga oshirish huquqini realizatsiya qilishdan pul mablag‘lari tushgach, o‘n ish kun mobaynida:

(23-bandning birinchi xatboshisi O‘zbekiston Respublikasi Vazirlar Mahkamasining 2023-yil 16-yanvardagi 17-sonli qarori tahririda — Qonunchilik ma’lumotlari milliy bazasi, 17.01.2023-y., 09/23/17/0031-son)

auksion g‘olibi bilan belgilangan tartibda shartnoma tuzadi;

Oldingi tahrirga qarang.

O‘zbekiston Respublikasi Favqulodda vaziyatlar vazirligi, Tabiat resurslari vazirligi hamda Tog‘-kon sanoati va geologiya vazirligiga auksion g‘olibi to‘g‘risidagi ma’lumotlarni taqdim etadi.

(23-bandning uchinchi xatboshisi O‘zbekiston Respublikasi Vazirlar Mahkamasining 2023-yil 16-yanvardagi 17-sonli qarori tahririda — Qonunchilik ma’lumotlari milliy bazasi, 17.01.2023-y., 09/23/17/0031-son)

Oldingi tahrirga qarang.

24. O‘zbekiston Respublikasi Favqulodda vaziyatlar vazirligi, Tabiat resurslari vazirligi hamda Tog‘-kon sanoati va geologiya vazirligi Xavfsiz daryo boshqarmasidan olingan auksion g‘olibi to‘g‘risidagi ma’lumotlarni uch ish kuni mobaynida o‘z rasmiy veb-saytlarida majburiy tartibda joylashtiradi.

(24-band O‘zbekiston Respublikasi Vazirlar Mahkamasining 2023-yil 16-yanvardagi 17-sonli qarori tahririda — Qonunchilik ma’lumotlari milliy bazasi, 17.01.2023-y., 09/23/17/0031-son)

5-bob. Loyihani amalga oshirish huquqini realizatsiya qilishdan tushadigan mablag‘larni yo‘naltirish

Oldingi tahrirga qarang.

25. Loyihani amalga oshirish huquqini realizatsiya qilishdan tushgan pul mablag‘lari operatorning maxsus hisobvarag‘ida yig‘iladi va auksion g‘olibi tomonidan obyekt qabul qilinganligi tasdiqlangandan so‘ng auksionni tashkil qilish xizmatlari uchun to‘lov summalari chegirilgandan keyin qolgan pul mablag‘lari Xavfsiz daryo boshqarmasining bank hisobvarag‘iga o‘tkaziladi.

Kelib tushgan pul mablag‘lari O‘zbekiston Respublikasi Prezidentining “Ichki bozorni qum-shag‘al materiallari bilan barqaror ta’minlash bo‘yicha qo‘shimcha chora-tadbirlar to‘g‘risida” 2018-yil 9-iyuldagi PQ-3841-son qarorida va Xavfsiz daryo boshqarmasining Nizomida belgilangan maqsadlarga yo‘naltiriladi.

(25-band O‘zbekiston Respublikasi Vazirlar Mahkamasining 2023-yil 16-yanvardagi 17-sonli qarori tahririda — Qonunchilik ma’lumotlari milliy bazasi, 17.01.2023-y., 09/23/17/0031-son)

26. Shartnomada loyihani amalga oshirish shartlari, shu jumladan, loyihani belgilangan muddatlarda amalga oshirish, davlat ekologik ekspertizasi xulosasida nazarda tutilgan talablarga rioya etish to‘g‘risidagi majburiyatlar, shuningdek, ushbu majburiyatlarni bajarmaslik oqibatlari ko‘rsatiladi.

Bunda shartnomaga auksionni o‘tkazish haqidagi xabarnomada avval nazarda tutilmagan talablar va majburiyatlarni kiritishga yo‘l qo‘yilmaydi.

Oldingi tahrirga qarang.

27. Auksion g‘olibi shartnomada ko‘rsatilgan majburiyatlarga hamda davlat ekologik ekspertizasi shartlariga rioya etmagan holatlarda, ushbu loyihani amalga oshirish bo‘yicha tuzilgan shartnoma qonunchilik hujjatlarida belgilangan tartibda bekor qilinadi.

(27-band O‘zbekiston Respublikasi Vazirlar Mahkamasining 2023-yil 16-yanvardagi 17-sonli qarori tahririda — Qonunchilik ma’lumotlari milliy bazasi, 17.01.2023-y., 09/23/17/0031-son)

6-bob. Yakunlovchi qoidalar

28. Daryo o‘zanlarini tozalash jarayonida qum-shag‘al materiallarini qazib olish ishlari yer uchastkalarini ajratmagan xolda mavsumiy amalga oshiriladi.

Oldingi tahrirga qarang.

29. Tadbirkorlik subyektlari har yili bir marta yillik qazib olingan foydali qazilmalar hajmlari to‘g‘risida belgilangan tartibda marksheyderlik xulosasini tuzadilar va Tog‘-kon sanoati va geologiya vazirligining tegishli bo‘linmalariga taqdim etadilar.

(29-band O‘zbekiston Respublikasi Vazirlar Mahkamasining 2023-yil 16-yanvardagi 17-sonli qarori tahririda — Qonunchilik ma’lumotlari milliy bazasi, 17.01.2023-y., 09/23/17/0031-son)

Oldingi tahrirga qarang.

30. Xavfsiz daryo boshqarmasi doimiy ravishda:

(30-bandning birinchi xatboshisi O‘zbekiston Respublikasi Vazirlar Mahkamasining 2023-yil 16-yanvardagi 17-sonli qarori tahririda — Qonunchilik ma’lumotlari milliy bazasi, 17.01.2023-y., 09/23/17/0031-son)

Oldingi tahrirga qarang.

O‘zbekiston Respublikasi Favqulodda vaziyatlar vazirligi, Tabiat resurslari vazirligi hamda Tog‘-kon sanoati va geologiya vazirligi xodimlari bilan birgalikda joylarga chiqqan holda, daryolar o‘zanlarini tozalash ishlari olib borilayotgan uchastkalardagi holatni o‘rganadi;

(30-bandning ikkinchi xatboshisi O‘zbekiston Respublikasi Vazirlar Mahkamasining 2023-yil 16-yanvardagi 17-sonli qarori tahririda — Qonunchilik ma’lumotlari milliy bazasi, 17.01.2023-y., 09/23/17/0031-son)

shartnoma asosida jalb etilgan tadbirkorlik subyektlari tomonidan daryolar o‘zanlarini tozalash ishlari natijasida olingan qum-shag‘al materiallari hajmining hisobini yuritadi.

Oldingi tahrirga qarang.

31. Auksion g‘olibi tomonidan loyihani amalga oshirish bo‘yicha majburiyatlarning bajarilishi Xavfsiz daryo boshqarmasi tomonidan nazorat qilinadi va bu haqda har oyda O‘zbekiston Respublikasi Favqulodda vaziyatlar vazirligiga hisobot beriladi.

(31-band O‘zbekiston Respublikasi Vazirlar Mahkamasining 2023-yil 16-yanvardagi 17-sonli qarori tahririda — Qonunchilik ma’lumotlari milliy bazasi, 17.01.2023-y., 09/23/17/0031-son)

32. Ushbu Nizom talablari buzilishida aybdor shaxslar qonunchilik hujjatlarida belgilangan tartibda javob beradilar.

Oldingi tahrirga qarang.

Daryolar o‘zanlarini tozalash uchun ishlab chiqilgan loyihalarni amalga oshirish huquqini elektron onlayn-auksion orqali realizatsiya qilish uchun materiallar tayyorlash tartibi to‘g‘risidagi nizomga
1-ILOVA

Daryolar o‘zanlarini tozalash maqsadida ishlab chiqilgan loyihalarni amalga oshirish huquqini elektron onlayn-auksion orqali realizatsiya qilish uchun materiallarni tayyorlash

SXEMASI

Bosqichlar	Subyektlar	Tadbirlar	Muddatlar
Bosqichlar	Subyektlar	Tadbirlar	Muddatlar

1-bosqich	O‘zbekiston Respublikasi Favqulodda vaziyatlar vazirligi, Tabiat resurslari vazirligi, Tog‘-kon sanoati va geologiya vazirligi	Daryolar o‘zanlarida qum-shag‘al materiallari to‘planib qolgan va tozalanishi lozim bo‘lgan uchastkalar ro‘yxatini (keyingi o‘rinlarda uchastkalar ro‘yxati deb ataladi) shakllantiradi.	Zaruratga ko‘ra
1-bosqich			Zaruratga ko‘ra

2-bosqich	O‘zbekiston Respublikasi Favqulodda vaziyatlar vazirligi	Uchastkalar ro‘yxati Toshqin suvlar va sel oqimlarini xavf-xatarsiz o‘tkazib yuborishni ta’minlash, qor ko‘chishi va yer ko‘chki hodisalari xavfini kamaytirish bo‘yicha hukumat komissiyasiga belgilangan tartibda kiritadi.	5 ish kuni mobaynida
2-bosqich	O‘zbekiston Respublikasi Favqulodda vaziyatlar vazirligi		5 ish kuni mobaynida

3-bosqich	Toshqin suvlar va sel oqimlarini xavf-xatarsiz o‘tkazib yuborishni ta’minlash, qor ko‘chishi va yer ko‘chki hodisalari xavfini kamaytirish bo‘yicha hukumat komissiyasi	Uchastkalar ro‘yxatini ko‘rib chiqadi, tasdiqlaydi va ijro uchun O‘zbekiston Respublikasi Favqulodda vaziyatlar vazirligiga yuboradi.	10 ish kuni mobaynida
3-bosqich			10 ish kuni mobaynida

4-bosqich	O‘zbekiston Respublikasi Favqulodda vaziyatlar vazirligi “Xavfsiz daryo boshqarmasi” davlat muassasasi (keyingi o‘rinlarda Xavfsiz daryo boshqarmasi deb ataladi)	Tasdiqlangan uchastkalar ro‘yxati bo‘yicha bosqichma-bosqich har bir uchastkaga loyiha hujjatlarini ishlab chiqish uchun tegishli loyiha tashkilotlariga buyurtma beradi.	5 ish kuni mobaynida
4-bosqich			5 ish kuni mobaynida

5-bosq�ch	Loyiha tashkilotlari	Loyiha hujjatlarini ishlab chiqadi.	Shartnomaga muvofiq
5-bosq�ch	Loyiha tashkilotlari	Loyiha hujjatlarini ishlab chiqadi.	Shartnomaga muvofiq

6-bosqich	Xavfsiz daryo boshqarmasi	Davlat ekologik ekspertizasi xulosasini olish uchun O‘zbekiston Respublikasi Tabiat resurslari vazirligining davlat ekologik ekspertizasi organlariga belgilangan tartibda loyiha hujjatlarini taqdim etadi.	2 ish kuni mobaynida
6-bosqich	Xavfsiz daryo boshqarmasi		2 ish kuni mobaynida

7-bosqich	O‘zbekiston Respublikasi Tabiat resurslari vazirligining davlat ekologik ekspertizasi organlari	Har bir loyiha hujjatlari bo‘yicha davlat ekologik ekspertizasi xulosasini tayyorlaydi va Xavfsiz daryo boshqarmasi vakiliga ishonchnoma asosida topshiradi.	20 ish kuni mobaynida
7-bosqich			20 ish kuni mobaynida

8-bosqich	Xavfsiz daryo boshqarmasi	Loyihani amalga oshirish huquqini auksionda realizatsiya qilish uchun O‘zbekiston Respublikasi Davlat aktivlarini boshqarish agentligi huzuridagi “Elektron onlayn-auksionlarni tashkil etish markazi” DUKka (keyingi o‘rinlarda operator deb ataladi) elektron buyurtma beradi.	2 ish kuni mobaynida
8-bosqich	Xavfsiz daryo boshqarmasi		2 ish kuni mobaynida

9-bosqich	Operator	O‘tkazilgan auksion natijalari haqidagi bayonnomani Xavfsiz daryo boshqarmasiga taqdim etadi va o‘z veb-portaliga axborotni kiritadi.	1 ish kuni mobaynida
9-bosqich	Operator		1 ish kuni mobaynida

10-bosqich	Xavfsiz daryo boshqarmasi	Auksion g‘olibi bilan shartnoma tuzadi. O‘zbekiston Respublikasi Favqulodda vaziyatlar vazirligi, Tabiat resurslari vazirligi, Tog‘-kon sanoati va geologiya vazirligiga auksion g‘oliblari to‘g‘risida ma’lumotlar taqdim etadi.	3 ish kuni mobaynida
10-bosqich	Xavfsiz daryo boshqarmasi		3 ish kuni mobaynida

11-bosqich	O‘zbekiston Respublikasi Favqulodda vaziyatlar vazirligi, Tabiat resurslari vazirligi, Tog‘-kon sanoati va geologiya vazirligi	Xavfsiz daryo boshqarmasidan olingan auksion g‘oliblari to‘g‘risidagi ma’lumotlarni o‘z rasmiy veb-saytlarida majburiy tartibda joylashtiradi.	3 ish kuni mobaynida
11-bosqich			3 ish kuni mobaynida

12-bosqich	Xavfsiz daryo boshqarmasi, O‘zbekiston Respublikasi Favqulodda vaziyatlar vazirligi, Tabiat resurslari vazirligi, Tog‘-kon sanoati va geologiya vazirligi	Joylarga chiqqan holda, daryolar o‘zanlarini tozalash ishlari olib borilayotgan uchastkalardagi holatni o‘rganadi.	Doimiy ravishda
12-bosqich			Doimiy ravishda

13-bosqich	Xavfsiz daryo boshqarmasi	Shartnoma asosida jalb etilgan tadbirkorlik subyektlari tomonidan daryolar o‘zanlarini tozalash ishlari natijasida olingan qum-shag‘al materiallarining hisobini yuritadi.	Doimiy ravishda
13-bosqich	Xavfsiz daryo boshqarmasi		Doimiy ravishda

(1-ilova O‘zbekiston Respublikasi Vazirlar Mahkamasining 2023-yil 16-yanvardagi 17-sonli qarori tahririda — Qonunchilik ma’lumotlari milliy bazasi, 17.01.2023-y., 09/23/17/0031-son)

Oldingi tahrirga qarang.


Loyihani amalga oshirish huquqini realizatsiya qilish bo‘yicha elektron onlayn-auksion tashkil qilish haqida ELEKTRON BUYuRTMA

20___ yil “____” ______da ________ Xavfsiz daryo boshqarmasi va “Elektron onlayn-auksionlarni tashkil etish markazi” DUK o‘rtasida tuzilgan ____-son shartnomaga muvofiq, shuningdek, Xavfsiz daryo boshqarmasi boshlig‘ining 20___ yil “_____” _________ dagi buyrug‘iga binoan Xavfsiz daryo boshqarmasi quyidagi loyihani amalga oshirish huquqini elektron onlayn-auksionda realizatsiya qilish uchun ushbu buyurtmani taqdim etadi: 1. Loyihaning o‘ziga xos raqami _________________________________________________________________; 2. Loyihani amalga oshirish joyi _______________________________________________________________; 3. Belgilangan maqsad _________________________________________________________________________; 4. Loyiha bo‘yicha qum-shag‘al zaxirasining hajmi ___________________________________________________; 5. Loyihaning minimal qiymati (boshlang‘ich narxi) (so‘mda) __________________________________________; 6. Elektron onlayn-auksion g‘olibining majburiyatlari: 6.1. Loyihani amalga oshirish muddati ___________________________________________________________; 6.2. Loyihani amalga oshirish huquqi egasiga davlat ekologik ekspertizasi xulosasiga muvofiq qo‘yiladigan talablar:___________________________________________________________________________________; 6.3. Shartnoma shartlari va tartibiga taalluqli boshqa talablar _______________________________________; 7. Loyihani amalga oshirish huquqini realizatsiya qilishdan tushgan mablag‘lar o‘tkazilishi mumkin bo‘lgan bank rekvizitlari: Bank nomi __________________________________________________________________________________; Bank MFO __________________________________________________________________________________; Bank hisobvarag‘i _____________________________________________________________________________; 8. Xavfsiz daryo boshqarmasining manzili va bog‘lanish uchun ma’lumotlari (telefon raqami, elektron pochta manzili va boshqalar).

Buyurtma 20 ___ yil “____” _______________ da taqdim etildi. Xavfsiz daryo boshqarmasi boshlig‘i ____________________________________
		(F.I.O.)
	ERI

(2-ilova O‘zbekiston Respublikasi Vazirlar Mahkamasining 2023-yil 16-yanvardagi 17-sonli qarori tahririda — Qonunchilik ma’lumotlari milliy bazasi, 17.01.2023-y., 09/23/17/0031-son)

Vazirlar Mahkamasining 2018-yil 3-dekabrdagi 981-son qaroriga
2-ILOVA

O‘zbekiston Respublikasi Hukumatining ayrim qarorlariga kiritilayotgan o‘zgartirish va qo‘shimchalar

Oldingi tahrirga qarang.

(1-band O‘zbekiston Respublikasi Vazirlar Mahkamasining 2023-yil 29-apreldagi 171-sonli qaroriga asosan o‘z kuchini yo‘qotgan — Qonunchilik ma’lumotlari milliy bazasi, 01.05.2023-y., 09/23/171/0234-son)

2. Vazirlar Mahkamasining 2017-yil 21-dekabrdagi 1009-son qarori bilan tasdiqlangan Daryolar o‘zanlarini tozalash va qirg‘oqlarini mustahkamlash ishlarini amalga oshirish tartibi to‘g‘risidagi nizomning 6-bandiga quyidagi mazmundagi xatboshi qo‘shilsin:

“Daryolar o‘zanlarini to‘planib qolgan qum-shag‘al materiallaridan tozalash FVV, Davlat ekologiya qo‘mitasi hamda Davlat geologiya qo‘mitalari xodimlari tomonidan olib borilgan o‘rganishlar natijasida shakllantirilgan ro‘yxatga muvofiq belgilangan tartibda amalga oshiriladi”.

O‘zbekiston Respublikasi Vazirlar Mahkamasining 03.12.2018 yildagi 981-son qarori

Foydali Havolalar

Biz Haqimizda

Foydali Havolalar

Bog'lanish