O‘zbekiston Respublikasi Suv xo‘jaligi vazirligi huzuridagi “Suv xo‘jaligida bozor mexanizimlarini joriy qilish”davlat muassasasi

O‘zbekiston Respublikasi Vazirlar Mahkamasining 12.01.2022 yildagi 18-son qarori

ELEKTRON ONLAYN-AUKSION VA TANLOVLARNI TASHKIL ETISH HAMDA O‘TKAZISH TARTIBINI TAKOMILLASHTIRISH BO‘YICHA QO‘SHIMCHA CHORA-TADBIRLAR TO‘G‘RISIDA

O‘zbekiston Respublikasi Prezidentining “Shartnomaviy munosabatlarni tubdan takomillashtirish chora-tadbirlari to‘g‘risida” 2021-yil 14-sentabrdagi PF-6313-son Farmoni va “Elektron onlayn-auksionni o‘tkazish tartibini soddalashtirish, uning shaffofligini oshirish hamda ishtirokchilar huquqlarining ishonchli himoyasini kafolatlash chora-tadbirlari to‘g‘risida” 2021-yil 24-iyuldagi PQ-5197-son qarori ijrosini ta’minlash, shuningdek, elektron onlayn-auksion va tanlovlarni tashkil etish hamda o‘tkazish tartibini takomillashtirish maqsadida Vazirlar Mahkamasi qaror qiladi:

1. Quyidagilarni nazarda tutuvchi “E-auksion” elektron savdo platformasida elektron onlayn-auksion va tanlovlarni tashkil etish hamda o‘tkazish tartibi to‘g‘risidagi nizom 1-ilovaga muvofiq tasdiqlansin:

elektron onlayn-auksion o‘tkazilishi haqidagi xabarni e’lon qilish, uni o‘tkazish, o‘tkazilmagan deb hisoblash va takroriy auksionni o‘tkazish, elektron onlayn-auksion bo‘yicha hisob-kitob qilish hamda uning natijalarini rasmiylashtirish tartibi;

sud hujjatlari va boshqa organlarning hujjatlari ijrosini ta’minlashda xatlangan mol-mulkni, shuningdek, yer qa’ri uchastkalaridan foydalanish huquqini “E-auksion” elektron savdo platformasida sotish tartibining o‘ziga xos xususiyatlari;

elektron tanlov o‘tkazilishi haqidagi xabarni e’lon qilish, uni o‘tkazish, o‘tkazilmagan deb hisoblash va takroriy tanlovni o‘tkazish, tanlov natijalarini rasmiylashtirish va hisob-kitob qilish tartibi;

lotni elektron onlayn-auksiondan (tanlovdan) qaytarib olish tartibi va muddatlari.

2. “E-auksion” elektron savdo platformasiga integratsiya qilinadigan manfaatdor vazirliklar, idoralar va tashkilotlar ro‘yxati 2-ilovaga muvofiq tasdiqlansin.

3. O‘zbekiston Respublikasi Davlat aktivlarini boshqarish agentligi:

a) bir oy muddatda Axborot texnologiyalari va kommunikatsiyalarini rivojlantirish vazirligi bilan birgalikda 2-ilovadagi vazirliklar, idoralar va tashkilotlar o‘rtasida savdo obyektlari, ishtirokchilar hamda jarayonlar to‘g‘risidagi ma’lumotlar bilan almashish bo‘yicha amaliy choralar rejasini tasdiqlasin;

b) ikki oy muddatda:

ilg‘or xorijiy tajribani o‘rgangan holda “E-auksion” elektron savdo platformasini auditdan o‘tkazish, shu jumladan korrupsiyaga qarshi kurashish tizimlarining samaradorligini oshirish (“forenzik”) bo‘yicha Vazirlar Mahkamasiga taklif kiritsin;

Investitsiyalar va tashqi savdo vazirligi bilan birgalikda “E-auksion” elektron savdo platformasini chet ellik investorlar orasida ommalashtirish bo‘yicha chora-tadbirlar rejasini tasdiqlasin;

manfaatdor vazirliklar va idoralar bilan birgalikda o‘zlari qabul qilgan normativ-huquqiy hujjatlarni ushbu qarorga muvofiqlashtirsinlar.

4. O‘zbekiston Respublikasi Hukumatining 3-ilovaga muvofiq ayrim hujjatlariga o‘zgartirish va qo‘shimchalar kiritilsin.

5. Mazkur qarorning bajarilishini nazorat qilish O‘zbekiston Respublikasi Bosh vazirining moliya-iqtisodiyot va kambag‘allikni qisqartirish masalalari bo‘yicha o‘rinbosari — iqtisodiy taraqqiyot va kambag‘allikni qisqartirish vaziri J.A. Qo‘chqorov hamda O‘zbekiston Respublikasi Davlat aktivlarini boshqarish agentligi direktori A.J. Ortiqov zimmasiga yuklansin.

O‘zbekiston Respublikasining Bosh vaziri A. ARIPOV

Toshkent sh.,

2022-yil 12-yanvar,

18-son

Vazirlar Mahkamasining 2022-yil 12-yanvardagi 18-son qaroriga
1-ILOVA

“E-auksion” elektron savdo platformasida elektron onlayn-auksion va tanlovlarni tashkil etish hamda o‘tkazish tartibi to‘g‘risida

NIZOM

1-bob. Umumiy qoidalar

1. Ushbu Nizom Davlat aktivlarini boshqarish agentligi (keyingi o‘rinlarda — Agentlik) huzuridagi “Elektron onlayn-auksionlarni tashkil etish markazi” davlat unitar korxonasi tomonidan “E-auksion” elektron savdo platformasida elektron onlayn-auksion va tanlovlarni tashkil etish hamda o‘tkazish tartibini belgilaydi.

Oldingi tahrirga qarang.

Mazkur Nizom talablari xususiy mulkdorlar buyurtmasi asosida ularning mulklarini soddalashtirilgan tartib va muddatlarda sotish hamda ijaraga berishga, shuningdek, mazkur Nizomning elektron tanlov o‘tkazish qismi dehqon xo‘jaligini yuritish va yuridik shaxslarga qishloq xo‘jaligi maqsadlari uchun yer uchastkalarini elektron tanlov orqali ijaraga berishga nisbatan tatbiq etilmaydi.

(1-bandining ikkinchi xatboshisi O‘zbekiston Respublikasi Vazirlar Mahkamasining 2023-yil 16-oktabrdagi 540-sonli qarori tahririda — Qonunchilik ma’lumotlari milliy bazasi, 16.10.2023-y., 09/23/540/0777-son)

Oldingi tahrirga qarang.

Xususiy mulkdorlar buyurtmasi asosida ularning mulklarini soddalashtirilgan tartib va muddatlarda sotish va ijaraga berish, shuningdek, dehqon xo‘jaligini yuritish va yuridik shaxslarga qishloq xo‘jaligi maqsadlari uchun yer uchastkalarini elektron tanlov orqali ijaraga berish tartibi Vazirlar Mahkamasining alohida qarorlari bilan belgilanadi.

(1-bandining uchinchi xatboshisi O‘zbekiston Respublikasi Vazirlar Mahkamasining 2023-yil 16-oktabrdagi 540-sonli qarori tahririda — Qonunchilik ma’lumotlari milliy bazasi, 16.10.2023-y., 09/23/540/0777-son)

2. Ushbu Nizomda quyidagi asosiy tushunchalardan foydalaniladi:

“E-auksion” elektron savdo platformasi (keyingi o‘rinlarda — savdo platformasi) — elektron onlayn-auksion va tanlovlarni tashkil etish hamda o‘tkazish uchun zarur axborotni kiritish, saqlash va qayta ishlash, shuningdek, istagi bo‘lgan jismoniy va yuridik shaxslarning bunday auksion va tanlovlar jarayoniga kirish hamda ularda qatnashish imkonini ta’minlaydigan axborot tizimi;

auksion g‘olibi — lot bo‘yicha eng yuqori sotib olish (ijaraga olish) narxini tasdiqlab, g‘olib deb e’tirof etilgan ishtirokchi;

auksion yoki tanlov obyekti — auksion yoki tanlov orqali sotiladigan (ijaraga beriladigan) mulk yoki huquq;

auksion qadami — savdoda auksion obyekti boshlang‘ich narxiga nisbatan belgilanadigan foiz;

auksion qadamiga bog‘lanmagan narx — auksion obyekti to‘g‘risida xabarnoma joylashtirilgan kundan boshlab ishtirokchi tomonidan obyektni sotib olish (ijaraga olish) bo‘yicha auksion qadamiga bog‘lanmagan (belgilangan auksion qadami miqdoridan kam bo‘lmagan) holda taklif etilgan narx;

auksionning salohiyatli g‘olibi — auksion g‘olibidan bir qadam past narx taklifini tasdiqlagan ishtirokchi;

balansda saqlovchi — sotiladigan (ijaraga beriladigan) auksion (tanlov) obyekti biriktirilgan yuridik shaxs;

boshlang‘ich narx — auksion yoki tanlov obyektini savdoga qo‘yishda buyurtmachi tomonidan yoki ushbu Nizomda keltirilgan tartibga asosan belgilangan narx;

buyurtma — buyurtmachining auksion yoki tanlov obyektini sotish (ijaraga berish) bo‘yicha auksion yoki tanlovni tashkil etish va o‘tkazib berishni so‘rab savdo platformasi orqali operatorga yuborgan elektron murojaati;

buyurtmachi — auksion yoki tanlov obyektini sotish (ijaraga berish) bo‘yicha savdo platformasida auksion yoki tanlovni tashkil etish va o‘tkazib berish haqida buyurtma yuborgan jismoniy yoki yuridik shaxs;

zakalat — ishtirokchi tomonidan auksion yoki tanlovda qatnashish uchun kafolat ta’minoti sifatida kiritiladigan pul mablag‘lari;

ishtirokchi — savdo platformasida ushbu Nizomda belgilangan tartibda ro‘yxatdan o‘tib, auksion yoki tanlovda qatnashish uchun ariza bergan jismoniy yoki yuridik shaxs;

lot — buyurtmachi tomonidan auksion yoki tanlovda sotish (ijaraga berish) uchun savdoga qo‘yilgan obyekt;

lotga oid axborot — auksion yoki tanlov obyekti bo‘yicha buyurtmachi tomonidan taqdim etilgan ma’lumotlar va hujjatlar;

obyektning baholangan qiymati — auksion obyektini baholash haqidagi hisobotda (baholash talab etilmaydigan holatlardan tashqari) yoki davlat ijrochisining mol-mulkni baholash to‘g‘risidagi qarorida yoxud sud qarorida ko‘rsatilgan qiymat;

operator — savdo platformasida auksion va tanlovni tashkil etish hamda o‘tkazish vakolati berilgan “Elektron onlayn-auksionlarni tashkil etish markazi” davlat unitar korxonasi;

takroriy auksion yoki tanlov — auksion yoki tanlov o‘tkazilmagan deb topilgan hamda natijalari bekor qilinganda, qaytadan o‘tkaziladigan auksion yoki tanlov;

talabgor — savdolarda ishtirok etish istagini bildirgan va operatorning savdo platformasida ushbu Nizom bilan belgilangan tartibda ro‘yxatdan o‘tkazilgan yuridik yoki jismoniy shaxs;

tanlov g‘olibi — tanlov hujjatlari mezoni va shartlariga muvofiq eng yaxshi taklifni taqdim etgan ishtirokchi;

tanlov shartlari — tanlovni o‘tkazish tartibi, tanlov g‘olibini aniqlash mezonlari, ishtirokchilarga qo‘yiladigan investitsiya va ijtimoiy yoki boshqa majburiyatlar va talablar yuzasidan buyurtmachi tomonidan belgilanadigan shartlar;

tanlovning salohiyatli g‘olibi — tanlov g‘olibining taklifidan keyingi eng yaxshi taklifni taqdim etgan ishtirokchi;

xabarnoma — savdo platformasida muayyan lot bo‘yicha auksion yoki tanlov o‘tkazilishi haqidagi axborot;

xaridor — obyekt qiymatini to‘liq to‘lagan yoki buyurtmachi bilan obyektining oldi-sotdi (ijara) shartnomasini tuzgan savdolar g‘olibi;

shaxsiy kabinet — buyurtmachi yoki ishtirokchiga auksion va tanlovlarga buyurtma berish, ularda qatnashish, shaxsiy hisobni boshqarish, uning holati va boshqa statistik ma’lumotlarni ko‘rish hamda operator tomonidan jo‘natilayotgan xabarlar bilan tanishib borish imkonini beruvchi savdo platformasining maxsus bo‘limi;

shaxsiy hisobvaraq — savdo platformasi ma’lumotlar bazasida ro‘yxatga olingan, operatsiyalarni o‘tkazish uchun ishtirokchi va buyurtmachi ro‘yxatdan o‘tganda avtomatik ravishda ochiladigan hisobvaraq;

elektron onlayn-auksion (keyingi o‘rinlarda — auksion) — savdo platformasi orqali jismoniy va yuridik shaxslarga auksion obyektini sotish (ijaraga berish) bo‘yicha narxni oshirib yoki tushirib borish tamoyilida onlayn o‘tkaziladigan savdo shakli;

elektron tanlov (keyingi o‘rinlarda — tanlov) — savdo platformasi orqali tanlov obyekti bo‘yicha tanlov hujjatlarining mezoni va shartlariga muvofiq eng yaxshi taklifni taqdim etgan jismoniy yoki yuridik shaxsni tanlab olish jarayoni;

eng past narx — auksion obyekti undan past qiymatda sotilishi mumkin bo‘lmagan lot narxi;

savdo platformasida lot qiymati to‘liq to‘lanishi talab etilmaydigan auksion (tanlov) obyektlari — qonunchilik hujjatlariga muvofiq obyekt qiymati bo‘lib-bo‘lib to‘lash mexanizmi orqali va/yoki auksion (tanlov) g‘olibi va buyurtmachi o‘rtasida tuziladigan shartnomaga asosan to‘lanishi belgilangan auksion (tanlov) obyektlari;

savdo platformasidagi texnik uzilish — auksion yoki tanlov jarayonida bir yoki bir nechta ishtirokchining qatnashishini yoki mazkur Nizom talablari asosida operatorning xizmat ko‘rsatish imkoniyatini cheklaydigan savdo platformasidagi texnik nosozliklar.

3. Auksion yoki tanlov ochiq yoxud yopiq shaklda o‘tkazilishi mumkin.

Yopiq auksion yoki tanlovda savdo platformasi orqali taqdim etilgan ro‘yxatda mavjud yuridik va jismoniy shaxslar ishtirok etish huquqiga ega.

Davlatga va ustav fondida davlat ulushi 50 foiz va undan ortiq bo‘lgan yuridik shaxslar, shuningdek, ustav fondining 50 foizi va undan ortig‘i 50 foiz va undan ortiq miqdorda davlat ulushiga ega yuridik shaxsga tegishli bo‘lgan mol-mulk, yer uchastkalari hamda ularga tegishli bo‘lgan huquqlar bo‘yicha auksion yoki tanlovning yopiq shaklda o‘tkazilishi buyurtmachi tomonidan Vazirlar Mahkamasi qarori asosida amalga oshiriladi va buyurtmada ko‘rsatiladi.

Yopiq auksion yoki tanlovni o‘tkazishda buyurtmachi ruxsat etilgan yuridik va jismoniy shaxslarning ma’lumotlarini (ularning ro‘yxati, shaxsiy ma’lumotlari, yashash hududi va boshqalar) oldindan buyurtmada ko‘rsatadi.

Yopiq auksion yoki tanlovga taklif etilgan shaxslar belgilangan tartibda ro‘yxatdan o‘tmagani yoxud yopiq auksion yoki tanlov savdolariga oid ma’lumotlar bilan tanishib chiqmaganligi uchun operator javobgar hisoblanmaydi.

Yopiq auksion yoki tanlov ushbu Nizomda belgilangan tartibda umumiy tartib-taomillarga asosan o‘tkaziladi.

4. Savdo platformasida auksion yoki tanlov buyurtmachining buyurtmasi asosida operator tomonidan mazkur Nizomga muvofiq tashkil etiladi va o‘tkaziladi.

Operator buyurtmachi tomonidan taqdim etilgan auksion yoki tanlov obyekti bo‘yicha ma’lumot va hujjatlar yuzasidan javobgar hisoblanmaydi.

Operator buyurtmachi va ishtirokchilarning shartnomada (ofertada) belgilangan shaxsiy ma’lumotlari saqlanishini va ularning maxfiyligini ta’minlaydi.

Operator savdo platformasida auksion yoki tanlovni tashkil etish va o‘tkazishda buyurtmachi tomonidan taqdim etiladigan auksion yoki tanlov obyekti bo‘yicha ma’lumot va hujjatlarning shakli hamda sifati bo‘yicha talablarni belgilash, shuningdek, ma’lumot va hujjatlar talab darajasida taqdim etilmagan auksion yoki tanlov obyektini savdo platformasida savdoga chiqarmaslik va bartaraf etilishi kerak bo‘lgan kamchiliklarni ko‘rsatgan holda, operator elektron buyurtmani olgan kundan keyingi ish kunidan kechiktirmay qaytarib yuborish huquqiga ega.

5. Savdo platformasida auksion yoki tanlovni tashkil etish hamda o‘tkazishda operator quyidagi majburiyatlarga ega:

auksion yoki tanlovni belgilangan vaqtda tashkil etish;

auksion yoki tanlovning inson omili aralashuvisiz dasturiy ta’minot vositasida o‘tkazilishini ta’minlash;

dasturiy mahsulotlar, kompyuter texnikalari, server qurilmalari, kommunikatsiya uskunalarining sifatli ishlashini ta’minlash;

auksion yoki tanlovni o‘tkazish tartibi buzilishining oldini olish hamda bunday holatlarni aniqlash hamda bartaraf etish choralarini ko‘rish;

savdo platformasida barcha ishtirokchilar uchun auksion yoki tanlovda qatnashishda imkoniyatlar tengligini ta’minlash, yopiq auksion va tanlov bundan mustasno;

auksion yoki tanlov yakunlanishi bilan ular to‘g‘risidagi axborot e’lon qilinishini ta’minlash;

auksion yoki tanlov ishtirokchilari va boshqa shaxslar uchun auksionga hamda tanlovga oid ma’lumotlarni qulay va tezkor ravishda doimiy oshkor etib borish;

elektron hujjatlarga, elektron xabarlarga, buyurtmachi va ishtirokchilarning shaxsiy ma’lumotlariga ruxsatsiz kirishdan himoyalash choralarini ko‘rish;

elektron hujjatlar, ma’lumotlar va elektron xabarlarni uchinchi shaxslarga bermaslik, qonunchilikda nazarda tutilgan holatlar bundan mustasno;

axborot tizimlaridagi mavjud bo‘lgan axborotlar hamda buyurtmachi va ishtirokchilarning ma’lumotlari maxfiyligini ta’minlash, mazkur Nizomning 30 va 80-bandlarida belgilangan ma’lumotlar bundan mustasno;

o‘z savdo platformasida savdoga qo‘yilgan barcha lotlar to‘g‘risidagi ma’lumotni, jumladan, ularning maydoni, joylashuvi, narxi va boshqa parametrlar bo‘yicha filtrlagan holda, foydalanuvchilar uchun qulay formatlarda ko‘rish va lotlar reyestri ko‘rinishida umumiy foydalaniladigan va mashinada o‘qiladigan formatlarda yuklab olishni ta’minlash;

o‘tkazilgan savdolarga oid barcha ma’lumotlarni (ishtirokchilarning shaxsini oshkor qilmagan holda) o‘zining savdo platformasida kunlik tarzda va muntazam (haftalik, oylik va choraklik) davriylik bilan bitimlar reyestri ko‘rinishida umumiy foydalaniladigan va mashinada o‘qiladigan formatlarda yuklab olish imkoniyatini yaratish;

foydalanuvchilar savdo platformasi yanada qulayroq ishlashi borasida o‘z fikrlarini erkin va oshkora bildirishi uchun onlayn chat va ushbu maqsadlarda keng foydalaniladigan boshqa servislar va imkoniyatlar doimiy ishlashini ta’minlash;

aholi va tadbirkorlarni ommaviy axborot vositalari orqali, shuningdek, boshqa usullarda savdolarda ishtirok etish tartibi haqida muntazam tanishtirib borish.

Operatorga qonunchilik hujjatlariga muvofiq boshqa majburiyatlar ham yuklanishi mumkin.

Operator auksion yoki tanlov natijalari deb e’tirof etiladigan elektron bayonnoma (keyingi o‘rinlarda — bayonnoma) asosida tuzilgan (tuziladigan) shartnomalarda taraf hisoblanmaydi hamda bunday shartnomalarni rasmiylashtirishda ishtirok etmaydi.

6. Buyurtmachi va talabgor savdo platformasida ro‘yxatdan o‘tadi.

Savdo platformasida ro‘yxatdan o‘tishda quyidagi ma’lumotlar ko‘rsatilishi shart:

O‘zbekiston Respublikasi fuqarolari uchun — jismoniy shaxsning shaxsiy identifikatsiya raqami, zakalatni qaytarish uchun bank hisobvarag‘i rekvizitlari (yoki bank plastik kartasi ma’lumotlari), bog‘lanish uchun ma’lumotlar (yashash manzili, shu jumladan, elektron pochta manzili, mobil telefon raqami);

O‘zbekiston Respublikasida yashash guvohnomasiga ega bo‘lgan chet el fuqarolari va fuqaroligi bo‘lmagan shaxslar uchun — yashash guvohnomasi ma’lumotlari, bankdagi hisobvarag‘i rekvizitlari (yoki bank plastik karta ma’lumotlari), bog‘lanish uchun ma’lumotlar (yashash manzili, shu jumladan, elektron pochta manzili, mobil telefon raqami);

O‘zbekiston Respublikasida yashash guvohnomasiga ega bo‘lmagan chet el fuqarolari uchun — pasport (identifikatsiya ID-kartasi) ma’lumotlari, bankdagi hisobvarag‘i rekvizitlari (yoki bank plastik karta ma’lumotlari), bog‘lanish uchun ma’lumotlar (yashash manzili, shu jumladan, elektron pochta manzili, mobil telefon raqami, yashash (ro‘yxatdan o‘tgan) manzili);

O‘zbekiston Respublikasi rezidenti hisoblangan yuridik shaxslar, yuridik shaxs hisoblanmaydigan tadbirkorlik subyektlari uchun — soliq to‘lovchining identifikatsiya raqami, bankdagi hisobvarag‘i rekvizitlari, bog‘lanish uchun ma’lumotlar (pochta manzili, shu jumladan, elektron pochta manzili, mobil telefon raqami);

O‘zbekiston Respublikasi norezidentlari bo‘lgan yuridik shaxslar uchun — ro‘yxatdan o‘tganlik to‘g‘risidagi guvohnoma ma’lumotlari, rahbarining pasport ma’lumotlari, bankdagi hisobvarag‘i rekvizitlari, bog‘lanish uchun ma’lumotlar (pochta manzili, shu jumladan, elektron pochta manzili, mobil telefon raqami, ro‘yxatdan o‘tgan manzili).

Ro‘yxatdan o‘tish ma’lumotlar to‘ldirilgandan so‘ng shaxsni identifikatsiyalash elektron raqamli imzo (keyingi o‘rinlarda — ERI) asosida amalga oshiriladi.

Talabgor va buyurtmachi identifikatsiyalash jarayonida auksion yoki tanlovni o‘tkazish tartibi bilan tanishgani, savdo platformasining o‘ziga xos jihatlari va tartib-taomillarini qabul qilganligi yuzasidan operator bilan elektron savdolarni tashkil etish va o‘tkazish bo‘yicha elektron shartnoma (oferta)ni ERI orqali imzolaydi hamda ushbu shartnomalar operator tomonidan ro‘yxatga olib boriladi.

Savdo platformasida ro‘yxatdan o‘tmagan (identifikatsiya qilinmagan) shaxs auksion yoki tanlov o‘tkazish uchun buyurtma bera olmaydi va ishtirok eta olmaydi.

7. Ro‘yxatdan o‘tgan buyurtmachi va talabgorga savdo platformasida shaxsiy kabinet ochiladi.

8. Buyurtmachi va operator o‘rtasida ushbu Nizom talablaridan kelib chiqib, auksion yoki tanlovni tashkil etish va o‘tkazish bo‘yicha o‘zaro hamkorlik reglamenti imzolanishi mumkin.

Bunda buyurtmachilar, davlatga tegishli bo‘lgan mol-mulk, yer uchastkalari hamda ularga tegishli bo‘lgan huquqlarni savdolarga chiqaruvchi buyurtmachilar bundan mustasno, o‘ziga tegishli bo‘lgan mulk yoki huquqni sotish (ijaraga berish) bo‘yicha auksion yoki tanlovni o‘tkazib berish yuzasidan operator bilan o‘zaro kelishilgan shartlar asosida shartnoma tuzishi mumkin.

Buyurtmachi o‘zi savdoga chiqargan mol-mulk bo‘yicha auksion yoki tanlov savdolarida ishtirok etishiga yo‘l qo‘yilmaydi.

Operator tomonidan buyurtmachi bilan tuzilgan shartnomaga asosan savdolarni tashkil etish uchun hujjatlarni elektron shaklda yig‘ish va texnik baholashdan o‘tkazish ishlari amalga oshirilishi mumkin.

9. Auksion yoki tanlovda uning talablari, turi va shaklidan kelib chiqib, jismoniy va yuridik shaxslar ishtirokchi bo‘lishi mumkin.

10. Ishtirokchi auksion yoki tanlovda qatnashishga, lotlar haqidagi ma’lumot va hujjatlar bilan tanishish, buyurtmachidan qo‘shimcha ma’lumotlar so‘rab olish, auksion yoki tanlov obyektini joyiga chiqib ko‘zdan kechirish, obyektga tegishli hujjatlar bilan oldindan to‘liq tanishish, bank hisobvarag‘idan foydalanilmay qolgan pul mablag‘larini olishga haqli.

11. Savdolar o‘tkazilishi to‘g‘risidagi xabarnoma e’lon qilingan vaqtdan boshlab operator barcha istagan shaxslarning savdo platformasida joylashtirilib, sotiladigan (ijaraga beriladigan) auksion (tanlov) obyekti haqidagi ma’lumotga, buyurtmachi yoki balansda saqlovchi esa — sotib olish (ijaraga berish) istagi bo‘lgan shaxslarning sotiladigan (ijaraga beriladigan) auksion (tanlov) obyektiga erkin kirish imkoniyatini ta’minlaydi.

12. Auksion yoki tanlovda qatnashish uchun talabgorning arizasi xabarnoma joylashtirilgandan boshlab auksion yoki tanlov o‘tkazilishi belgilangan kunda soat 9-00 ga (GMT+5) qadar savdo platformasi orqali avtomatik tarzda qabul qilinadi.

13. Tanlov obyektining o‘ziga xos xususiyatlaridan kelib chiqib, talabgor tomonidan ariza elektron ko‘rinishda to‘ldiriladi va yuboriladi.

Oldingi tahrirga qarang.

14. Talabgor savdo platformasida ochilgan hisobvarag‘iga xabarnomada ko‘rsatilgan zakalat miqdoridan kam bo‘lmagan mablag‘ni kiritgan holda auksion yoki tanlovda qatnashish uchun ariza beradi.

Bunda zakalat bazaviy hisoblash miqdoriga (keyingi o‘rinlarda — BHM) nisbatan quyidagicha belgilanadi (ushbu Nizomning 53 va 67-bandlarida belgilangan zakalat miqdori bundan mustasno):

a) auksion obyektining boshlang‘ich narxi BHMning 1 baravarigacha bo‘lganda — boshlang‘ich narxning 50 foizi miqdorida;

b) auksion obyektining boshlang‘ich narxi BHMning 1 baravariga teng yoki undan yuqori, lekin BHMning 50 baravarigacha bo‘lganda — boshlang‘ich narxning 25 foizi miqdorida;

v) auksion obyektining boshlang‘ich narxi BHMning 50 baravariga teng yoki undan yuqori, lekin BHMning 100 baravarigacha bo‘lganda — boshlang‘ich narxning 15 foizi miqdorida;

g) auksion obyektining boshlang‘ich narxi BHMning 100 baravariga teng yoki undan yuqori, lekin BHMning 1 000 baravarigacha bo‘lganda — boshlang‘ich narxning 10 foizi miqdorida;

d) auksion obyektining boshlang‘ich narxi BHMning 1 000 baravariga teng yoki undan yuqori, lekin BHMning 5 000 baravarigacha bo‘lganda — boshlang‘ich narxning 5 foizi miqdorida;

e) auksion obyektining boshlang‘ich narxi BHMning 5 000 baravariga teng yoki undan yuqori, lekin BHMning 10 000 baravarigacha bo‘lganda — boshlang‘ich narxning 4 foizi miqdorida;

yo) auksion obyektining boshlang‘ich narxi BHMning 10 000 baravariga teng yoki undan yuqori, lekin BHMning 30 000 baravarigacha bo‘lganda — boshlang‘ich narxning 3 foizi miqdorida;

j) auksion obyektining boshlang‘ich narxi BHMning 30 000 baravariga teng yoki undan yuqori, lekin BHMning 50 000 baravarigacha bo‘lganda — boshlang‘ich narxning 2 foizi miqdorida;

z) auksion obyektining boshlang‘ich narxi BHMning 50 000 baravariga teng yoki undan yuqori bo‘lganda — boshlang‘ich narxning 1 foizi miqdorida;

i) tanlov obyekti uchun:

asosiy mezon sifatida investitsiya, ijtimoiy va shunga o‘xshash boshqa majburiyatlar nazarda tutilgan hollarda — BHMning 5 baravari;

sotilish narxi nazarda tutilgan hollarda — mazkur bandning “a” — “g” kichik bandlarida belgilangan tartibda.

Nizom talablari doirasida BHMning inobatga olinishi xabarnoma e’lon qilingan kundagi miqdorida amalga oshiriladi.

Talabgor arizasi belgilangan talablarga muvofiq kelganda, operator avtomatik ravishda auksion yoki tanlovda qatnashish uchun ruxsat beradi hamda bu haqda talabgorni xabardor qiladi. Xabardor qilish uning shaxsiy kabineti va/yoki elektron pochta manziliga (mobil telefon raqamiga) xabarni yuborish orqali amalga oshiriladi.

Har bir ishtirokchiga auksion yoki tanlovda qatnashish va shaxsni oshkor etuvchi ma’lumotlarining maxfiyligini ta’minlash uchun maxsus raqam beriladi.

(14-band O‘zbekiston Respublikasi Vazirlar Mahkamasining 2023-yil 3-apreldagi 139-sonli qarori tahririda — Qonunchilik ma’lumotlari milliy bazasi, 04.04.2023-y., 09/23/139/0190-son)

15. Talabgorning hisobvarag‘ida zakalat puli uchun yetarli mablag‘ mavjud bo‘lmagan taqdirda, operator avtomatik ravishda bu haqda talabgorni savdo platformasi orqali xabardor qiladi.

Talabgor xabar bilan o‘z vaqtida tanishmaganligi uchun operator javobgar hisoblanmaydi.

16. Auksion yoki tanlovda ishtirokchi o‘z arizasini qabul qilish uchun belgilangan vaqt oralig‘ida chaqirib olishga va zaruratga qarab, unga o‘zgartirish kiritgan holda takroran yuborishga haqli.

Ishtirokchi tomonidan ariza chaqirib olingan taqdirda, operatorga xabarnoma yuborilishi hamda ishtirokchining so‘roviga ko‘ra zakalat summasi ishtirokchining bankdagi hisobvarag‘iga (plastik kartasiga) qaytarilishi savdo platformasi orqali avtomatik tarzda amalga oshiriladi.

17. Arizani qabul qilish uchun belgilangan vaqt tugagandan so‘ng auksion yakunlangunga qadar ishtirokchining arizasi va kiritgan zakalati qaytarib olinishiga yo‘l qo‘yilmaydi.

18. Savdo platformasida auksion yoki tanlovlarni tashkil etish hamda o‘tkazish ushbu Nizomga 1-ilovaga muvofiq sxema bo‘yicha amalga oshiriladi.

2-bob. Auksionni tashkil etish va o‘tkazish

1-§. Auksion o‘tkazilishi haqidagi xabarnomani e’lon qilish tartibi

19. Auksion obyekti auksionga buyurtmachi tomonidan yuborilgan elektron buyurtma asosida chiqariladi.

20. Buyurtmachi tomonidan taqdim etilgan buyurtma va unga ilova qilingan auksion obyekti bo‘yicha ma’lumot hamda hujjatlar belgilangan talablarga muvofiq deb hisoblangan taqdirda, operator buyurtmani olgan kundan keyingi ish kunidan kechiktirmay, auksion o‘tkazilishi to‘g‘risidagi xabarnomani savdo platformasida e’lon qiladi.

Buyurtmachi — auksion o‘tkazilishi to‘g‘risidagi xabarnomani o‘z rasmiy veb-saytida joylashtirishi mumkin.

Buyurtmachi ulushli mulklarni auksion savdolariga chiqarganda ulushli mulk egalari roziligi olinganligi to‘g‘risida hujjatlar nusxasini elektron buyurtmanomaga ilova qiladi.

Buyurtmachi auksionga chiqarish uchun taqdim etiladigan obyektlar garovga qo‘yilmaganligi yoki taqiq solinmaganligi (sud hujjatlari va boshqa organlar hujjatlarini ijro etishda mol-mulkni sotish bundan mustasno) to‘g‘risidagi axborotlar haqqoniyligi uchun javobgar hisoblanadi.

Bunda buyurtmadagi auksion obyekti bo‘yicha ulushli mulk ishtirokchilarining roziligi olinmaganlik, mulklarni garovga qo‘yilganlik va taqiq solinganlik holatlaridan biri aniqlanganda, buyurtma qaytarilishiga asos bo‘ladi.

Buyurtmachi tomonidan taqdim etilgan buyurtma va unga ilova qilingan auksion obyekti bo‘yicha ma’lumot hamda hujjatlar belgilangan talablarga muvofiq emas deb hisoblanganda, operator elektron buyurtmani qaytaradi.

Har ikki holatda ham buyurtmachining shaxsiy kabineti, elektron pochta manzili va/yoki mobil telefon raqamiga xabar yuboriladi.

Savdo platformasiga joylashtirilgan auksion obyektiga tizim orqali avtomatik tarzda lot raqami beriladi.

21. Auksion o‘tkaziladigan kun to‘g‘risida xabarnoma va lotga oid axborot savdo platformasida e’lon qilingandan kamida o‘ttiz kun o‘tgandan keyingi ish kuniga belgilanadi. Bayram va dam olish kunlarida auksionlar o‘tkazilmaydi.

Bunda strategik turdagi foydali qazilmalar yer qa’ri uchastkalari bo‘yicha axborot savdo platformasida kamida oltmish kun mobaynida e’lon qilinadi.

22. Xabarnoma va lotga oid axborotlar quyidagilarni o‘z ichiga olishi zarur:

auksion shakli, o‘tkaziladigan sanasi, boshlanish vaqti;

lot raqami va obyekt nomi;

auksionda qatnashish uchun ariza qabul qilishni yakunlash sanasi va vaqti;

lotning boshlang‘ich narxi (narxni bosqichma-bosqich pasaytirish mexanizmi qo‘llanilganda, baholangan narxi ham);

boshlang‘ich narxga nisbatan foiz ko‘rinishida ifodalangan auksion qadami;

zakalat pulining boshlang‘ich narxga nisbatan foiz ko‘rinishida va qat’iy summada ifodalangan miqdori;

auksion obyektiga oid buyurtmada ko‘rsatilgan va unga ilova qilingan ma’lumot va hujjatlar;

buyurtmachining manzili va telefon (mavjud bo‘lganda mobil) raqami;

buyurtmachi tomonidan taqdim etilgan qo‘shimcha ma’lumotlar (agar mavjud bo‘lsa);

auksion obyekti joylashgan manzil, fotosurat va geolokatsiyasi;

auksion obyektiga nisbatan mavjud taqiqlar haqida ma’lumot;

auksion obyektiga tegishli birlamchi hujjatlar (davlat orderi, kadastr va texnik xususiyatlarni ifodalovchi boshqa hujjatlar);

auksion obyektini oldindan ko‘rish (ko‘zdan kechirish) tartibi.

Operator tomonidan savdo platformasida auksion o‘tkazilishi to‘g‘risida xabarnoma e’lon qilingandan keyin auksion o‘tkazish shartlarini o‘zgartirishga yo‘l qo‘yilmaydi. Buyurtmachi tomonidan buyurtmani savdodan olish hamda auksion o‘tkazish shartlarini o‘zgartirilgan holda buyurtmani qayta yuborish holatlari bundan mustasno.

2-§. Auksionni o‘tkazish tartibi

23. Auksion kamida ikki nafar ishtirokchi mavjud bo‘lganda o‘tkaziladi.

Auksionga chiqarilgan obyektlarni sotishga va oldi-sotdi shartnomasini rasmiylashtirishga faqat auksionda kamida ikkita ishtirokchi qatnashganda ruxsat beriladi.

24. Xabarnoma joylashtirilgan paytdan boshlab auksion yakunlangunga qadar ishtirokchi obyektni sotib olish (ijaraga olish) bo‘yicha auksion qadamiga bog‘lanmagan va savdo boshlangunga qadar boshqa ishtirokchilarga oshkor etilmaydigan o‘z narx taklifini kiritish mumkin.

Bunda ishtirokchi tomonidan ushbu Nizomning 14-bandi “a” — “g” kichik bandlarida belgilangan miqdordagi va sud hujjatlari va boshqa organlar hujjatlarini ijro etishda xatlangan mol-mulkni sotishda 5 foiz hamda Yer qa’ri uchastkalaridan foydalanish huquqini sotishda mazkur Nizomning 67-bandida belgilangan miqdordagi zakalatni taklif etayotgan narxiga nisbatan to‘lash talab etiladi.

Agar auksion jarayonida obyekt narxi qadamga bog‘lanmagan narx taklif etgan ishtirokchi tomonidan taklif etilgan narxdan oshsa, unga platforma orqali xabar yuboriladi va auksion ishtirokchilariga navbatdagi narxni belgilangan tartibda oshirish uchun o‘n daqiqa vaqt beriladi.

Auksionda ishtirokchi tomonidan auksion qadamiga bog‘lanmagan holda berilgan narx auksion kuni inobatga olinadi va bu ishtirokchining auksion obyektini shu qiymatda sotib olish istagini tasdiqlaydi.

Agar auksion boshlanganda ikki va undan ortiq ishtirokchilarning auksion qadamiga bog‘lanmagan holda taklif etgan narxlari qiymati teng bo‘lsa, barcha ishtirokchilarga navbatdagi narxni taklif etishlari uchun vaqt taqdim etiladi va bunda:

ishtirokchilardan birontasi obyektni sotib olish (ijaraga olish) bo‘yicha taklif etgan narxini belgilangan bosqichga oshirish yo‘li bilan sotib olish istagini taqdim etiladigan navbatdagi o‘n daqiqa davomida tasdiqlamasa, obyekt uchun birinchi bo‘lib narx taklif etgan ishtirokchi g‘olib deb topiladi;

agar ishtirokchilardan biri obyektni sotib olish (ijaraga olish) bo‘yicha narxni bir auksion qadamiga oshirish yo‘li bilan sotib olishni (ijaraga olishni) tasdiqlasa yoki auksion qadamiga bog‘lanmagan narx taklif etsa, boshqa ishtirokchilarga keyingi narxni tasdiqlash uchun navbatdagi 10 daqiqa vaqt beriladi;

joriy narx oshirilganidan keyin bironta ishtirokchi joriy narxni bir auksion qadamiga oshirish yo‘li bilan sotib olishni (ijaraga olishni) tasdiqlamasa, sotib olishni (ijaraga olishni) oxirgi bo‘lib tasdiqlagan ishtirokchi g‘olib deb e’tirof etiladi.

25. Auksion xabarnomada ko‘rsatilgan sanada soat 10:00 da (GMT+5) boshlanadi, lot savdodan qaytarib olingan hollar bundan mustasno.

26. Tegishli lot bo‘yicha auksion boshlanishidan o‘ttiz daqiqa oldin savdo platformasida avtomatik rejimda auksion boshlanishi to‘g‘risidagi axborot shakllantiriladi va e’lon qilinadi.

27. Savdo platformasida avtomatik ravishda lotni boshlang‘ich narxdan bitta auksion qadamiga oshirilgan narxda sotib olish (ijaraga olish) bo‘yicha taklifni e’lon qilish bilan boshlanadi (ushbu Nizom 58-bandida nazarda tutilgan holatlar bundan mustasno).

Agar auksionda bir yoki undan ortiq ishtirokchi tomonidan auksion qadamiga bog‘lanmagan narx taklif etilgan bo‘lsa, ushbu takliflar auksion boshlanganda oshkor qilinadi va auksionda navbatdagi narx sifatida uning qadamiga bog‘lanmagan holda taklif etilgan eng yuqori narx qabul qilinadi. Bunda operator tomonidan ishtirokchilarga navbatdagi bir qadam oshirilgan auksion qadami bo‘yicha narx taklif etiladi.

28. Auksion qadami:

auksion obyekti boshlang‘ich qiymatining o‘n foizini;

obyektning boshlang‘ich qiymati auksion o‘tkazilishi to‘g‘risida xabarnomani joylashtirish paytidagi BHMning ikki ming baravaridan ortiq bo‘lganda, auksion qadami auksion obyektining boshlang‘ich qiymatidan besh foizni tashkil etadi (ushbu Nizomning 55-bandida nazarda tutilgan holatlar bundan mustasno).

Agar takroriy o‘tkaziladigan auksionlarda obyektning boshlang‘ich narxi BHMning ikki ming baravaridan pasaygan holda, auksion qadami mazkur bandning ikkinchi xatboshida belgilangan tartibda amalga oshiriladi.

29. Auksion kuni soat 10:00 dan boshlab taklifni tasdiqlash uchun oldingi taklif tasdiqlangan vaqtdan boshlab o‘n daqiqadan vaqt beriladi va auksion eng yuqori narx tasdiqlangunga qadar davom etadi.

Agar oxirgi tasdiqlangan taklifdan so‘ng o‘n daqiqa vaqt davomida navbatdagi taklif tasdiqlanmasa, auksion yakunlanadi va oxirgi taklifni tasdiqlagan ishtirokchi auksion g‘olibi deb topiladi.

30. Tegishli lot bo‘yicha auksion yakunlangach, savdo platformasida avtomatik ravishda auksion yakunlangan vaqt va uning natijalari to‘g‘risidagi axborot shakllantiriladi va e’lon qilinadi.

Auksion natijalari to‘g‘risidagi axborotda quyidagilar aks ettiriladi:

lot haqida ma’lumotlar, shu jumladan, uning boshlang‘ich narxi;

oxirgi va oxirgidan oldingi tasdiqlangan takliflar (oxirgi va oxirgidan oldingi qadamlarni hisobga olgan holda, auksion ishtirokchilari tomonidan tasdiqlangan takliflar bo‘yicha narxlar va ularning tasdiqlanish vaqti);

auksion g‘olibining familiyasi, ismi, otasining ismi yoki yuridik shaxsning nomi.

31. Oxirgi taklifni tasdiqlagan ishtirokchi auksion g‘olibi deb topiladi va unga tasdiqlangan lot qiymati ushbu Nizomning 44-bandiga muvofiq to‘langandan so‘ng keyingi ish kunidan kechiktirmay bayonnoma rasmiylashtiriladi, savdo platformasida lot qiymati to‘liq to‘lanishi talab etilmaydigan auksion obyektlari bundan mustasno.

32. Auksion g‘olibi belgilangan muddatda lotni sotib olishdan (ijaraga olishdan) bosh tortsa yoki lot qiymatini muddatida to‘liq to‘lamasa, operator keyingi ish kunidan kechiktirmay auksionning salohiyatli g‘olibiga u tasdiqlagan narxda lotni sotib olishni taklif qiladi.

Auksionning salohiyatli g‘olibiga operatorning taklifi kelib tushgan kundan boshlab, lot qiymatini to‘lash uchun ushbu Nizomning 44-bandiga muvofiq muddat beriladi.

Auksionning salohiyatli g‘olibi lot qiymatini muddatida to‘liq to‘lasa, u auksion g‘olibi deb hisoblanadi va unga mazkur Nizomda belgilangan tartibda bayonnoma rasmiylashtiriladi.

Agar auksionning salohiyatli g‘olibi belgilangan muddatda lotni sotib olishdan (ijaraga olishdan) bosh tortsa yoki lot qiymatini muddatida to‘liq to‘lamasa, auksion o‘tkazilmagan deb hisoblanadi va salohiyatli g‘olib tomonidan kiritilgan zakalat miqdori qaytarilmaydi.

Savdo platformasida lot qiymatini to‘liq to‘lash talab etilmaydigan auksion obyektlariga nisbatan mazkur band tatbiq etilmaydi.

33. Savdo platformasida lot qiymati to‘liq to‘lanishi talab etilmaydigan auksion obyektlari bo‘yicha auksion g‘olibi tomonidan operatorning xizmat haqi uchun yetarli mablag‘ besh ish kuni ichida to‘langandan so‘ng keyingi ish kunidan kechiktirmay bayonnoma rasmiylashtiriladi.

Bayonnoma rasmiylashtirilgandan so‘ng o‘n ish kunidan kechiktirmay bayonnoma asosida buyurtmachi bilan auksion g‘olibi o‘rtasida oldi-sotdi (ijara) shartnomasi tuziladi (qonunchilik hujjatlarida boshqacha tartib nazarda tutilgan holatlar bundan mustasno).

Agar auksion g‘olibi besh ish kuni ichida belgilangan to‘lovni to‘lamagan yoki oldi-sotdi (ijara) shartnomasini imzolashni rad etgan taqdirda, auksionning salohiyatli g‘olibiga operator xizmat haqiga yetarli mablag‘ni to‘lash uchun besh ish kunlik muddat beriladi.

Ushbu muddat davomida salohiyatli g‘olib to‘lovni amalga oshirsa, auksion g‘olibi deb e’tirof etiladi va unga mazkur Nizomda belgilangan tartibda bayonnoma rasmiylashtiriladi.

Salohiyatli g‘olib belgilangan to‘lovni muddatida to‘lamagan yoki oldi-sotdi (ijara) shartnomasini imzolashni rad etgan taqdirda, auksion o‘tkazilmagan deb hisoblanadi (bayonnoma rasmiylashtirilgan hollarda o‘z kuchini yo‘qotadi).

Oldi-sotdi (ijara) shartnomasi rasmiylashtirilgani yoki rasmiylashtirilmaganligi to‘g‘risidagi ma’lumot belgilangan muddatda buyurtmachi tomonidan savdo platformasiga joylashtirilishi shart.

Besh ish kuni ichida belgilangan to‘lovni to‘lamagan yoki oldi-sotdi (ijara) shartnomasini imzolashni rad etgan auksion g‘olibi (salohiyatli g‘olib)ning zakalat miqdori qaytarilmaydi.

Qaytarilmagan zakalat miqdori operator tasarrufida qoladi.

34. Auksionni o‘tkazish kunida savdo boshlanish paytidan boshlab soat 18:00 ga (GMT+5) qadar savdo platformasida ishtirokchilardan birontasi sotiladigan (ijaraga beriladigan) auksion obyekti bo‘yicha boshlang‘ich narxni bir auksion qadamiga oshirish yoki qadamga bog‘lanmagan narx taklif etish yo‘li bilan sotib olish (ijaraga olish) istagini tasdiqlamagan bo‘lsa, auksion o‘tkazilmagan deb hisoblanadi (ushbu Nizomning 24-bandida belgilangan holatlar bundan mustasno).

35. Savdo platformasida texnik uzilish sodir bo‘lgan hollarda auksion vaqtincha to‘xtatiladi hamda bu haqda ishtirokchining shaxsiy kabineti, elektron pochta manzili va/yoki mobil telefon raqamiga xabar yuboriladi hamda ushbu auksion texnik uzilish bartaraf qilingan kundan keyingi ish kuni soat 10:00 da oxirgi tasdiqlangan taklifdan bir qadam oshirilgan narxni taklif etishdan davom ettiriladi.

To‘xtatilgan lot bo‘yicha auksion ishtirokchisi davom ettiriladigan auksion ishtirokchisi sifatida uning shaxsiy kabineti, elektron pochta manzili va/yoki mobil telefon raqami orqali xabardor qilinadi. Ishtirokchi xabar bilan o‘z vaqtida tanishmaganligi uchun operator javobgar hisoblanmaydi.

Texnik uzilishni bartaraf etish davrida ishtirokchi tomonidan tasdiqlagan o‘z takliflarini qaytarib olinishiga yo‘l qo‘yilmaydi.

Texnik uzilish holati qayd etilgan auksion obyekti bo‘yicha davom ettiriladigan auksion boshlangandan so‘ng o‘n daqiqa ichida hech qaysi ishtirokchi sotib olish (ijaraga olish) taklifini tasdiqlamasa, texnik uzilish qayd etilishidan oldin oxirgi eng yuqori taklifni tasdiqlagan auksion ishtirokchisi g‘olib deb topiladi.

Ishtirokchining kompyuter va (yoki) telekommunikatsiya jihozlarida texnik uzilish bo‘lganda, bu holat savdo platformasida texnik uzilish deb hisoblanmaydi va auksion davom ettiriladi.

36. Savdo platformasida texnik uzilish holatlari sodir bo‘lganda, texnik uzilish sodir bo‘lish sabablari o‘rganiladi. Bunda Agentlik tomonidan zaruratga ko‘ra Axborot texnologiyalari va kommunikatsiyalarini rivojlantirish vazirligi yoki maxsus vakolatli organ mutaxassislari jalb etilishi mumkin.

3-§. Auksionni o‘tkazilmagan deb topish va takroriy auksionni o‘tkazish tartibi

37. Auksion quyidagi hollarda o‘tkazilmagan deb topiladi:

a) auksionda qatnashish uchun bironta ham talabgordan ariza kelib tushmagan bo‘lsa;

b) auksionda qatnashish uchun faqat bir nafar ishtirokchidan ariza kelib tushgan bo‘lsa;

v) auksion kuni ishtirokchilar tomonidan bironta ham taklif tasdiqlanmasa (ushbu Nizomning 24-bandida nazarda tutilgan holatlar bundan mustasno);

g) mazkur Nizomda belgilangan tartibda auksion g‘olibi va salohiyatli g‘olibi tomonidan tasdiqlangan obyekt bahosi belgilangan muddatda to‘liq to‘lanmasa yoki oldi-sotdi (ijara) shartnomasi rasmiylashtirilmasa.

Auksion o‘tkazilmagan deb topilganda, obyekt mazkur Nizomda belgilangan tartibda takroriy auksionga chiqariladi.

38. Auksion o‘tkazilmagan deb topilganda, savdo platformasida bu haqda xabarnoma e’lon qilinadi. Xabarnomada auksionni o‘tkazilmagan deb hisoblash sabablari hamda lotga oid axborot ko‘rsatiladi.

39. Auksion mazkur Nizomning 37-bandida ko‘rsatilgan sabablarga ko‘ra o‘tkazilmagan deb hisoblanganda, takroriy auksion buyurtmachi bilan kelishilgan holda 10 kalendar kundan kam bo‘lmagan muddatda amalga oshiriladi, mazkur Nizomning 64-bandida nazarda tutilgan holatlar bundan mustasno. Ushbu muddat bayram va dam olish kunlariga to‘g‘ri kelgan taqdirda, navbatdagi ish kunida o‘tkaziladi.

40. Auksion obyekti belgilangan muddat va shartlarda sotilmagan taqdirda, ularni dastlab qo‘yilgan narxni qadam-baqadam pasaytirib borish mexanizmini qo‘llagan holda sotish mumkin va bunda obyektning boshlang‘ich narxi har takroriy auksionda buyurtmachi belgilagan foizda auksion obyektining eng past narxiga qadar kamaytiriladi, mazkur Nizomning 41-bandida nazarda tutilgan holatlar bundan mustasno.

41. Quyidagi hollarda takroriy auksionda lotning boshlang‘ich narxini kamaytirishga yo‘l qo‘yilmaydi:

qonunchilik hujjatlarida boshlang‘ich narxni kamaytirishga cheklov qo‘yilganda va/yoki ruxsat etilmagan hollarda;

auksion obyekti mazkur Nizomning 37-bandi “g” kichik bandida nazarda tutilgan asoslarga ko‘ra takroriy auksion savdolariga chiqarilganda;

takroriy auksionda lotning boshlang‘ich narxini bosqichma-bosqich kamaytirishga buyurtmachining roziligi bo‘lmagan taqdirda.

42. Takroriy auksion alohida shartlarsiz, umumiy tartibda o‘tkaziladi.

43. Auksion obyektining qiymatini to‘liq to‘lamagan va/yoki auksion obyekti bo‘yicha shartnoma imzolashni (qonunchilik hujjatlarida belgilangan hollarda) rad etgan auksion g‘olibi hamda uning to‘g‘ridan-to‘g‘ri ta’sischilari hisoblangan shaxslar, shuningdek, davlat obyektlari, shu jumladan, yer uchastkalarini elektron onlayn-auksionda sotib olib, undan foydalanmagan holda ularning oldi-sotdisi bilan doimiy ravishda shug‘ullanganligi aniqlangan yuridik va jismoniy shaxslar — nohalol ishtirokchi deb e’tirof etiladi va u ushbu holatni birinchi marta sodir etganda, rad etgan sanadan boshlab o‘n ikki oy muddatga, ikkinchi marta takrorlaganda muddatsiz davrga auksionlardan chetlatiladi.

Ushbu cheklovlar auksion g‘olibi va uning to‘g‘ridan-to‘g‘ri ta’sischilari hisoblangan shaxslar noxalol ishtirokchi deb e’tirof etilgunga qadar ularning ishtirokida savdolari boshlangan va/yoki yakunlangan boshqa lotlar bo‘yicha auksion jarayonlariga va ularning natijalariga qo‘llanilmaydi.

4-§. Hisob-kitob qilish va auksion natijalarini rasmiylashtirish

44. Lot qiymati auksion g‘olibi tomonidan quyidagilarni inobatga olgan holda to‘lanadi (savdo platformasida lot qiymati to‘liq to‘lanishi talab etilmaydigan auksion obyektlari bundan mustasno):

bir yo‘la to‘lash sharti bilan sotilgan obyektning qiymati BHMning besh ming baravarigacha bo‘lganda, to‘lovlarni o‘n ish kunida, besh ming baravariga teng yoki undan ortiq bo‘lganda esa, to‘lovlarni (ishtirokchi tomonidan kiritilgan zakalat sotib olish (ijara) to‘lovlari miqdoriga kiritiladi) o‘n besh ish kun mobaynida to‘lash imkoniyati beriladi (buyurtmachi bilan tuzilgan shartnomada va qonunchilik hujjatlarida belgilangan hollar bundan mustasno);

to‘lov ushbu bandning ikkinchi xatboshida nazarda tutilgan muddatlarda to‘liq amalga oshirilmagan yoxud auksion g‘olibi oldi-sotdi (ijara) shartnomasini tuzishdan bosh tortgan yoki uni rad etgan taqdirda, auksion natijalari bekor qilinib, auksion g‘olibidan olingan zakalat puli qaytarilmaydi va operator tasarrufida qoladi.

O‘zbekiston Respublikasi hududida norezidentlar uchun ruxsat etilgan auksion obyektlarini sotib olgan (ijaraga olgan) norezidentlar to‘lovlarni milliy yoki chet el valyutasida amalga oshirishlari mumkin.

Bunda chet el valyutasida to‘langan to‘lovlar operatorning maxsus hisobvarag‘ida saqlanadi va to‘lov amalga oshirilgan kunda O‘zbekiston Respublikasi Markaziy banki tomonidan valyuta operatsiyalari bo‘yicha buxgalteriya hisobi, statistik va boshqa hisobotlarni yuritish, shuningdek, bojxona va boshqa majburiy to‘lovlar uchun belgilangan chet el valyutalarining so‘mga nisbatan qiymatida hisobga olinadi.

45. Operator mazkur Nizomda belgilangan tartibda bayonnomani QR-kod (matrik shtrixli kod) bilan rasmiylashtiradi.

Auksion natijalari bo‘yicha bayonnoma mazkur Nizomga 2-ilovadagi namunaviy shaklga muvofiq rasmiylashtiriladi.

Bayonnomada quyidagi ma’lumotlar ko‘rsatiladi:

auksion sanasi;

bayonnoma rasmiylashtirilgan sana;

lotning boshlang‘ich va sotilgan narxlari;

auksion g‘olibi haqida ma’lumotlar;

qonunchilikda taqiqlanmagan hamda ushbu Nizomda belgilangan boshqa ma’lumotlar;

lotga oid axborot.

Bayonnoma auksion g‘olibi va buyurtmachining shaxsiy kabinetlariga hamda zarur hollarda davlat ro‘yxatidan o‘tkazish uchun ro‘yxatdan o‘tkazuvchi organlarga elektron shaklda yuboriladi.

Sud hujjatlari va boshqa organlar hujjatlarini ijro etish bo‘yicha auksion g‘olibi nomiga rasmiylashtirilgan bayonnoma elektron almashinuv tizimi orqali kadastr, bank, notarial idoralar va majburiy ijro bo‘limlariga yuboriladi hamda ushbu bayonnomaga asosan yutib olingan mol-mulkka egalik qilish huquqi avtomatik ravishda rasmiylashtiriladi.

46. Bayonnoma oldi-sotdi shartnomasi kuchiga ega bo‘lib, mulk va mulkiy huquqni davlat ro‘yxatidan o‘tkazish uchun hamda oldi-sotdi (ijara) shartnomasi tuzish uchun asos hisoblanadi.

Buyurtmachilar tomonidan avtotransport vositalarini elektron savdo platformasidagi elektron onlayn-auksion yo‘li bilan ijaraga berish natijasiga ko‘ra rasmiylashtirilgan bayonnoma ijara shartnomasi kuchiga ega bo‘ladi. Bunda shartnomalarni notarial tasdiqlash talab etilmaydi.

47. Bayonnoma operator tomonidan yuritiladigan auksion natijalari to‘g‘risidagi elektron bayonnomalar reyestriga avtomatik tarzda kiritiladi.

Bayonnomadagi QR-kod (matrik shtrixli kod) takrorlanmas bo‘lib, uning ichiga auksion natijalari to‘g‘risidagi elektron bayonnomalar reyestriga Internet tarmog‘i orqali havola joylashtiriladi.

Bayonnoma auksion natijalari to‘g‘risidagi elektron bayonnomalar reyestriga kiritilgan bo‘lsa, haqiqiy hisoblanadi.

Auksion g‘olibining so‘rov xatiga ko‘ra bayonnoma qog‘oz shaklida chop etilib, operatorning muhri bosilgan holda unga taqdim etilishi yoki pochta orqali yuborilishi mumkin.

48. Zakalat puli auksion ishtirokchisining savdo platformasidagi shaxsiy hisobvarag‘iga kirim qilinadi, bunda uning so‘roviga ko‘ra bankdagi hisobvarag‘iga (plastik kartasiga) auksion yakunlangan deb topilgan kundan so‘ng quyidagi tartibda qaytariladi:

auksionning salohiyatli g‘olibiga — auksion yakunlangandan so‘ng mazkur Nizomning 33-bandiga ko‘ra g‘olib tomonidan oldi-sotdi (ijara) shartnomasi rasmiylashtirilgandan keyin yoki 44-bandiga ko‘ra g‘olib tomonidan obyekt qiymati to‘langandan boshlab uch ish kuni ichida;

qolgan ishtirokchilarga — auksion yakunlangan yoki o‘tkazilmagan deb topilgan kundan boshlab uch ish kuni ichida.

Auksion ishtirokchisiga zakalat puli qaytarilganda, bank hisobvarag‘i (plastik karta raqamlari) noto‘g‘ri ko‘rsatilganligi yoki boshqa sabablarga ko‘ra to‘lov operatorning bank hisobvarag‘iga qaytib tushgan hollarda, operator auksion ishtirokchisini bu haqda savdo platformasi orqali ogohlantiradi. Bunda zakalat puli auksion ishtirokchisining shaxsiy hisobvarag‘iga biriktiriladi. Ishtirokchi bank hisobvarag‘i (plastik karta raqami) to‘g‘ri ko‘rsatilgan holda zakalat pullarini qaytarish bo‘yicha so‘rov yuborishi mumkin.

Auksion natijalari bo‘yicha pul mablag‘lari operatorning maxsus hisobvarag‘ida yig‘iladi va auksion g‘olibi (xaridor) tomonidan obyekt qabul qilinganligi tasdiqlangandan so‘ng buyurtmachining bank hisobvarag‘iga operator xizmat haqi ushlab qolingan holda o‘tkaziladi.

49. Operator auksionni tashkil etish va o‘tkazish xizmatlari uchun obyektning sotilgan qiymatidan bir foiz miqdorida xizmat haqi oladi, O‘zbekiston Respublikasi Prezidenti va Vazirlar Mahkamasi qarorlarida boshqacha tartib nazarda tutilgan holatlar bundan mustasno. Bunda operator xizmat haqi sotib olish (ijara) to‘lovlari miqdoriga kiritiladi.

5-§. Ijro hujjatlari bo‘yicha obyektlarni elektron onlayn-auksionga chiqarish va sotishning o‘ziga xos xususiyatlari

50. Sud hujjatlari va boshqa organlar hujjatlarini ijro etishda mol-mulkni realizatsiya qilish bo‘yicha elektron onlayn auksionda sotuvga qo‘yilgan mol-mulk uni sotishdan tushgan pul mablag‘lari hisobidan auksion g‘olibiga qarzlarsiz va taqiqlardan yechilgan holda topshiriladi. Bunda mol-mulkni sotishdan tushgan pul mablag‘lari yetarli bo‘lmaganda qarzdorlikni to‘lash majburiyati uning sobiq egasi — qarzdor zimmasida qoladi.

Ijro hujjatlari bo‘yicha avtomototransport vositalarini sotish uchun o‘tkazilgan elektron onlayn-auksion natijalari haqidagi bayonnoma uni taqiqdan yechish, shuningdek, auksion g‘olibi nomiga ro‘yxatdan o‘tkazish (hisobga qo‘yish) uchun asos hisoblanadi. Bunda majburiy tartibda undirish uchun yuborilmagan ma’muriy jarimalarni to‘lash majburiyati avtomototransport vositasining sobiq egasi zimmasida qoladi.

51. Dastlabki auksion narxni oshirib borish tamoyili, takroriy auksion esa narxni tushirib borish tamoyili bo‘yicha o‘tkaziladi.

Mol-mulk buyurtmachi tomonidan qarzdor va undiruvchini o‘tkazilgan baholash haqida belgilangan tartibda xabardor qilmasdan hamda ularga baholash natijalari yuzasidan 10 kalendar kun davomida shikoyat qilish imkoniyatini bermasdan turib auksionga qo‘yilmaydi, davlat daromadiga o‘tkazish to‘g‘risidagi ijro hujjatlari bo‘yicha sotilayotgan mol-mulk bundan mustasno.

52. Dastlabki auksion narxni oshirib borish tartibida o‘tkaziladi.

53. Auksionda ishtirok etish uchun zakalat puli mol-mulk baholangan qiymatining 5 foiz miqdorida belgilanadi.

54. Auksion obyekti dastlabki auksionga quyidagi boshlang‘ich narxda qo‘yiladi:

a) ijro hujjatini majburiy ijro etish davomida qarzdorning xatlangan mol-mulki baholangan narxdan 70 foizga teng narxda;

b) davlat budjetiga undirishni nazarda tutuvchi ijro hujjatlari bo‘yicha sotilayotgan mol-mulk — sud hujjatlari va boshqa organlar hujjatlarini ijro etish samaradorligini oshirish bo‘yicha hududiy kengashlarning qaroriga muvofiq baholangan qiymatning 50 foizigacha teng narxda, hududiy kengash qarori mavjud bo‘lmaganda esa baholangan narxda;

v) garovga qo‘yilgan mol-mulk bilan ta’minlangan qarzni undirish to‘g‘risidagi ijro hujjatlari bo‘yicha sotilayotgan mol-mulklarning baholangan qiymatiga teng narxda.

55. Auksion qadami:

birinchi to‘rtta qadamda — auksion obyekti baholangan qiymatining 5 foizi miqdorida;

beshinchi va undan keyingi qadamlarda — auksion obyekti baholangan qiymatining 3 foizi miqdorida belgilanadi.

Baholangan qiymati xabarnoma joylashtirish paytida BHMning ikki ming baravaridan yuqori bo‘lgan mol-mulk sotilgan taqdirda, auksion qadami, istisno tariqasida, auksion obyekti baholangan qiymatining 2 foizi miqdorida belgilanadi.

56. Auksion obyekti dastlabki auksionda sotilmagan taqdirda, ushbu Nizomning 58-bandida belgilangan tartibda takroriy auksionga qo‘yiladi.

57. Takroriy auksionda auksion obyektining baholangan qiymati boshlang‘ich narx etib belgilanadi.

Bunda lotning eng past narxi auksion obyekti baholangan qiymatining 80 foizi miqdorida, garov bilan ta’minlangan qarzdorlikni undirish to‘g‘risidagi ijro hujjatlari bo‘yicha esa — auksion obyekti baholangan qiymatining 90 foizi miqdorida belgilanadi.

Auksion qadami auksion obyekti baholangan qiymatining 2 foizi miqdorida belgilanadi.

58. Takroriy auksion lotni boshlang‘ich narxdan bitta qadamga tushirilgan narxda sotib olish (ijaraga olish) bo‘yicha taklifni tasdiqlashni auksion ishtirokchilaridan so‘rashdan boshlanadi.

Agar lot narxi bir qadamga tushirilgandan keyin yigirma daqiqa davomida auksion ishtirokchilaridan biri lotni tushirilgan narxda sotib olish (ijaraga olish) bo‘yicha taklifni tasdiqlamasa, lot narxi belgilangan qadamga yana tushiriladi, taklifni tasdiqlash uchun vaqt esa keyingi yigirma daqiqaga uzaytiriladi. Bunda boshlang‘ich narx belgilangan qadamga ishtirokchilardan biri lot narxi to‘g‘risidagi taklifni tasdiqlaguniga qadar eng past narxgacha tushirib boriladi.

Agar ishtirokchilarning biri taklif qilingan lot narxini tasdiqlasa, auksionning qolgan ishtirokchilariga uning boshlang‘ich narxidan 2 foizga oshirilgan lot narxini tasdiqlash taklif etiladi. Bunda lot narxi haqidagi keyingi taklifni tasdiqlash vaqti o‘n daqiqaga uzaytiriladi.

Oxirgi taklif tasdiqlangan paytdan boshlab o‘n daqiqa mobaynida ishtirokchilardan birontasi tomonidan keyingi taklif tasdiqlanmasa, auksion yakunlanadi. Lot narxi to‘g‘risidagi taklifni oxirgi bo‘lib tasdiqlagan ishtirokchi auksion g‘olibi deb topiladi.

Agar ishtirokchi tomonidan auksion o‘tkazish vaqti tugashiga o‘n daqiqadan kam qolganda, lot narxini boshlang‘ich narxning 2 foizi miqdorida oshirish to‘g‘risidagi taklif tasdiqlansa, auksion o‘tkazish muddati oxirgi taklif tasdiqlangan paytdan boshlab o‘n daqiqaga uzaytiriladi. Lot narxini boshlang‘ich narxning 2 foizi miqdorida oshirish to‘g‘risidagi har bir keyingi taklif auksion o‘tkazish vaqtini o‘n daqiqaga uzaytiradi.

Agar oxirgi tasdiqlangan taklifdan so‘ng o‘n daqiqa mobaynida navbatdagi taklif tasdiqlanmasa, auksion yakunlanadi va oxirgi taklifni tasdiqlagan ishtirokchi auksion g‘olibi deb topiladi.

59. Takroriy auksion o‘tkazilmagan deb hisoblangan taqdirda, operator auksion obyektini auksionga qo‘yishga buyurtma bergan davlat ijrochisini bu haqda xabardor qiladi hamda obyektni auksiondan oladi, mazkur Nizomning 60-bandida nazarda tutilgan hollar bundan mustasno.

60. Davlat daromadiga (O‘zbekiston Respublikasi Davlat budjetiga) undiruvlarni nazarda tutuvchi ijro hujjatlari bo‘yicha auksion obyektini sotishda, shuningdek, ushbu Nizomning 37-bandi “g” kichik bandida nazarda tutilgan asosga ko‘ra takroriy auksion o‘tkazilmagan deb hisoblangan taqdirda, auksion obyekti ushbu Nizomning 2-bob 5-paragrafida belgilangan tartibda o‘tkaziladigan takroriy auksionga qaytadan qo‘yiladi.

Bunda davlat daromadiga (O‘zbekiston Respublikasi Davlat budjetiga) undiruvlarni nazarda tutuvchi ijro hujjatlari bo‘yicha auksion obyektining baholangan qiymatining 50 foiziga yetguniga qadar har bir qaytadan o‘tkazilgan takroriy auksionda eng past narx 5 foizga kamaytiriladi, mazkur Nizomning 37-bandi “g” kichik bandida nazarda tutilgan asosga ko‘ra o‘tkazilmagan deb hisoblanishi munosabati bilan qaytadan o‘tkazilgan takroriy auksionlar bundan mustasno.

6-§. Yer qa’ri uchastkalaridan foydalanish huquqini savdo platformasida sotishning o‘ziga xos xususiyatlari

61. “E-auksion” elektron savdo platformasida onlayn-auksion orqali sotiladigan strategik turdagi foydali qazilmalarni o‘z ichiga olgan yer qa’ri uchastkalari ro‘yxati har yili, lekin bir yilda kamida bir marta O‘zbekiston Respublikasi Davlat geologiya va mineral resurslar qo‘mitasi tomonidan aniqlangan holda shakllantiriladi.

62. O‘zbekiston Respublikasi Davlat geologiya va mineral resurslar qo‘mitasi yer qa’ri uchastkalari ro‘yxatini shakllantirgandan keyin har bir yer qa’ri uchastkasi bo‘yicha tegishli ma’lumotlarni tayyorlaydi va yer qa’ri uchastkalaridan foydalanish huquqini auksionga qo‘yish bo‘yicha qaror qabul qiladi.

63. Yer qa’ri uchastkalaridan foydalanish huquqini auksionga qo‘yish to‘g‘risidagi qarorda quyidagilar ko‘rsatiladi:

yer qa’ri uchastkasining nomi (yoki raqami) va joylashgan eri (geografik koordinatali nuqtalari, WGS-84 xalqaro geografik tizimdagi geolokatsiyasi);

yer qa’ri uchastkasidan foydalanish maqsadi;

yer qa’ri uchastkasi joylashgan erning fotosurati (15x20 sm);

yer uchastkasining maydoni (gektarda);

yer qa’ri uchastkasi to‘g‘risida umumiy geologik va boshqa ma’lumotlar;

savdoga qo‘yilayotgan yer qa’ri uchastkalaridan foydalanish huquqining boshlang‘ich narxi;

yer qa’ri uchastkasidan foydalanish, shu jumladan, ushbu yer uchastkasidan ijara huquqi asosida foydalanish shartlari loyihasi;

yer qa’rini geologik jihatdan o‘rganish bo‘yicha ishlarni moliyalashtirgan yuridik shaxslarning o‘zlari razvedka qilgan konda kavlash ishlariga mutlaq huquqi mavjudligi to‘g‘risida ma’lumot;

qonunchilikda belgilangan tartibda operator tomonidan so‘ralgan boshqa hujjatlar ham taqdim etiladi.

64. Takroriy auksionning boshlanish (o‘tkazish) sanasi va lot haqidagi axborot kamida 30 kun oldin operatorning veb-portalida joylashtiriladi.

65. Auksion narxlarni oshirib borish tamoyili bo‘yicha o‘tkaziladi.

66. Ishtirokchilar yer qa’ri uchastkasidan foydalanish shartlarini “E-auksion” elektron savdo platformasida lot bo‘yicha ariza berish jarayonida ERI bilan tasdiqlaydi (imzolaydi).

Bunda yer qa’ri uchastkasidan foydalanish shartlarini ERI bilan imzolamagan talabgorlar onlayn-auksion savdolariga qo‘yilmaydi.

ERI bilan imzolangan yer qa’ri uchastkasidan foydalanish shartlari yer uchastkasidan ijara huquqi asosida foydalanish shartlarini ham nazarda tutadi va ijara shartnomasi kuchiga ega bo‘ladi.

67. Yer qa’ri uchastkasidan foydalanish huquqi bo‘yicha auksionda ishtirok etish uchun zakalat puli quyidagicha belgilanadi:

geologik jihatdan o‘rganish uchun — auksion obyekti boshlang‘ich narxining 100 foizi miqdorida;

foydali qazilmalarni kavlab olish uchun — auksion obyekti boshlang‘ich narxi BHMning 4 ming baravarigacha bo‘lganda, ushbu narxning 50 foizi, BHMning 4 ming baravariga teng va BHMning 20 ming baravarigacha — 20 foiz hamda BHMning 20 ming baravariga teng va undan yuqori qiymatda — 10 foiz miqdorida;

qimmatbaho metallarni oltin izlovchilar usulida qazib olish faoliyati uchun — auksion obyekti boshlang‘ich narxining 50 foizi miqdorida.

68. Yer qa’rini geologik o‘rganishga doir ishlarni moliyalashtirgan yuridik shaxslar ular tomonidan qidirilgan kondan foydali qazilmalarni qazib olishga ruxsatnoma olish uchun berilgan mutlaq huquq muddati tugagandan so‘ng auksionda ishtirok etgan taqdirda, kondan foydalanish huquqi uchun ruxsatnoma olishga ustunlik huquqi saqlab qolinadi.

O‘zbekiston Respublikasi Davlat geologiya va mineral resurslar qo‘mitasi tomonidan ishtirokchining ustunlik huquqi mavjudligi to‘g‘risida operatorga taqdimnoma kiritilganda, ustunlik huquqi berilishi inobatga olinadi.

Ustunlik huquqi auksion ishtirokchisiga auksionda g‘olib bo‘lgan taqdirda, yer qa’ri uchastkalaridan foydalanish huquqining qiymatini to‘lashda ushbu obyekt boshlang‘ich narxining o‘n foizi miqdorida chegirma qo‘llash huquqini beradi.

Bunda auksion g‘olibi tomonidan operatorga auksion obyektining sotish qiymati to‘liq to‘lab beriladi va operator tomonidan chegirma summasi auksion g‘olibining shaxsiy hisobvarag‘iga qaytariladi.

69. Operator auksion g‘olibi tomonidan sotib olish (ijaraga olish) to‘lovlari to‘liq to‘langandan so‘ng keyingi ish kunidan kechiktirmay auksion g‘olibiga bayonnoma rasmiylashtiradi hamda mazkur bayonnomani va g‘olib tomonidan imzolangan yer qa’ridan foydalanish shartlarini auksion g‘olibining va buyurtmachi (O‘zbekiston Respublikasi Davlat geologiya va mineral resurslar qo‘mitasi)ning shaxsiy kabinetiga elektron shaklda yuboradi, shuningdek, tegishli axborotni o‘z veb-portalida joylashtiradi.

Operator bayonnoma va yer qa’ridan foydalanish shartlarini QR-kod (matrik shtrixli kod) bilan rasmiylashtiradi.

70. O‘zbekiston Respublikasi Davlat geologiya va mineral resurslar qo‘mitasi bir ish kuni mobaynida bayonnoma asosida yer qa’ri uchastkalaridan foydalanish huquqi uchun tegishli ruxsatnomani ERI bilan imzolangan va QR-kod (matrik shtrixli kod) bilan rasmiylashtirilgan holda, savdo platformasi orqali operatorga yuboradi.

71. Operator rasmiylashtirilgan ruxsatnomani auksion g‘olibining shaxsiy kabinetiga yuboradi va auksion g‘olibi tomonidan obyekt qabul qilib olinganligi tasdiqlangandan so‘ng bir ish kuni mobaynida O‘zbekiston Respublikasi Davlat geologiya va mineral resurslar qo‘mitasiga pul mablag‘larining unga tegishli bo‘lgan ulushini (operator xizmat haqi chegirilgan holda) o‘tkazib beradi.

Operator auksion natijalari to‘g‘risidagi bayonnoma va ruxsatnoma nusxalarini ikki ish kuni ichida elektron pochta orqali yer qa’ri uchastkasi joylashgan tuman (shahar) hokimligiga jo‘natadi.

72. Operator tomonidan bir ish kunida savdo platformasida sotishdan olingan pul mablag‘larining auksionni tashkil qilish xizmatlari uchun yer qa’ri uchastkasining sotilgan narxidan bir foizi operator hisobvarag‘iga, shuningdek:

strategik turdagi yer qa’ri uchastkasidan foydalanish huquqini savdo platformasida sotishdan olingan pul mablag‘larining uch foizi O‘zbekiston Respublikasi Davlat geologiya va mineral resurslar qo‘mitasining hisobvarag‘iga va qolgan mablag‘lar O‘zbekiston Respublikasi Davlat budjetiga o‘tkaziladi;

noruda foydali qazilmalarni o‘z ichiga olgan yer qa’ri uchastkasini sotishdan olingan pul mablag‘lari O‘zbekiston Respublikasi Davlat geologiya va mineral resurslar qo‘mitasining hisobvarag‘iga hamda yer qa’ri uchastkasi joylashgan tegishli tuman (shahar)lar mahalliy budjetlari o‘rtasida avtomatik tarzda teng ulushlarda taqsimlanadi;

qimmatbaho metallarni oltin izlovchilar usulida qazib olish huquqini savdo platformasida sotishdan olingan pul mablag‘lari O‘zbekiston Respublikasi Davlat geologiya va mineral resurslar qo‘mitasining hisobvarag‘iga hamda yer qa’ri uchastkasi joylashgan tegishli tuman (shahar)lar mahalliy budjetlari o‘rtasida avtomatik tarzda teng ulushlarda taqsimlanadi.

O‘zbekiston Respublikasi Davlat geologiya va mineral resurslar qo‘mitasiga o‘tkaziladigan mablag‘lar O‘zbekiston Respublikasi hududida mineral xomashyo bazasini rivojlantirish va qayta to‘ldirishning yillik davlat dasturlarini amalga oshirishga, auksion va tanlov savdolarini tashkil etish bilan bog‘liq xarajatlarni moliyalashtirishga, shuningdek, qo‘mitaning moddiy-texnik bazasini mustahkamlash va ishchi-xodimlarini rag‘batlantirishga maqsadli yo‘naltiriladi.

73. Yer qa’ridan foydalanish shartlarini ishlab chiqish bo‘yicha davlat komissiyasi qaroriga asosan yer qa’ri uchastkasidan foydalanish huquqi uchun ruxsatnoma berish bo‘yicha tender hamda tanlovlar talabgorlarining takliflari savdo platformasi orqali elektron tarzda qabul qilinishi mumkin.

3-bob. Tanlovni tashkil etish va o‘tkazish

1-§. Tanlov o‘tkazilishi haqidagi xabarnomani e’lon qilish tartibi

74. Tanlov obyekti tanlovga buyurtmachi tomonidan yuborilgan elektron buyurtmaga asosan chiqariladi.

75. Operator buyurtma va tanlov obyekti bo‘yicha ma’lumot hamda hujjatlar talabga muvofiq deb hisoblangan taqdirda, tanlovni tashkil etish va o‘tkazish uchun ikki ish kuni ichida savdo platformasida tanlov o‘tkazilishi to‘g‘risidagi xabarnomani e’lon qiladi.

Buyurtmachi tanlov o‘tkazish to‘g‘risidagi xabarnomani o‘z rasmiy veb-saytlarida joylashtirib boradi.

76. Xabarnoma tanlov boshlanishidan kamida o‘ttiz kun avval savdo platformasida e’lon qilinadi. Ular quyidagilarni o‘z ichiga olishi zarur:

tanlov shakli, o‘tkaziladigan sanasi, tanlov natijalarini e’lon qilish vaqti;

lot raqami va obyekt nomi;

tanlovda qatnashish uchun ariza qabul qilishni yakunlash sanasi va vaqti;

tanlov obyektiga oid buyurtmada ko‘rsatilgan va unga ilova qilingan ma’lumot va hujjatlar;

zakalat pulining miqdori;

buyurtmachining manzili va telefon raqami;

buyurtmachi tomonidan taqdim etilgan qo‘shimcha ma’lumotlar (agar mavjud bo‘lsa);

tanlov obyektini oldindan ko‘rish (ko‘zdan kechirish) tartibi;

tanlov obyektini begonalashtirishga taqiq bor yoki yo‘qligi, shuningdek, band solingan yoki solinmaganligi haqida ma’lumot;

obyektning joylashgan manzili, fotosurati va geolokatsiyasi (mavjud bo‘lsa).

Operator tomonidan savdo platformasida tanlov o‘tkazilishi to‘g‘risidagi xabarnoma e’lon qilingandan keyin tanlov shartlarini o‘zgartirishga yo‘l qo‘yilmaydi. Buyurtmachi tomonidan buyurtmani savdodan olish hamda tanlov shartlarini o‘zgartirilgan holda buyurtmani qayta yuborish holatlari bundan mustasno.

2-§. Tanlovni o‘tkazishni tashkil etish

77. Talabgorning tanlovda qatnashish bo‘yicha arizasini qabul qilishda avtomatik ravishda uning tanlov takliflari to‘g‘ri to‘ldirilgani tekshiriladi.

Tanlov takliflarini mezonlar bo‘yicha baholashda tanlovda qatnashish shartlariga rioya etilishi, tanlov shartlarida ko‘rsatilgan ma’lumotlar mavjudligi tekshiriladi.

Talabgor tomonidan taqdim etilgan tanlov takliflari to‘g‘ri to‘ldirilmagani yoki talablarga rioya etilmagani arizani qabul qilishni rad etish uchun asos hisoblanadi. Bu haqda uning shaxsiy kabinetiga elektron xabar yuboriladi.

78. Tanlov ikki va undan ortiq ishtirokchi mavjud bo‘lganda o‘tkaziladi.

Tanlovga chiqarilgan obyektlarni sotishga va oldi-sotdi shartnomasini rasmiylashtirishga faqat tanlovda kamida ikkita ishtirokchi qatnashganda ruxsat beriladi.

79. Tanlov takliflarini baholash va tanlov g‘olibini aniqlash ballar tizimi bo‘yicha amalga oshiriladi. Tanlov taklifi tanlov hujjatlari mezoni va shartlariga muvofiq eng yaxshi taklifni taqdim etgan ishtirokchi tanlov g‘olibi deb e’tirof etiladi.

Ikki va undan ortiq tanlov ishtirokchilarining to‘plagan ballari teng bo‘lgan taqdirda, arizani oldinroq topshirgan ishtirokchi tanlov g‘olibi deb e’tirof etiladi.

80. Tanlov natijalari bo‘yicha g‘olib, tanlov takliflari va ularga berilgan ballar tanlov o‘tkaziladigan kun soat 10:00 da (GMT+5) savdo platformasida avtomatik ravishda e’lon qilinadi.

81. Agar arizalarni qabul qilish vaqti yakunlangan paytda faqat bir ishtirokchi tomonidan ariza berilgan bo‘lsa, tanlov o‘tkazilmagan deb hisoblanadi.

Tanlov o‘tkazilmagan deb hisoblangandan so‘ng tanlov obyekti belgilangan tartibda takroriy tanlovga qo‘yiladi.

Tanlov obyekti bo‘yicha tanlov g‘olibi tomonidan operatorning xizmat haqiga yetarli mablag‘ besh ish kuni ichida to‘langandan so‘ng bayonnoma rasmiylashtiriladi.

Agar tanlov g‘olibi bayonnoma rasmiylashtirilgandan so‘ng tanlov obyekti bo‘yicha shartnoma imzolashdan bosh tortsa, tanlovning salohiyatli g‘olibiga (agar ballar teng bo‘lsa — arizani oldinroq berganga) operatorning xizmat haqiga yetarli mablag‘ni to‘lash uchun besh ish kunlik muddat beriladi.

Tanlovning salohiyatli g‘olibi operatorning xizmat haqiga yetarli mablag‘ni besh ish kuni davomida to‘lasa, u tanlov g‘olibi deb topilib, mazkur Nizomning 86 va 87-bandlarida nazarda tutilgan tartibda bayonnoma rasmiylashtiriladi.

Belgilangan muddatda operator xizmat haqini to‘lamagan yoki buyurtmachi bilan shartnoma imzolashni rad etgan tanlov g‘olibi (salohiyatli g‘olibi) tomonidan kiritilgan zakalat puli qaytarilmaydi hamda ushbu mablag‘lar operator tasarrufida qoladi.

82. Savdo platformasida texnik uzilish sodir bo‘lgan taqdirda, tanlov takliflarini baholash sanasi va vaqti haqida tanlov ishtirokchilarini xabardor qilgan holda, tanlov texnik uzilish bartaraf qilingan kundan keyingi ish kunida o‘tkaziladi.

3-§. Tanlovni o‘tkazilmagan deb hisoblash va takroriy tanlovni o‘tkazish tartibi

83. Tanlov quyidagi hollarda o‘tkazilmagan deb hisoblanadi:

a) tanlovda qatnashish uchun birorta ham ariza tushmagan bo‘lsa;

b) tanlovga faqat bir nafar ishtirokchi tomonidan ariza berilgan bo‘lsa;

v) tanlovning g‘olibi (salohiyatli g‘olibi) shartnomani imzolashni rad etsa;

g) mazkur Nizomda belgilangan tartibda obyektni sotib olish (ijaraga olish) taklif etilgan tanlov g‘olibi (salohiyatli g‘olibi) tomonidan belgilangan muddatda oldi-sotdi (ijara) shartnomasi rasmiylashtirilmasa.

84. Tanlov o‘tkazilmagan deb hisoblanganda, uning sabablari ko‘rsatilgan holda savdo platformasida xabarnoma e’lon qilinadi.

85. Tegishli lot bo‘yicha tanlov o‘tkazilmagan deb hisoblanganda, o‘n kundan so‘ng takroriy tanlov umumiy tartibda o‘tkaziladi.

4-§. Tanlov natijalarini rasmiylashtirish va hisob-kitob qilish

86. Operator xizmat haqi to‘langandan so‘ng keyingi ish kunidan kechiktirmay tanlov g‘olibiga bayonnoma rasmiylashtiradi hamda uni tanlov g‘olibi va buyurtmachining shaxsiy kabinetiga elektron shaklda yuboradi.

87. Operator mazkur Nizomda belgilangan tartibda bayonnomani QR-kod (matrik shtrixli kod) bilan rasmiylashtiradi.

Bayonnoma mazkur Nizomga 3-ilovadagi namunaviy shaklga muvofiq rasmiylashtiriladi va unda quyidagi ma’lumotlar ko‘rsatiladi:

tanlov o‘tkazilgan sana;

bayonnoma rasmiylashtirilgan sana;

tanlov g‘olibi haqida ma’lumot hamda uning tanlov takliflariga berilgan ballar;

tanlov obyekti haqida ma’lumotlar;

buyurtmachi va tanlov g‘olibi o‘rtasida tanlov obyekti bo‘yicha shartnoma tuzish muddati.

Bayonnoma tanlov obyekti bo‘yicha tanlov g‘olibi va buyurtmachi o‘rtasida shartnoma tuzish uchun asos hisoblanadi.

Bayonnoma rasmiylashtirilgandan so‘ng o‘n ish kunidan kechiktirmay bayonnoma asosida buyurtmachi bilan tanlov g‘olibi o‘rtasida oldi-sotdi (ijara) shartnomasi tuziladi.

Bayonnoma operator tomonidan yuritiladigan tanlov natijalari to‘g‘risidagi elektron bayonnomalar reyestriga kiritiladi.

Bayonnomadagi QR-kod (matrik shtrixli kod) takrorlanmas bo‘lib, uning ichiga tanlov natijalari to‘g‘risidagi elektron bayonnomalar reyestriga Internet tarmog‘i orqali havola joylashtiriladi.

Bayonnoma tanlov natijalari to‘g‘risidagi elektron bayonnomalar reyestriga kiritilgan bo‘lsa, u haqiqiy hisoblanadi.

Tanlov g‘olibining so‘rov xatiga ko‘ra bayonnoma qog‘oz shaklida chop etilib, operatorning muhri bosilgan holda unga taqdim etilishi yoki pochta orqali yuborilishi mumkin.

88. Operator tanlovni tashkil etish va o‘tkazish xizmatlari uchun quyidagicha xizmat haqi oladi:

a) tanlov takliflarini baholashda asosiy mezon sifatida investitsiya, ijtimoiy va shunga o‘xshash boshqa majburiyatlar nazarda tutilgan hollarda — BHMning 5 baravari;

b) tanlov takliflarini baholashda asosiy mezon sifatida sotilish narxi nazarda tutilgan hollarda — sotilgan narxining 1 foizi miqdorda.

Tanlov g‘olibi tomonidan tanlov obyekti qabul qilib olingani tasdiqlangandan so‘ng pul mablag‘lari (operator xizmat haqi chegirilgan holda) buyurtmachiga o‘tkazib beriladi.

89. Buyurtmachi tanlov g‘olibi bilan shartnoma tuzilgani to‘g‘risida shartnoma tuzilgan kundan keyingi ish kunidan kechiktirmay operatorni savdo platformasi orqali xabardor qilishi shart.

90. Tanlov yakunlangandan keyin yoki o‘tkazilmagan deb hisoblangandan so‘ng zakalat puli quyidagi tarzda qaytariladi:

tanlovning salohiyatli g‘olibiga ushbu Nizomning 89-bandida nazarda tutilgan holatda tanlov obyekti bo‘yicha shartnoma tuzilgani to‘g‘risidagi xabar olingan kundan boshlab uch ish kuni ichida;

boshqa ishtirokchilarga tanlov yakunlangan yoki o‘tkazilmagan deb hisoblangan kundan boshlab uch ish kuni ichida.

4-bob. Lotni auksiondan (tanlovdan) qaytarib olish tartibi va muddatlari

91. Auksion yoki tanlovga qo‘yilgan obyekt buyurtmachi tomonidan yoki tegishli sud, prokuror, tergovchi va surishtiruvchining qarorlariga asosan auksion yoki tanlov boshlangunga qadar yoki ular o‘tkazilmagan deb hisoblangandan so‘ng savdodan olinishi (buyurtmaga o‘zgartirish kiritish, bekor qilish, vaqtincha to‘xtatish) mumkin.

Bunda auksion yoki tanlovga qo‘yilgan obyektni savdodan olish bo‘yicha yozma so‘rov xati faqat savdo platformasi orqali auksion yoki tanlov o‘tkaziladigan kun soat 10:00 gacha (GMT+5) qabul qilinadi. Belgilangan muddat o‘tgandan keyin kelib tushgan so‘rov xatiga (sud, prokuror, tergovchi va surishtiruvchining qaroriga) asosan obyektning auksion yoki tanlovdan olinishiga yo‘l qo‘yilmaydi. Auksion yoki tanlovni o‘tkazish tartib-taomillari davom ettiriladi.

92. Sud, prokuror, tergovchi va surishtiruvchining obyektni savdodan olish to‘g‘risidagi qarori savdo boshlangandan keyin kelib tushgan taqdirda, savdo to‘xtatilmaydi. Bunda savdo natijalarini bekor qilish sud tartibida ko‘rib chiqiladi.

93. Operator so‘rov xati kelib tushganda, auksion yoki tanlov obyektini ushbu so‘rov xati kelib tushgan vaqtdan boshlab bir ish kuni ichida, biroq auksion yoki tanlov boshlangunga qadar savdodan oladi va bu haqda savdo platformasida e’lon joylashtiradi hamda ishtirokchilar tomonidan kiritilgan zakalatni ularning so‘roviga ko‘ra shaxsiy hisobvarag‘iga yoki bank hisobvarag‘iga (plastik kartasiga) qaytaradi.

Auksion yoki tanlov obyekti savdodan olinib, buyurtmachi so‘rov xatiga ko‘ra uni qayta savdoga chiqarish so‘ralganda, ushbu auksion yoki tanlov obyekti qayta auksion yoki tanlovga mazkur Nizomning 21, 39, 76 va 85-bandlarida belgilangan muddatda auksion yoki tanlovga qo‘yiladi.

94. Buyurtmani savdodan olish haqidagi elektron so‘rov xati (sud, prokuror, tergovchi va surishtiruvchining qarori) auksion boshlangan yoki tanlov bo‘lib o‘tgandan keyin kelib tushganda, auksion yoki tanlov obyekti qaytarib olinishiga yo‘l qo‘yilmaydi.

95. Auksion yoki tanlovni tashkil etish va o‘tkazish tartibidan tashqari bo‘lgan tartib-taomillarga rioya qilinmaganligi uchun auksion yoki tanlov natijalari to‘g‘risidagi bayonnomani bekor qilish yoki o‘zgartirishga yo‘l qo‘yilmaydi.

5-bob. Hisob-kitoblarni amalga oshirish tartibi

96. Savdo platformasida pul mablag‘lari harakati (zakalatni kiritish va qaytarish, to‘lovni amalga oshirish, g‘olib tomonidan to‘langan mablag‘larni buyurtmachiga o‘tkazish hamda boshqalar) elektron tizim orqali avtomatik ravishda (inson omili aralashuvisiz) amalga oshiriladi.

Savdo platformasida lot qiymati to‘liq to‘lanishi talab etilmaydigan auksion yoki tanlov obyektlari bo‘yicha mulk yoki huquqning to‘liq qiymati buyurtmachi va g‘olib o‘rtasida imzolangan shartnomaga asosan to‘lanadi.

Bunda lot qiymatini bo‘lib-bo‘lib to‘lash va/yoki boshqa shartlar bo‘yicha buyurtmachi va g‘olib o‘rtasida imzolanadigan shartnomada operator taraf hisoblanmaydi.

97. Operatorga xizmat ko‘rsatuvchi bankda buyurtmachi va ishtirokchi mablag‘larini saqlash, auksion yoki tanlov natijalari bo‘yicha to‘lovlarni amalga oshirish uchun talab qilib olingunga qadar ikkilamchi depozit hisobvaraqlari ochiladi.

Operatorning bankdagi hisobvaraqlari qoldig‘i bo‘yicha oladigan daromadlari auksion va tanlov savdolariga chiqarilgan obyektlar bo‘yicha reklama targ‘ibot ishlari xarajatlariga hamda auksion va tanlov savdolarini tashkil etish bilan bog‘liq xarajatlarni moliyalashtirishga, shuningdek, operatorning moddiy-texnik bazasini mustahkamlash va ishchi-xodimlarini rag‘batlantirishga maqsadli yo‘naltirilishi mumkin.

98. Auksion yoki tanlov natijalari bo‘yicha pul mablag‘lari operatorning maxsus hisobvarag‘ida yig‘iladi va auksion yoki tanlov g‘olibi (xaridor) tomonidan dasturdagi shaxsiy kabineti orqali obyektni qabul qilib olganligi tasdiqlagandan so‘ng ular buyurtmachi hisobvarag‘iga (operator xizmat haqi chegirilgan holda) o‘tkaziladi.

G‘olib obyektni qabul qilishdan bosh tortgan taqdirda, taraflar (g‘olib, buyurtmachi va operator)ning kelishuviga asosan to‘langan pul mablag‘lari ushbu Nizomda belgilangan tartibda (operator xizmat haqi chegirilgan holda) g‘olibga qaytarilishi mumkin. Bunda buyurtma operator tomonidan buyurtmachiga qaytariladi.

Taraflar kelishmagan taqdirda, ushbu nizoli masala sud tartibida ko‘rib chiqiladi.

Nizoli masala hal etilmagunga qadar g‘olib tomonidan to‘langan pul mablag‘lari operatorning maxsus hisobvarag‘ida saqlanadi.

99. Buyurtmachi va ishtirokchilarning shaxsiy hisobvaraqlari holati to‘g‘risidagi ma’lumotlar sir saqlanadi va uchinchi shaxslarga oshkor qilinishiga yo‘l qo‘yilmaydi, qonunchilikda nazarda tutilgan hollar bundan mustasno.

100. Buyurtmachi auksion yoki tanlov obyektiga vakolatli organlar tomonidan qo‘yilgan taqiqlarni olib tashlash masalasini to‘liq hal etishi hamda auksion yoki tanlov obyektini g‘olibga zarar yetkazilmagan holda topshirishi shart.

Operator auksion yoki tanlov obyektini saqlash, topshirish-qabul qilish jarayonida ishtirok etmaydi va uning oqibatlari uchun javobgar hisoblanmaydi.

101. Balansda saqlovchi va buyurtmachi sotilgan (ijaraga berilgan) auksion yoki tanlov obyektining auksion yoki tanlov g‘olibiga topshirilgunga qadar xususiyatini yo‘qotmagan holda saqlanishini ta’minlash, mol-mulk buyurtmada ko‘rsatilgan fotosuratga muvofiqligi va topshirish-qabul qilish dalolatnomasining o‘z vaqtida rasmiylashtirilishi hamda mazkur Nizomga muvofiq taqdim etiladigan ma’lumotlarning haqqoniyligi uchun javobgar hisoblanadi.

6-bob. Yakunlovchi qoidalar

102. Operator auksion yoki tanlovni o‘tkazish qoidalarini elektron savdolarni o‘tkazishda foydalaniladigan dasturiy-texnik vositalardan hamda ushbu Nizomdan kelib chiqib belgilaydi va savdo platformasida e’lon qiladi.

103. Operator savdo platformasida o‘tkazilishi rejalashtirilgan profilaktika tadbirlari haqidagi ma’lumotni kamida o‘ttiz kun oldin e’lon qiladi va ishtirokchilarning shaxsiy kabineti, elektron pochta manzili va mobil telefon raqamiga yuboradi.

104. Ushbu Nizom talablari buzilishida aybdor shaxslar qonunchilik hujjatlariga muvofiq javob beradilar.

“E-auksion” elektron savdo platformasida elektron onlayn-auksion va tanlovlarni tashkil etish hamda o‘tkazish tartibi to‘g‘risidagi nizomga
1-ILOVA

“E-auksion” elektron savdo platformasida elektron onlayn-auksion va tanlovlarni tashkil etish hamda o‘tkazish

SXEMASI

Bosqichlar	Subyektlar	Tadbirlar	Muddatlar
Bosqichlar	Subyektlar	Tadbirlar	Muddatlar

1-bosqich	Buyurtmachi (auksion yoki tanlovni tashkil etish va o‘tkazib berish haqida buyurtma yuborgan jismoniy va yuridik shaxslar)	1. “Elektron onlayn-auksionlarni tashkil etish markazi” DUK (keyingi o‘rinlarda — operator) bilan elektron auksion va tanlovlarni o‘tkazish bo‘yicha xizmat ko‘rsatishga shartnoma tuzish.	1. Elektron buyurtma berish sanasiga qadar.
		2. Buyurtmachi elektron savdo platformada ro‘yxatdan o‘tish.	2. Auksion va tanlovni e’lon qilish sanasiga qadar.
		3. Obyektni elektron auksion va tanlovga qo‘yish uchun operatorga elektron buyurtma berish.	3. Xabarnoma operatorning veb-portaliga joylashtirilishiga qadar.

2-bosqich	Operator “Elektron onlayn-auksionlarni tashkil etish markazi” DUK	1. Elektron auksion va tanlov o‘tkazilishi haqida veb-portalga xabarnoma joylashtirish.	1. Buyurtmachining elektron buyurtmasi qabul qilib olingan kundan keyingi ish kuni elektron auksion yoki tanlov o‘tkazish kunidan kamida 30 kun oldin (strategik turdagi foydali qazilmalar yer qa’ri uchastkalari bo‘yicha kamida 60 kun).
2-bosqich		2. Talabgorlardan ariza qabul qilish.	2. Xabarnoma joylashtirilgan kundan boshlab elektron auksion yoki tanlov o‘tkazilishi belgilangan kun soat 9-00 ga (GMT+5) qadar platforma orqali qabul qilinadi.

3-bosqich	Ariza beruvchi (jismoniy va yuridik shaxslar)	1. Veb-portalda ro‘yxatdan o‘tish va auksion (tanlov) qoidalari, elektron savdo platformasining tartib-taomillarini qabul qilgani yuzasidan elektron shartnoma imzolash.	1. Elektron auksion yoki tanlovda ishtirok etish uchun ariza berish sanasiga qadar.
		2. Shaxsiy hisobvaraqni zakalat pulini o‘tkazishga talab etiladigan miqdordagi pul mablag‘lari bilan to‘ldirish. 3. Ariza elektron ko‘rinishda yuboriladi.	2-3. Ariza, xabarnoma joylashtirilgan kundan boshlab elektron auksion yoki tanlov o‘tkazilishi belgilangan kun soat 9-00 ga (GMT+5) qadar platforma orqali qabul qilinadi.

		4. Ishtirokchi shaxsiy kabineti orqali zakalat pulini to‘lash.	4. Xabarnomada ko‘rsatilgan zakalat miqdoridan kam bo‘lmagan mablag‘ni kiritadi.

4-bosqich	Operator “Elektron onlayn-auksionlarni tashkil etish markazi” DUK	1. Elektron auksion savdosi operatorning veb-portalida avtomatik tarzda o‘tkaziladi.	1. Auksionda soat 10:00 dan boshlab taklifni tasdiqlash uchun oldingi taklif tasdiqlangan vaqtdan boshlab 10 daqiqadan vaqt beriladi va g‘olib aniqlangunga qadar davom etadi.
4-bosqich		2. Tanlov savdosi operatorning veb-portalida avtomatik tarzda o‘tkaziladi.	2. Tanlov natijalari bo‘yicha ishtirokchilarning ro‘yxati, ularning tanlov takliflari va ularga berilgan ballar tanlov o‘tkaziladigan kun soat 10-00 da (GMT+5) platformada avtomatik ravishda e’lon qilinadi.

5-bosqich	Auksion g‘olibi Tanlov g‘olibi	1. Lot qiymati bazaviy hisoblash miqdorining besh ming baravarigacha bo‘lganda.	1. O‘n ish kun ichida to‘lov to‘liq amalga oshiriladi.
		2. Lot qiymati bazaviy hisoblash miqdorining besh ming baravariga teng yoki undan ortiq bo‘lganda.	2. O‘n besh ish kun ichida to‘lov to‘liq amalga oshiriladi.
		3. Platformada lot qiymati to‘liq to‘lanishi talab etilmaydigan auksion obyektlari bo‘yicha ishtirokchi obyektni sotib olish to‘g‘risidagi yoki buyurtmachi bilan tegishli shartnoma tuzish haqidagi taklif qabul qilinganligini (akseptni) tasdiqlaydi.	3. Besh ish kuni ichida operatorning xizmat haqiga yetarli mablag‘ni to‘laydi.
		1. Tanlov takliflarini baholash va tanlov g‘olibini aniqlash.	1. Tanlovni o‘tkazish uchun belgilangan kun va vaqtda.
		2. Tanlov ishtirokchisi obyektni sotib olish to‘g‘risidagi yoki buyurtmachi bilan tegishli shartnoma tuzish haqidagi taklif qabul qilinganligini (akseptni) tasdiqlaydi.	2. Besh ish kuni ichida operatorning xizmat haqiga yetarli mablag‘ni to‘laydi.

6-bosqich	Operator “Elektron onlayn-auksionlarni tashkil etish markazi” DUK	1. Auksion yoki tanlov natijalari operatorning veb-portalida e’lon qilish.	1. Auksion yoki tanlov yakunlangan zahoti.
		2. QR-kodini qo‘llash orqali auksion yoki tanlov natijalari to‘g‘risidagi elektron bayonnomani rasmiylashtirish.	2. Obyekt qiymati (operator xizmat haqiga yetarli mablag‘) to‘langandan so‘ng keyingi ish kunidan kechiktirmay.
		3. Bayonnomani auksion yoki tanlov g‘olibining va Buyurtmachining kabinetiga yuborish.	3. Bayonnoma rasmiylashtirilgandan so‘ng.
		4. Kelib tushgan pul mablag‘larini taqsimlash.	4. Auksion g‘olibi tomonidan obyekt qabul qilinganligi tasdiqlangandan s�ng 3 ish kuni ichida.

“E-auksion” elektron savdo platformasida elektron onlayn-auksion va tanlovlarni tashkil etish hamda o‘tkazish tartibi to‘g‘risidagi nizomga
2-ILOVA

Auksion natijalari bo‘yicha rasmiylashtiriladigan bayonnomaning namunaviy shakli

“ELEKTRON-ONLAYN AUKSIONLARNI
TAShKIL ETISh MARKAZI”
DAVLAT UNITAR KORXONASI

ELEKTRON-ONLAYN AUKSION NATIJALARI TO‘G‘RISIDAGI
BAYoNNOMA
№ ––––

Elektron onlayn-auksion o‘tkazilgan sana:

___.____.202_ yil

Bayonnoma rasmiylashtirilgan sana:

___.____.202_ yil

Lot raqami va mol-mulk turi:

Obyektni elektron onlayn-auksionga qo‘yish uchun asos:

Obyektning nomi:

Obyektni tavsiflovchi ma’lumotlar:

Yer uchastkasining umumiy maydoni:
Binoning qurilish osti maydoni:
Binoning foydali maydoni:
Qurilgan yili:
Qavatlar soni:

Agar transport vositasi bo‘lsa:
Dvigatel №:
Kuzov №:
Shassi №:
Guvoxnoma №:
Rangi:
Ishlab chiqarilgan yili:

Obyekt joylashgan yoki saqlanayotgan manzil (hudud nomi, tuman (shahar), mahalla va ko‘cha nomlanishi, uy raqami):

Auksion g‘olibi (yuridik shaxsning nomi, STIR raqami, jismoniy shaxsning FIO, pasport ma’lumotlari seriya va raqami, qachon va kim tomonidan berilganligi, telefon raqami):

Obyektning boshlang‘ich narxi:

Ishtirokchilar:

G‘olibga yuklatilgan majburiyatlar va qo‘shimcha shartlar (mavjud bo‘lganda):

1.
2.
3.

Qo‘shimcha ma’lumotlar:

mavjud bo‘lganda

O‘zbekiston Respublikasi Vazirlar Mahkamasining 2022-yil 12-yanvardagi 18-son qarori bilan tasdiqlangan “E-auksion” elektron savdo platformasida elektron onlayn-auksion va tanlovlarni tashkil etish hamda o‘tkazish tartibi to‘g‘risidagi nizomning 46-bandiga muvofiq mazkur bayonnoma oldi-sotdi shartnomasi kuchiga ega bo‘lib, mulk va mulkiy huquqni davlat ro‘yxatidan o‘tkazish uchun hamda oldi-sotdi (ijara) shartnomasini tuzish uchun asos hisoblanadi.

QR-kod uchun joy

Bayonnomada ko‘rsatilgan ma’lumotlar to‘g‘riligini tekshirish uchun mobil telefon yordamida QR-kodni skaner qiling.

“E-auksion” elektron savdo platformasida elektron onlayn-auksion va tanlovlarni tashkil etish hamda o‘tkazish tartibi to‘g‘risidagi nizomga
3-ILOVA

Tanlov natijalari bo‘yicha rasmiylashtiriladigan bayonnomaning namunaviy shakli

“ELEKTRON-ONLAYN AUKSIONLARNI
TAShKIL ETISh MARKAZI”
DAVLAT UNITAR KORXONASI

ELEKTRON TANLOV NATIJALARI TO‘G‘RISIDAGI
BAYoNNOMA
№ ––––

Elektron tanlov o‘tkazilgan sana:

___.____.202_ yil

Bayonnoma rasmiylashtirilgan sana:

___.____.202_ yil

Lot raqami va mol-mulk turi:

Obyektni elektron tanlovga qo‘yish uchun asos:

Obyektning nomi:

Obyektni tavsiflovchi ma’lumotlar:

Yer uchastkasining umumiy maydoni:
Binoning qurilish osti maydoni:
Binoning foydali maydoni:
Qurilgan yili:
Qavatlar soni:

Obyekt joylashgan yoki saqlanayotgan manzil (hudud nomi, tuman (shahar), mahalla va ko‘cha nomlanishi, uy raqami):

Tanlov g‘olibi (yuridik shaxsning nomi, STIR raqami, jismoniy shaxsning FIO, pasport ma’lumotlari seriya va raqami, qachon va kim tomonidan berilganligi, telefon raqami):

Obyektning boshlang‘ich narxi (mavjud bo‘lganda):

Obyektning sotilgan narxi (mavjud bo‘lganda):

Ishtirokchilar:

Tanlov g‘olibi to‘plagan ball:

G‘olibga yuklatilgan majburiyatlar va qo‘shimcha shartlar (mavjud bo‘lganda):

1.
2.
3.

Qo‘shimcha ma’lumotlar:

mavjud bo‘lganda

O‘zbekiston Respublikasi Vazirlar Mahkamasining 2022-yil 12-yanvardagi 18-son qarori bilan tasdiqlangan “E-auksion” elektron savdo platformasida elektron onlayn-auksion va tanlovlarni tashkil etish hamda o‘tkazish tartibi to‘g‘risidagi nizomning 87-bandi sakkizinchi xatboshiga muvofiq mazkur bayonnoma oldi-sotdi (ijara) shartnomasini tuzish uchun asos hisoblanadi.

QR-kod uchun joy

Bayonnomada ko‘rsatilgan ma’lumotlar to‘g‘riligini tekshirish uchun mobil telefon yordamida QR-kodni skaner qiling.

Vazirlar Mahkamasining 2022-yil 12-yanvardagi 18-son qaroriga
2-ILOVA

“E-auksion” elektron savdo platformasiga integratsiya qilinadigan vazirliklar, idoralar va boshqa tashkilotlar

RO‘YXATI

1. O‘zbekiston Respublikasi Axborot texnologiyalari va kommunikatsiyalarini rivojlantirish vazirligi va uning huzuridagi “Elektron hukumat loyihalarini boshqarish markazi” davlat muassasasi.

Oldingi tahrirga qarang.

2. O‘zbekiston Respublikasi Adliya vazirligi.

(2-band O‘zbekiston Respublikasi Vazirlar Mahkamasining 2022-yil 13-iyuldagi 385-sonli qarori tahririda — Qonunchilik ma’lumotlari milliy bazasi, 14.07.2022-y., 09/22/385/0643-son)

3. O‘zbekiston Respublikasi Ichki ishlar vazirligi va uning Yo‘l harakati xavfsizligi bosh boshqarmasi.

4. O‘zbekiston Respublikasi Davlat soliq qo‘mitasi.

5. O‘zbekiston Respublikasi Davlat geologiya va mineral resurslar qo‘mitasi.

6. O‘zbekiston Respublikasi Ekologiya va atrof-muhitni muhofaza qilish davlat qo‘mitasi.

7. O‘zbekiston Respublikasi Davlat statistika qo‘mitasi.

8. O‘zbekiston Respublikasi Vazirlar Mahkamasi huzuridagi Davlat personallashtirish markazi.

9. O‘zbekiston Respublikasi Davlat soliq qo‘mitasi huzuridagi Kadastr agentligi.

10. O‘zbekiston Respublikasi Davlat aktivlarini boshqarish agentligi.

11. O‘zbekiston Respublikasi Turizm va sport vazirligi huzuridagi Madaniy meros agentligi.

12. O‘zbekiston Respublikasi Monopoliyaga qarshi kurashish qo‘mitasi.

13. O‘zbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasi.

Izoh:

1. Vazirliklar, idoralar va boshqa tashkilotlar tizimga Elektron Hukumatning idoralararo ma’lumotlar uzatish tarmog‘i orqali belgilangan tartibda ulanadi.

2. Tashkilotlar o‘rtasida o‘zaro ma’lumot almashish xizmatlari bepul amalga oshiriladi.

3. “Elektron onlayn-auksionlarni tashkil etish markazi” davlat unitar korxonasi tomonidan zaruratga qarab boshqa tashkilotlar bilan o‘zaro kelishuv asosida “E-auksion” elektron savdo platformasiga integratsiya qilinishi mumkin.

Vazirlar Mahkamasining 2022-yil 12-yanvardagi 18-son qaroriga
3-ILOVA

O‘zbekiston Respublikasi Hukumatining ayrim qarorlariga kiritilayotgan o‘zgartirish va qo‘shimchalar

1. Vazirlar Mahkamasining 2009-yil 31-dekabrdagi 343-son qarori (O‘zbekiston Respublikasi QT, 2009-y., 12-son, 84-modda) bilan tasdiqlangan Budjet tashkilotlari va davlat unitar korxonalarining asosiy vositalarini hamda qurilishi tugallanmagan obyektlarini sotish, shuningdek ularni sotishdan tushgan pul mablag‘larini taqsimlash tartibi to‘g‘risidagi nizomda:

a) 5-bandda:

uchinchi xatboshidagi “E-ijro auksion” yagona elektron savdo maydonchasida” so‘zlari “E-auksion” elektron savdo platformasida” so‘zlari bilan almashtirilsin;

to‘rtinchi xatboshidagi “E-ijro auksion” yagona elektron savdo maydonchasining” so‘zlari “E-auksion” elektron savdo platformasining” so‘zlari bilan almashtirilsin;

beshinchi xatboshidagi “E-ijro auksion” yagona elektron savdo maydonchasida” so‘zlari “E-auksion” elektron savdo platformasida” so‘zlari bilan almashtirilsin;

b) 8-bandning to‘rtinchi xatboshidagi “E-ijro auksion” yagona elektron savdo maydonchasida” so‘zlari “E-auksion” elektron savdo platformasida” so‘zlari bilan almashtirilsin;

v) 12-bandning uchinchi va to‘rtinchi xatboshilaridagi “E-ijro auksion” yagona elektron savdo maydonchasida” so‘zlari “E-auksion” elektron savdo platformasida” so‘zlari bilan almashtirilsin.

2. Vazirlar Mahkamasining “Davlat mulki obyektlarini xususiylashtirish tartibi to‘g‘risidagi nizomlarni tasdiqlash haqida” 2014-yil 6-oktabrdagi 279-son qarorida:

a) 1-bandda:

oltinchi xatboshi chiqarib tashlansin;

yettinchi va sakkizinchi xatboshilar tegishlicha oltinchi va yettinchi xatboshilar deb hisoblansin;

b) 3-ilovada:

2-bandning to‘rtinchi xatboshidagi “E-ijro auksion” elektron savdo maydonlarida” so‘zlari “E-auksion” elektron savdo platformasida” so‘zlari bilan almashtirilsin;

26¹, 31, 47¹ va 67-bandlardagi “E-ijro auksion” elektron savdo maydonida” so‘zlari “E-auksion” elektron savdo platformasida” so‘zlari bilan almashtirilsin;

v) 4-ilovaning 2-bandi uchinchi xatboshidagi, 30¹, 35¹, 50¹, 71¹-bandlaridagi “E-ijro auksion” elektron savdo maydonida” so‘zlari “E-auksion” elektron savdo platformasida” so‘zlari bilan almashtirilsin;

g) 5-ilova o‘z kuchini yo‘qotgan deb hisoblansin.

3. Vazirlar Mahkamasining “Davlat aktivlarini sotishda va ijaraga berishda elektron savdolarni joriy etish chora-tadbirlari to‘g‘risida” 2018-yil 22-martdagi 209-son qarorining 2-bandi birinchi xatboshidagi va 4-bandi oltinchi xatboshidagi “E-ijro auksion” elektron savdo maydonchasida” so‘zlari “E-auksion” elektron savdo platformasida” so‘zlari bilan almashtirilsin.

4. Vazirlar Mahkamasining “Davlat mulki obyektlarini sotish va davlat mulkini ijaraga berish bo‘yicha elektron savdolar o‘tkazish tartibi to‘g‘risidagi nizomni tasdiqlash haqida” 2018-yil 16-iyundagi 454-son qarorida:

a) 1-banddagi “elektron savdolar o‘tkazish” so‘zlaridan keyin “uchun materiallar tayyorlash” so‘zlari qo‘shilsin;

b) Davlat mulki obyektlarini sotish va davlat mulkini ijaraga berish bo‘yicha elektron savdolar o‘tkazish tartibi to‘g‘risidagi nizom quyidagi tahrirda bayon etilsin:

“Davlat mulki obyektlarini sotish va davlat mulkini ijaraga berish bo‘yicha elektron savdolar o‘tkazish uchun materiallar tayyorlash tartibi to‘g‘risida nizom

1-bob. Umumiy qoidalar

1. Ushbu Nizom elektron shaklda o‘tkaziladigan auksionlar va tanlovlar vositasida mas’uliyati cheklangan jamiyatlarning ustav fondlaridagi (ustav kapitallaridagi) davlat ulushlarini, davlat ko‘chmas mulk obyektlarini sotish hamda davlat mulkini nodavlat yuridik va jismoniy shaxslarga ijaraga berish uchun materiallar tayyorlash tartibini belgilaydi.

2. Ushbu Nizomning amal qilishi quyidagi holatlarda yuzaga keladigan munosabatlarga:

a) davlat mulki obyektlarini:

sudning qarori asosida sotishda;

erkin iqtisodiy zonalar, texnoparklar va kichik sanoat zonalari hududlarida joylashgan davlat mulki obyektlarini sotishda;

Davlat mulkini sotishda tender savdolarini o‘tkazish bo‘yicha davlat komissiyasining (keyingi o‘rinlarda — Davlat tender komissiyasi) qarori asosida, agar uning qarorida boshqacha holat nazarda tutilgan bo‘lmasa;

O‘zbekiston Respublikasi Prezidenti yoki Vazirlar Mahkamasining qarorlari asosida sotishda, agar ushbu qarorlarda boshqacha holat nazarda tutilgan bo‘lmasa;

b) quyidagilarni:

davlat mulki obyektlarini nol stavka bo‘yicha ijaraga berishda;

erkin iqtisodiy zonalar, texnoparklar va kichik sanoat zonalari hududida joylashgan davlat mol-mulkini ijaraga berishda;

ko‘char mulkni ijaraga berishda;

O‘zbekiston Respublikasi Prezidenti yoki Vazirlar Mahkamasining qarorlari asosida ijaraga berishda, agar ushbu qarorlarda boshqacha holat nazarda tutilgan bo‘lmasa, tatbiq etilmaydi.

3. Ushbu Nizomning maqsadlari uchun quyidagi asosiy tushunchalardan foydalaniladi:

ijarachi — davlat mulkining ijara shartnomasini ushbu Nizomda belgilangan shartlar asosida va tartibda tuzgan nodavlat yuridik yoki jismoniy shaxs;

ijaraga beruvchi — O‘zbekiston Respublikasi Davlat aktivlarini boshqarish agentligi huzuridagi Bo‘sh turgan obyektlardan samarali foydalanishni tashkil etish markazining Qoraqalpog‘iston Respublikasi, viloyatlar va Toshkent shahar hududiy boshqarmalari;

balansda saqlovchi — sotiladigan (ijaraga beriladigan) davlat mulki obyekti biriktirilgan yuridik shaxs;

davlat mulki — davlat korxonalari va budjet tashkilotlariga biriktirilgan mol-mulk, shuningdek, ommaviy mulkni tasarruf etuvchi yoxud vakolatli davlat organi tomonidan yuridik shaxslarga tasarruf etish huquqisiz (davlat mulki obyektlarini investitsiya majburiyatlari va boshqa majburiyatlar bilan sotish hollari bundan mustasno) berilgan yuridik shaxslarning mol-mulki (shu jumladan, texnoparklar hududidagi davlat mulki);

investitsiya majburiyatlari — pul bilan baholanadigan va qonunchilik hujjatlariga zid bo‘lmagan shakllarda amalga oshiriladigan davlat mulki obyektini sotishda davlat mulki obyektiga investitsiyalarni amalga oshirish bo‘yicha xaridor tomonidan qabul qilinadigan majburiyatlar;

tanlov hujjatlari — davlat mulki obyektining texnik tartiboti, tijorat, tashkiliy va boshqa xususiyatlari haqida hamda tanlovning shartlari va tartiboti haqida boshlang‘ich ma’lumotni o‘z ichiga olgan, “E-auksion” elektron savdo platformasida sotuvchi tomonidan belgilanadigan tanlovni o‘tkazish qoidalari, tanlov taklifining shakllaridan iborat bo‘lgan hujjatlar to‘plami;

tanlov taklifi — tanlov hujjatlarida belgilanadigan shartlarda shartnomani tuzish taklifi;

boshlang‘ich narx — davlat mulki obyektini savdolarga qo‘yishda sotuvchi tomonidan qo‘yilgan narx;

davlat mulki obyektlari — davlatga mulk huquqi asosida tegishli bo‘lgan ko‘chmas mulk, mulkiy huquqlar va davlat ulushlari;

operator — “E-auksion” elektron savdo platformasida elektron onlayn-auksionlarni (tanlovlarni) tashkil etish va o‘tkazish vakolati berilgan O‘zbekiston Respublikasi Davlat aktivlarini boshqarish agentligi huzuridagi “Elektron onlayn-auksionlarni tashkil etish markazi” davlat unitar korxonasi;

g‘olib — davlat mulki obyekti uchun eng yuqori narxni taklif etgan yoki uning tanlov taklifi tanlovning shartlariga eng yuqori darajada mos bo‘lgan savdolar ishtirokchisi;

xaridor — sotuvchi bilan davlat mulki obyektining oldi-sotdi shartnomasini (keyingi o‘rinlarda — oldi-sotdi shartnomasi) tuzgan savdolar g‘olibi;

sotuvchi — O‘zbekiston Respublikasi Davlat aktivlarini boshqarish agentligi (keyingi o‘rinlarda — Agentlik) yoki uning hududiy boshqarmasi;

ijtimoiy majburiyatlar — davlat mulki obyektini sotishda xaridor tomonidan qabul qilinadigan, pul bahosiga ega bo‘lmagan va qonunchilik hujjatlariga zid bo‘lmagan shakllarda amalga oshiriladigan majburiyatlar;

“E-auksion” elektron savdo platformasi (keyingi o‘rinlarda — platforma) — elektron onlayn-auksionlar va tanlovlarni tashkil etish va o‘tkazish uchun zarur axborotni kiritish, saqlash va qayta ishlash, shuningdek, istagi bo‘lgan jismoniy va yuridik shaxslarning bunday auksionlar va tanlovlar jarayonlariga bevosita kirish va ishtirok etish imkonini ta’minlaydigan axborot tizimi;

tanlov shartlari — tanlovni o‘tkazish tartibi, davlat mulki obyektlarining soni va o‘lchamlari, ular bo‘yicha majburiyatlar, ishtirokchilarga qo‘yiladigan investitsion va ijtimoiy majburiyatlar hamda talablar yuzasidan sotuvchi tomonidan belgilanadigan shartlar;

elektron onlayn-auksion (keyingi o‘rinlarda — auksion) — xaridorni (ijarachini) musobaqa asosida aniqlash bo‘yicha platformada o‘tkaziladigan savdolar shakli, bunda davlat mulki obyektining oldi-sotdi (ijara) shartnomasini tuzish huquqiga ommaviy tarzda eng katta narxni taklif etgan ishtirokchi ega bo‘ladi;

elektron hujjat — elektron shaklda qayd etilgan, elektron raqamli imzo (keyingi o‘rinlarda — ERI) bilan tasdiqlangan axborot. Elektron hujjat bitimni amalga oshirishning isboti sifatida qo‘llanishi mumkin;

elektron tanlov (keyingi o‘rinlarda — tanlov) — platformada ishtirokchilar tomonidan tanlov hujjatlarining mezonlari va shartlariga muvofiq taqdim etilgan eng yaxshi takliflarni tanlash yo‘li bilan xaridorni aniqlash bo‘yicha savdolarning shakli.

4. Balansda saqlovchi savdolarda sotiladigan (ijaraga beriladigan) davlat mulki obyektidan foydalanish imkonini va uning xaridorga (ijarachiga) o‘tish paytigacha saqlanishini ta’minlaydi va u haqdagi ma’lumotning haqqoniyligi uchun javob beradi.

5. Davlat mulki obyektlarini sotish va davlat mulkini ijaraga berish uchun materiallar ushbu Nizomga 1-ilovaga muvofiq sxema bo‘yicha tayyorlanadi.

6. Operator savdolarni o‘tkazish qoidalari va reglamentini belgilaydi va uning barcha manfaatdor shaxslarning tanishib chiqishi uchun, shu jumladan, platformada tanishish uchun doimiy ochiqligini ta’minlashi shart.

7. Boshlang‘ich narx sotib olish qiymati bo‘yicha — davlat mulki obyekti (ulushi) qiymatini baholash to‘g‘risida baholash tashkilotining hisobotida va baholash to‘g‘risidagi hisobotning ishonchliligini ekspertizadan o‘tkazish natijalari haqidagi ekspert xulosasida belgilangan miqdorda belgilanadi.

2-bob. Savdolarni tashkil etish uchun materiallar tayyorlash va buyurtma yuborish

8. Savdolarni o‘tkazish uchun sotuvchi (ijaraga beruvchi):

operator bilan platformada savdolarni o‘tkazish bo‘yicha elektron xizmatlar ko‘rsatilishi yuzasidan shartnoma tuzadi;

sotiladigan (ijaraga beriladigan) davlat mulki obyektlari to‘g‘risidagi axborotni qonunchilik hujjatlarida belgilangan tartibda oshkor qiladi;

operatorga buyurtma va unga ilova qilinadigan elektron hujjatlarning namunalari yuborilishini ta’minlaydi;

qonunchilik hujjatlariga muvofiq boshqa funksiyalarni bajaradi.

9. Operator sotuvchi yoki ijaraga beruvchi bilan tuzilgan shartnomaga muvofiq elektron xizmatlarni ko‘rsatadi.

10. Savdolarni o‘tkazishga tayyorgarlik sotuvchining (ijaraga beruvchining) ichki tartibotlariga va ushbu Nizomga muvofiq amalga oshiriladi.

11. Savdolar o‘tkazilishi to‘g‘risidagi xabarnomani e’lon qilishdan oldin sotuvchi (ijaraga beruvchi) har bir sotiladigan (ijaraga beriladigan) davlat mulki obyekti bo‘yicha operatorga yuboriladigan buyurtmaga quyidagilarni ilova qiladi:

a) sotish (ijara) obyekti yuzasidan ma’lumot, ushbu Nizomga 2 — 4-ilovalarga muvofiq;

b) sotish (ijara) obyektining balansda saqlovchisi haqidagi ma’lumot (pochta va elektron manzil, telefon, faks);

v) ijaraga beriladigan binolar va inshootlar bo‘yicha ijara haqini hisoblash (ijara haqining tayanch stavkasi);

g) mavjud yuklatilgan majburiyatlar to‘g‘risidagi ma’lumot;

d) sotish obyekti (ulush) bo‘yicha:

belgilangan tartibda sotuvchi tomonidan savdoga chiqarish to‘g‘risidagi buyruqning skaner qilingan nusxasi;

sotiladigan davlat mulki obyektini baholash hisoboti — sotib olish qiymati evaziga sotishda;

davlat ulushini sotishda:

xatlov komissiyasining a’zolari va rahbari tomonidan imzolangan jamiyatning mol-mulk xatlovi va moliyaviy majburiyatlari dalolatnomalari;

jamiyat ijroiya organining birinchi rahbari tomonidan imzolangan va jamiyat muhri bilan tasdiqlangan oxirgi yil uchun moliyaviy hisobotlarning nusxalari;

obyektning binolari va inshootlarining fotosuratlari, kamida 4 dona;

davlat ko‘chmas mulk obyektini sotishda:

obyektning binolari va inshootlarining fotosuratlari, kamida 4 dona;

xususiylashtirish bo‘yicha komissiyaning a’zolari va rahbari tomonidan imzolangan xatlov dalolatnomalari — xarid qiymatida sotilgan taqdirda;

davlat ko‘chmas mulk obyektining kadastr hujjatlari, shu jumladan, kadastr xaritasi (rejasi) va boshqa huquqlarni belgilovchi hujjatlarning nusxalari (mavjud bo‘lganda);

yer uchastkasiga (yer osti boyliklari va boshqa tabiiy resurslarga — mavjud bo‘lganda) bo‘lgan huquqlarni tasdiqlovchi hujjatlar;

e) faoliyatning ixtisosligini saqlab qolish zarurligi haqida ko‘rsatma;

j) faoliyatning ixtisosligi saqlanishi muddati (agar uning saqlanishi nazarda tutilgan bo‘lsa);

z) sotiladigan davlat ko‘chmas mulk obyektini tasarruf etish huquqiga ta’sir etadigan mavjud yuklangan majburiyatlar yoki cheklashlar to‘g‘risida ma’lumot;

i) madaniy meros obyektlarini muhofaza qilish va ulardan foydalanish bo‘yicha organning xulosasi (zarur bo‘lganda);

k) ijaraga beriladigan binolar va inshootlar bo‘yicha:

balansda saqlovchi xatining skaner qilingan nusxasi;

ikki tomonlama imzolanadigan elektron shartnoma;

obyektning binolari va inshootlarining fotosuratlari, kamida 4 dona.

Sotuvchining (ijaraga beruvchining) qaroriga va qonunchilik hujjatlariga muvofiq platformadagi axborot bazasiga qo‘shimcha ma’lumot kiritilishi mumkin.

12. Sotish (ijaraga berish) obyektini platformada realizatsiya qilish O‘zbekiston Respublikasi Vazirlar Mahkamasi qarori bilan belgilangan tartibda amalga oshiriladi.

13. Sotiladigan davlat mulki obyektini kamida bir yil ijaraga oluvchi ijarachi arizaga O‘zbekiston Respublikasi Qurilish vazirligining tegishli xizmatlari asosiy fondlarni modernizatsiyalash va kapital ta’mirlash amalga oshirilganligi haqidagi ekspertizasi xulosalarini, bandlik va mehnat munosabatlari organining sotiladigan davlat mulki obyektini ijaraga berish davrida yaratilgan yangi ish o‘rinlari haqidagi ma’lumotnomasining elektron (skaner qilingan) nusxalarini ilova qiladi.

14. Obyektning oldi-sotdi shartnomasini rasmiylashtirish operator tomonidan bayonnoma rasmiylashtirilgan kundan boshlab o‘n ish kun ichida:

davlat mulkini ijaraga berish elektron shaklda elektron raqamli imzo bilan tasdiqlash yo‘li orqali;

davlat mulki obyektlarini auksion yoki tanlovda sotishda yozma shaklda, hozir bo‘lish tartibida amalga oshiriladi.

Sotuvchi (ijaraga beruvchi) auksion yoki tanlov obyektini auksion yoki tanlov g‘olibiga zarar yetkazilmagan holda topshirishi shart.

15. Savdolar yakunlari ular bo‘yicha bekor qilingan yoxud oldi-sotdi shartnomalari bekor qilingan yoki haqiqiy emas deb hisoblangan davlat mulki obyektlarining savdolarga qo‘yilishi quyidagi tartibda amalga oshiriladi:

davlat mulki obyektlarini davlat mulki obyektining boshlang‘ich narxi bo‘yicha sotib olish qiymati evaziga sotishda — agar savdolar yakunlari bekor qilingan sanadan boshlab yoki savdolarga qo‘yish sanasi va shartnomalarni bekor qilish yoki haqiqiy emas deb e’tirof etish sanasi o‘rtasidagi muddat ikki yildan oshmasa;

bosqichma-bosqich pasaytirish mexanizmi qo‘llanganda, davlat mulki obyektlarini davlat mulki obyektining oxirgi savdolarga qo‘yilishi sanasiga kelib uning shakllantirilgan narxi bo‘yicha sotib olish qiymati evaziga sotishda — agar savdolar yakunlari bekor qilingan sanadan boshlab yoki ularni savdolarga qo‘yish sanasi va shartnomalarni bekor qilish yoki haqiqiy emas deb e’tirof etish sanasi o‘rtasidagi muddat bir yildan oshmasa;

ijaraga beriladigan davlat mulki obyektining ijara haqi tayanch stavkasining yillik miqdori bo‘yicha ijaraga berishda — agar savdolar natijalari bekor qilingan sanadan boshlab yoki savdolarga qo‘yish sanasi va shartnomalarni bekor qilish yoki haqiqiy emas deb e’tirof etish sanasi o‘rtasidagi muddat joriy yil uchun oxirgi tasdiqlangan eng kam ijara stavkasidan boshlab bir yildan oshmasa;

davlat mulki obyektlarini Davlat tender komissiyasi yoki hududiy tanlov komissiyasining qarorida belgilangan tartibda tanlov savdolari orqali sotishda — agar savdolar yakunlari bekor qilingan sanadan boshlab yoki savdolarga qo‘yish sanasi va shartnomalarni bekor qilish yoki haqiqiy emas deb tan olish sanasi o‘rtasidagi muddat ikki yildan oshmasa amalga oshiriladi.

16. Agar savdolar yakunlari bekor qilingan sanadan boshlab yoki savdolarga qo‘yish sanasi va shartnomalarni bekor qilish yoki haqiqiy emas deb e’tirof etish sanasi o‘rtasidagi muddat ikki yildan oshgan bo‘lsa, davlat mulki obyekti takroriy baholanishi va belgilangan tartibda savdolarga qo‘yilishi zarur.

3-bob. Nazorat qilish va savdolarni tashkil etish va o‘tkazishda ishtirok etuvchi shaxslarning javobgarligi

17. Ushbu Nizom talablariga rioya qilinishi bo‘yicha nazorat Agentlik arbitraj komissiyasi tomonidan amalga oshiriladi.

18. Operator sotuvchi bilan davlat ko‘chmas mulk obyektlarini sotish bo‘yicha xizmat ko‘rsatish yuzasidan tuzilgan shartnoma shartlarining bajarilishi, savdolarning ishtirokchilari tomonidan taqdim etilgan hujjatlarning saqlanishi va maxfiyligini ta’minlash uchun qonunchilik hujjatlarida belgilangan tartibda javob beradi.

19. Balansda saqlovchi qonunchilik hujjatlariga muvofiq:

sotiladigan (ijaraga beriladigan) davlat ko‘chmas mulk obyektlarining yangi mulkdorga topshirilish paytigacha saqlanishini ta’minlash, ularni qabul qilish-topshirish dalolatnomasini o‘z vaqtida rasmiylashtirish;

ushbu Nizomga muvofiq taqdim etiladigan ma’lumotlarning haqqoniyligi uchun javob beradi.

20. Savdolarni tashkil etish va o‘tkazishda ishtirok etuvchi shaxslar talabgorlar tomonidan taqdim etilgan hujjatlarning saqlanishi va maxfiyligi ta’minlanishi uchun qonunchilik hujjatlarida belgilangan tartibda javob beradi.

6-bob. Yakunlovchi qoida

21. Davlat mulki obyektlarini sotishda yoki ijaraga berishda yuzaga keladigan nizolar qonunchilik hujjatlarida belgilangan tartibda ko‘rib chiqiladi.

Davlat mulki obyektlarini sotish va davlat mulkini ijaraga berish bo‘yicha elektron savdolar o‘tkazish uchun materiallar tayyorlash tartibi to‘g‘risidagi nizomga
1-ILOVA

Davlat mulki obyektlarini sotish va davlat mulkini ijaraga berish uchun materiallar tayyorlash

SXEMASI

Oldingi tahrirga qarang.

1-bosqich	Agentlik, uning hududiy organlari	Baholash tashkilotining obyekt qiymatini baholash hisobotida hamda baholash to‘g‘risidagi hisobotining ishonchliligi ekspertizasini o‘tkazish natijalari to‘g‘risida ekspert xulosasida aniqlangan miqdorda obyektlarni sotish to‘g‘risida buyruq chiqarish. Obyektlarni sotish holatlarida, investitsion majburiyatlarning minimal qiymati miqdori Davlat komissiyasi yoki hududiy tanlov komissiyasining qarori bilan belgilanadi. Obyektni ijaraga berish holatlarida, tayanch stavkasi belgilangan tartibda aniqlanadi.	Davlat mulki obyektlarini xususiylashtirish to‘g‘risida hujjatlar to‘plamini ijobiy ko‘rib chiqishdan keyin 10 kun ichida. Obyektni ijaraga beruvchi va balansda saqlovchi tomonidan imzolangan xatlovdan o‘tkazish dalolatnomasi asosida 5 kun ichida.

2-bosqich	Agentlik, uning hududiy organlari	Operator bilan savdolarni tashkil etish xizmatlarini ko‘rsatish yuzasidan shartnomani tuzish.	Xizmat ko‘rsatish shartnomasida ko‘rsatilgan muddatlarda.

	Agentlik, uning hududiy organlari, savdolar operatori	OAV da va Agentlik veb-saytida elektron savdolarni o‘tkazish (auksion yoki tanlov) to‘g‘risida e’lonni joylashtirish, sotish (ijaraga berish) uchun taklif etilgan obyektlar to‘g‘risida ma’lumotni oshkor etish.	Elektron savdolar, auksion (tanlov) o‘tkazilishidan kamida 30 kun (sotishda) yoki 15 kun (ijaraga berishda) oldin.

	Savdolar operatori	Savdolar tashkilotchisi tomonidan elektron savdolarda ishtirok etish uchun arizalarni qabul qilish.	Savdolarni o‘tkazish to‘g‘risida e’londa ko‘rsatilgan muddatlarda.

(1-ilova O‘zbekiston Respublikasi Vazirlar Mahkamasining 2023-yil 3-apreldagi 139-sonli qarori tahririda — Qonunchilik ma’lumotlari milliy bazasi, 04.04.2023-y., 09/23/139/0190-son)

Davlat mulki obyektlarini sotish va davlat mulkini ijaraga berish bo‘yicha elektron savdolar o‘tkazish uchun materiallar tayyorlash tartibi to‘g‘risidagi nizomga
2-ILOVA

Sotiladigan davlat ulushi to‘g‘risida

MA’LUMOT

T/r	Ko‘rsatkich	Haqiqiy qiymati
1.	Jamiyat nomi
2.	Jamiyat STIR
3.	Jamiyat manzili
4.	Ustav kapitali (mln.so‘m)
5.	Jamiyatning ustav fondidagi davlat ulushi (%)
6.	Jamiyatning ustav fondidagi sotiladigan davlat ulushi (%)
7.	Sotiladigan ulushning narxi (ming so‘m)
8.	Yer uchastkasining egallagan umumiy maydoni (ga)
9.	Binolar va inshootlarning egallagan umumiy maydoni (kv.m)
9.1.	shu jumladan, qurilishi tugallanmagan
10.	Asosiy fondlarning balans qiymati (mln so‘m)
11.	Asosiy fondlarning eskirishi (%)
12.	Aylanma aktivlar (mln so‘m)
13.	Debitorlik qarzdorligi (mln so‘m)
14.	Kreditorlik qarzdorligi (mln so‘m)
15.	Sof foyda (zarar) (+/- mln so‘m)
16.	Ishchilarning o‘rtacha yillik soni (kishi)

Davlat mulki obyektlarini sotish va davlat mulkini ijaraga berish bo‘yicha elektron savdolar o‘tkazish uchun materiallar tayyorlash tartibi to‘g‘risidagi nizomga
3-ILOVA

Sotiladigan ko‘chmas mulk obyekti to‘g‘risida

MA’LUMOT

T/r	Ko‘rsatkich	Haqiqiy qiymati
1.	Nomi
2.	Joylashuvi
3.	Balansda saqlovchining nomi
4.	Yer uchastkasining egallagan umumiy maydoni (ga)
5.	Binolar va inshootlarning egallagan umumiy maydoni (kv.m)
6.	Qurilgan yili
7.	Asosiy faoliyat turi
8.	Kommunikatsiyalar bilan ta’minlanganligi
8.1.	Suv
8.2.	Gaz
8.3.	Elektr energiyasi
8.4.	Kanalizatsiya tarmog‘i
9.	Sotiladigan obyektning narxi (ming so‘m)

Davlat mulki obyektlarini sotish va davlat mulkini ijaraga berish bo‘yicha elektron savdolar o‘tkazish uchun materiallar tayyorlash tartibi to‘g‘risidagi nizomga
4-ILOVA

Ijaraga beriladigan davlat ko‘chmas mulk obyekti to‘g‘risida

MA’LUMOT

T/r	Ko‘rsatkich	Haqiqiy qiymati
1.	Nomi
2.	Joylashuvi
3.	Balansda saqlovchining nomi
4.	Binolar va inshootlarning egallagan umumiy maydoni (kv.m)
5.	Ijaraga beriladigan obyektning maydoni (kv.m)
6.	Qurilgan yili
7.	Asosiy faoliyat turi
8.	Kommunikatsiyalar bilan ta’minlan�anligi
8.1.	Suv
8.2.	Gaz
8.3.	Elektr energiyasi
8.4.	Kanalizatsiya tarmog‘i
9.	Ijara haqining tayanch stavkasi
		”.

5. Vazirlar Mahkamasining “Tashqi reklamani joylashtirish sohasidagi faoliyatni yanada takomillashtirish chora-tadbirlari to‘g‘risida” 2018-yil 30-avgustdagi 702-son qarorining 1-bandi uchinchi, to‘rtinchi va sakkizinchi xatboshilarida hamda 2-bandi birinchi xatboshidagi “E-ijro auksion” yagona elektron savdo maydonchasida” so‘zlari “E-auksion” elektron savdo platformasida” so‘zlari bilan almashtirilsin.

6. Vazirlar Mahkamasining “Sanitariya jihatidan tozalash sohasida xizmatlar ko‘rsatish faoliyatini amalga oshirish uchun hududlarni biriktirish tartibini takomillashtirish chora-tadbirlari to‘g‘risida” 2018-yil 25-sentabrdagi 765-son qarorida:

a) 1-bandning ikkinchi xatboshidagi “tadbirkorlik subyektlariga biriktirish” so‘zlaridan keyin “uchun materiallar tayyorlash” so‘zlari qo‘shilsin;

b) 2-bandning uchinchi xatboshidagi “E-ijro auksion” yagona elektron savdo maydonchasi” so‘zlari “E-auksion” elektron savdo platformasi” so‘zlari bilan almashtirilsin;

v) Maishiy chiqindilarni to‘plash va olib chiqish bo‘yicha xizmatlar ko‘rsatishni tashkil etish maqsadida hududlarni tadbirkorlik subyektlariga biriktirish uchun materiallar tayyorlash tartibi to‘g‘risidagi nizom quyidagi tahrirda bayon etilsin:

“Maishiy chiqindilarni to‘plash va olib chiqish bo‘yicha xizmatlar ko‘rsatishni tashkil etish maqsadida hududlarni tadbirkorlik subyektlariga biriktirish uchun materiallar tayyorlash tartibi to‘g‘risida nizom

1-bob. Umumiy qoidalar

1. Ushbu Nizom maishiy chiqindilarni to‘plash va olib chiqish bo‘yicha xizmatlar ko‘rsatishni tashkil etish maqsadida hududlarni tadbirkorlik subyektlariga nol stavkadan boshlanuvchi “E-auksion” elektron savdo platformasi orqali elektron tanlov (keyingi o‘rinlarda — elektron tanlov) yo‘li bilan biriktirish uchun materiallar tayyorlash tartibini belgilaydi.

Ushbu Nizom hududlarni O‘zbekiston Respublikasi Prezidenti va O‘zbekiston Respublikasi Vazirlar Mahkamasi qarorlariga muvofiq biriktirish holatlariga tatbiq etilmaydi.

2. Ushbu Nizomda quyidagi asosiy tushunchalardan foydalaniladi:

“E-auksion” elektron savdo platformasi — elektron tanlovlarni tashkil etish va o‘tkazish uchun zarur axborotni kiritish, saqlash va qayta ishlash, shuningdek, xohlovchi shaxslarning elektron tanlovlar jarayonlariga bevosita kirish va ishtirok etish imkonini ta’minlaydigan axborot tizimi;

hududni biriktirish — tanlov asosida tadbirkorlik subyektlariga ma’lum bir hududda maishiy chiqindilarni to‘plash va olib chiqish bo‘yicha xizmatlar ko‘rsatishni tashkil etish huquqini berish;

xabarnoma — Internet jahon axborot tarmog‘ida, shu jumladan, buyurtmachining veb-saytlariga joylashtiriladigan “E-auksion” elektron savdo platformasida kelgusida o‘tkaziladigan elektron tanlov haqidagi ma’lumot;

tanlov taklifi — tanlov hujjatida belgilangan shartlarga muvofiq maishiy chiqindilarni to‘plash va olib chiqish xizmatlarini ko‘rsatish bo‘yicha faoliyatni amalga oshirishga taklif;

operator — “E-auksion” elektron savdo platformasida elektron tanlovlarni tashkil etish va o‘tkazishga vakolatli bo‘lgan O‘zbekiston Respublikasi Davlat aktivlarini boshqarish agentligi huzuridagi “Elektron onlayn-auksionlarni tashkil etish markazi” davlat unitar korxonasi;

ariza beruvchi — belgilangan tartibda ro‘yxatdan o‘tgan va taklif etilgan shartlarga muvofiq elektron tanlovda ishtirok etish uchun ariza bergan tadbirkorlik subyekti (yuridik shaxs);

hudud — maishiy chiqindilarni to‘plash va olib chiqish xizmatlarini ko‘rsatish bo‘yicha elektron tanlovga qo‘yiladigan zona (shahar, tuman, tuman markazi, qishloq va boshqa aholi punktlari).

3. Elektron tanlovlarni tashkil etish va o‘tkazish, shuningdek, hududlarni biriktirish uchun materiallar tayyorlash ushbu Nizomga 1-ilovaga muvofiq sxema bo‘yicha amalga oshiriladi.

2-bob. Ariza beruvchilarga qo‘yiladigan umumiy talablar

4. Ariza beruvchi quyidagi majburiy talablarga muvofiq bo‘lishi kerak:

yuridik shaxs sifatida davlat ro‘yxatidan o‘tganligi;

tanlov hujjatlariga muvofiq hududga to‘liq xizmat ko‘rsatish uchun yuk tashish quvvatini ta’minlab beradigan, talab etiladigan miqdordagi texnik soz chiqindi tashish mashinalarining mavjudligi;

yuklarni tashish faoliyatini amalga oshirish huquqi uchun amaldagi litsenziya va arizada ko‘rsatilgan har bir transport vositasiga litsenziya kartochkasining mavjudligi (O‘zbekiston Respublikasi Prezidenti yoki O‘zbekiston Respublikasi Vazirlar Mahkamasining qarorlari bilan tashkil etilgan davlat unitar korxonalari va muassasalari bundan mustasno);

buyurtma taqdim etilishi sanasida ariza beruvchiga nisbatan tugatish jarayoni o‘tkazilishining mavjud emasligi;

buyurtma taqdim etilishi sanasida sud organlarining ariza beruvchining nochor (bankrotligi) va/yoki faoliyatini to‘xtatish to‘g‘risidagi qarorining mavjud emasligi.

5. Ariza beruvchi:

elektron tanlovda ishtirok etish uchun boshqa hududlarda maishiy chiqindilarni to‘plash va olib chiqish uchun foydalanishda bo‘lgan chiqindi tashish mashinalarini ko‘rsatgan holda ariza berishga;

tanlov taklifiga avvalgi elektron tanlovlar natijasi bo‘yicha ushbu Nizomga muvofiq unga biriktirilgan hudud uchun arizada ko‘rsatilgan aynan o‘sha chiqindi tashish mashinalarini kiritishga haqli emas (hududni biriktirish muddatining yakunlanishi yoki ariza beruvchining ushbu hududdagi faoliyati to‘xtatilishi hollari bundan mustasno).

3-bob. Elektron tanlovni o‘tkazish uchun zarur materiallarni tayyorlash tartibi

6. Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari elektron tanlov buyurtmachisi hisoblanadilar (keyingi o‘rinlarda — buyurtmachi).

7. Buyurtmachi:

tanlov hujjatlarini tasdiqlaydi;

operator bilan elektron tanlov o‘tkazish bo‘yicha xizmat ko‘rsatishga shartnoma tuzadi.

8. O‘zbekiston Respublikasi Ekologiya va atrof-muhitni muhofaza qilish davlat qo‘mitasining hududiy organlari huzuridagi Sanitar tozalash xizmatlarini tashkil etish markazi (keyingi o‘rinlarda — Sanitar tozalash markazi) buyurtmachining ishchi organi hisoblanadi va quyidagi vazifalarni bajaradi:

a) quyidagilarni o‘z ichiga oluvchi tanlov hujjatlarini tayyorlaydi:

hududlar ro‘yxati (ikki va undan ortiq hudud mavjud bo‘lganda);

ushbu Nizomga 2-ilovaga muvofiq shakl bo‘yicha elektron tanlovga qo‘yilayotgan har bir hududning pasporti;

elektron tanlovlar g‘oliblarining chiqindi to‘plash shoxobchalarida va tutash hududda lozim darajadagi tozalikni ta’minlash, shuningdek, maishiy chiqindilarni mustaqil ravishda saralashni amalga oshirish, sanitariya jihatidan tozalash infratuzilmasini yaratish yoki yaxshilashni (chiqindi to‘plash shoxobchalarini ta’mirlash, rekonstruksiya qilish va qurish, konteynerlar bilan jihozlash) nazarda tutuvchi majburiyatlari;

b) biriktirilayotgan hududda qattiq maishiy chiqindilarni to‘plash va olib chiqib ketish bo‘yicha xizmatlarning bazaviy qiymatini hisoblab chiqaradi.

Bunda qattiq maishiy chiqindilarni to‘plash va olib chiqib ketish bo‘yicha jismoniy shaxslar (aholi)ga ko‘rsatiladigan xizmatlarning bir oylik bazaviy qiymati biriktirilayotgan hududda istiqomat qiluvchi aholi soni, belgilangan tarif, majburiy to‘lovlarning o‘rtacha undirish darajasi, shuningdek, Sanitar tozalash bo‘yicha ixtisoslashtirilgan korxonalar respublika birlashmasiga ajratmalar va Sanitar tozalash markazini saqlash xarajatlaridan kelib chiqib, quyidagi formula orqali aniqlanadi:

V = N x S x K x 0,95-R

bunda:

V — jismoniy shaxslar (aholi)ga QMChlarni to‘plash va olib chiqib ketish bo‘yicha ko‘rsatiladigan xizmatlarning bir oylik bazaviy qiymati;

N — biriktirilayotgan hududda istiqomat qiluvchi va qattiq maishiy chiqindilarni to‘plash va olib chiqib ketish bo‘yicha xizmatlar uchun jismoniy shaxslar tomonidan majburiy to‘lovlarni to‘lash va hisobini yuritishning yagona elektron tizimiga kiritilgan jismoniy shaxslar (aholi)ning umumiy soni;

S — qattiq maishiy chiqindilarni to‘plash va olib chiqib ketish bo‘yicha jismoniy shaxslar (aholi)ga ko‘rsatiladigan xizmatlar uchun belgilangan tartibda tasdiqlangan tarif miqdori;

K — qattiq maishiy chiqindilarni to‘plash va olib chiqib ketish bo‘yicha xizmatlar uchun majburiy to‘lovlarning o‘rtacha undirish darajasi (Toshkent shahrida — 100 % (K=1), viloyatlar markazlarida — 90 % dan ortiq bo‘lmagan (K≤0,9), boshqa hududlarda — 80 % dan ortiq bo‘lmagan (K≤0,8));

0,95 — baravarlik koeffitsiyenti (Sanitar tozalash bo‘yicha ixtisoslashtirilgan korxonalar respublika birlashmasining bank hisobvarag‘iga 5 % miqdoridagi ajratmalar hisobi bilan);

R — Sanitar tozalash markazini saqlash uchun ajratmalar summasi;

v) hududlarni elektron tanlovga qo‘yish uchun buyurtmachi nomidan avtomatlashtirilgan axborot tizimi orqali operatorga elektron buyurtma yuboradi.

Ishchi organ qonunchilik hujjatlariga muvofiq boshqa funksiyalarni ham bajaradi.

9. Buyurtmaga tanlov hujjatlari nusxasi ilova qilinadi.

10. Elektron tanlov o‘tkazish bo‘yicha xizmat ko‘rsatish shartnomasiga bir vaqtning o‘zida bir nechta hududlar kiritilishi mumkin.

11. “E-auksion” elektron savdo platformasida elektron tanlovlar O‘zbekiston Respublikasi Vazirlar Mahkamasi qarori bilan belgilangan tartibda hamda operator va buyurtmachi o‘rtasida tuzilgan shartnoma asosida tashkil etiladi va o‘tkaziladi.

12. Elektron tanlov o‘tkazish haqidagi xabarnomada quyidagi ma’lumotlar bo‘lishi zarur:

ushbu Nizomning 4 va 5-bandlarida ariza beruvchilar uchun ko‘rsatilgan majburiy talablar va cheklovlar;

ushbu Nizomga 2-ilovaga muvofiq elektron tanlovga qo‘yilayotgan hududning pasporti;

tanlov hujjatlariga muvofiq elektron tanlov g‘oliblarining majburiyatlari;

elektron tanlovda ishtirok etish uchun ushbu Nizomga 3-ilovaga muvofiq ariza shakli;

ushbu Nizomga 4-ilovaga muvofiq tanlov taklifi shakli;

ariza beruvchilar tomonidan ushbu Nizomning 13-bandi talablariga muvofiq ilova qilinishi kerak bo‘lgan hujjatlar ro‘yxati.

13. Elektron tanlovda ishtirok etish uchun ariza elektron ko‘rinishda, tanlov taklifini to‘ldirgan holda beriladi.

Arizaga quyidagi hujjatlarning elektron (skaner qilingan) nusxalari ilova qilinadi:

yuklarni tashish faoliyatini amalga oshirish huquqi uchun amaldagi litsenziya va arizada ko‘rsatilgan har bir transport vositasiga litsenziya kartochkasi (O‘zbekiston Respublikasi Prezidenti yoki O‘zbekiston Respublikasi Vazirlar Mahkamasining qarorlari bilan tashkil etilgan davlat unitar korxonalari va muassasalari bundan mustasno);

tanlov taklifida ko‘rsatilgan har bir transport vositasiga transport vositasining ro‘yxatdan o‘tkazilganligi to‘g‘risidagi guvohnoma (texnik pasport, texnik talon) nusxasi;

chiqindi tashish mashinalari harakatini real vaqt rejimida avtomatlashtirilgan kuzatish tizimi (GPS)ni joriy qilish va unga xizmat ko‘rsatish yuzasidan shartnoma nusxasi;

ishlab chiqarish bazasi (avtopark, garaj)ning ijara shartnomasi nusxasi (agar xususiy ishlab chiqarish bazasi mavjud bo‘lmasa).

14. Tanlov taklifi elektron tanlov ishtirokchilari tomonidan ushbu Nizomga 4-ilovaga muvofiq shaklda “E-auksion” elektron savdo platformasi orqali taqdim etiladi.

15. Tanlov takliflarini baholash va elektron tanlov g‘olibini aniqlash ushbu Nizomga 5-ilovaga muvofiq tanlov takliflarini baholash shakli bo‘yicha “E-auksion” elektron savdo platformasida avtomatik tarzda amalga oshiriladi.

4-bob. Hududlarni biriktirish tartibi

16. Buyurtmachi bayonnoma kelib tushgan kundan boshlab o‘n ish kun mobaynida elektron tanlov g‘olibi bilan 5 yildan kam bo‘lmagan muddatga maishiy chiqindilarni to‘plash va olib chiqib ketish xizmatlarini ko‘rsatish to‘g‘risida shartnoma tuzadi.

17. Operator tomonidan elektron tanlov o‘tkazilmagan deb e’tirof etilganligi bo‘yicha xabarnoma kelib tushganda, buyurtmachi, tegishli ravishda Qoraqalpog‘iston Respublikasi va viloyatlar “Toza hudud” yoki Toshkent shahar “Maxsustrans” davlat unitar korxonalari bilan maishiy chiqindilarni to‘plash va olib chiqib ketish xizmatlarini ko‘rsatish to‘g‘risida shartnoma tuzishga haqli.

18. Elektron tanlov g‘oliblari maishiy chiqindilarni to‘plash va olib chiqib ketish xizmatlarini ko‘rsatish to‘g‘risida shartnoma tuzilgan kundan boshlab besh ish kuni mobaynida qonunchilik hujjatlarida belgilangan tartibda maishiy chiqindilarni to‘plash va olib chiqish bo‘yicha xizmatlarni ko‘rsatishga kirishadilar.

5-bob. Maishiy chiqindilarni to‘plash va olib chiqish bo‘yicha xizmatlar ko‘rsatilishi yuzasidan davlat va jamoatchilik nazorati

19. O‘zbekiston Respublikasi Ekologiya va atrof-muhitni muhofaza qilish davlat qo‘mitasining davlat ekologik nazoratini amalga oshiruvchi mansabdor shaxslari maishiy chiqindilarni to‘plash va olib chiqish bo‘yicha faoliyatning amalga oshirilishi yuzasidan doimiy nazoratni amalga oshiradilar.

20. Ommaviy axborot vositalari, fuqarolarning o‘zini o‘zi boshqarish organlari, nodavlat notijorat tashkilotlari va O‘zbekiston Respublikasi fuqarolari qattiq maishiy chiqindilarni olib chiqish jadvalining bajarilishi, maxsus avtotransport vositasining belgilangan hududga o‘z vaqtida yetib kelishi va maishiy chiqindilarning olib ketilishi yuzasidan jamoatchilik nazoratini amalga oshiradilar.

6-bob. Yakunlovchi qoida

21. Ushbu Nizom talablari buzilishida aybdor bo‘lgan shaxslar belgilangan tartibda javob beradilar.

Maishiy chiqindilarni to‘plash va olib chiqish bo‘yicha xizmatlar ko‘rsatishni tashkil etish maqsadida hududlarni tadbirkorlik subyektlariga biriktirish uchun materiallar tayyorlash tartibi to‘g‘risidagi nizomga
1-ILOVA

Elektron tanlovlarni tashkil etish va o‘tkazish, shuningdek, hududlarni biriktirish uchun materiallar tayyorlash

SXEMASI

Bosqichlar	Subyektlar	Tadbirlar	Bajarish muddatlari
Bosqichlar	Subyektlar	Tadbirlar	Bajarish muddatlari

1-bosqich	Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari (keyingi o‘rinlarda buyurtmachi deb ataladi)	1. Tanlov hujjatlarini tayyorlash.	1. Zaruratga ko‘ra yoki hududni biriktirish muddatining yakunlanishidan 2 oy oldin.
		2. Tanlov hujjatlarini tasdiqlash.	2-3. Elektron tanlovni e’lon qilish sanasiga qadar.
		3. “Elektron onlayn-auksionlarni tashkil etish markazi” DUK (keyingi o‘rinlarda operator deb ataladi) bilan elektron tanlovlarni o‘tkazish bo‘yicha xizmat ko‘rsatishga shartnoma tuzish.	2-3. Elektron tanlovni e’lon qilish sanasiga qadar.
		4. Hududlarni elektron tanlovga qo‘yish uchun operatorga elektron buyurtma berish.	4. Elektron tanlovni e’lon qilish sanasiga qadar.
		5. Elektron tanlov o‘tkazilishi haqida veb-saytga ma’lumot joylashtirish.	5. Xabarnoma operatorning veb-portaliga joylashtirilgan kunda.

2-bosqich	“Elektron onlayn-auksionlarni tashkil etish markazi” DUK	1. Elektron tanlov o‘tkazilishi haqida veb-portalga xabarnoma joylashtirish.	1. Buyurtmachining elektron buyurtmasi qabul qilib olingan kundan so‘ng 1 ish kuni mobaynida va elektron tanlov o‘tkazish kunidan kamida 30 kalendar kun oldin.
2-bosqich	“Elektron onlayn-auksionlarni tashkil etish markazi” DUK	2. Talabgorlardan elektron arizalarni qabul qilish.	2. Xabarnoma joylashtirilgandan boshlab tanlov o‘tkazilishi belgilangan kun soat 9-00 ga qadar “E-auksion” elektron savdo platformasi orqali qabul qilinadi.

3-bosqich	Ariza beruvchi	1. Veb-portalda ro‘yxatdan o‘tish.	1-2. Elektron tanlovda ishtirok etish uchun ariza berish sanasiga qadar.
		2. Shaxsiy hisobvaraqni zakalat pulini o‘tkazishga talab etiladigan miqdordagi pul mablag‘lari bilan to‘ldirish.
		3. Ariza berish.	3. Xabarnoma joylashtirilgandan boshlab tanlov o‘tkazilishi belgilangan kun soat 9-00 ga qadar “E-auksion” elektron savdo platformasi orqali qabul qilinadi.

4-bosqich	Elektron tanlov g‘olibi	6. Bayonnomani taqdim etgan holda maishiy chiqindilarni to‘plash va olib chiqib ketish xizmatlarini ko‘rsatish �o‘g‘risida shartnoma tuzish uchun buyurtmachiga murojaat qilish.	Bayonnoma rasmiylashtirilgan bundan boshlab 10 ish kun mobaynida.

5-bosqich	Buyurtmachi	Tanlov g‘olibi bilan maishiy chiqindilarni to‘plash va olib chiqib ketish xizmatlarini ko‘rsatish to‘g‘risida shartnoma tuzish.	Bayonnoma rasmiylashtirilgan kundan boshlab 10 ish kun mobaynida.


I. Elektron tanlovga qo‘yilayotgan hudud pasporti
1. ______________________________________________________________ viloyati 2. ____________________________________________tumani (qishloq va boshqalar) 3. Aholi soni — ____ ming kishi, shu jumladan: ko‘p kvartirali uylarda — _________________ ming kishi yakka tartibdagi turar joy sektorida — _________________ ming kishi 4. Yuridik shaxslar soni: — _________________ ta, shundan: budjet tashkilotlari — _________________ ta, shu jumladan: maktabgacha ta’lim muassasalari (tarbiyalanuvchilar soni) — _______ta (______ kishi) maktablar, kollejlar, oliy ta’lim muassasalari va boshqa o‘quv muassasalari — _______ta (______ kishi) shifoxonalar, sanatoriylar, pansionatlar, boshqa davolash-profilaktika muassasalari va boshqalar — ___ta ____yotoq o‘rni) 5. Qattiq maishiy chiqindilar (QMCh)ning sutkalik to‘planish hajmi_________________ kg, _______________ m³ 6. Bir kunda hududga to‘liq xizmat ko‘rsatishni ta’minlab berish uchun talab etiladigan chiqindi tashish mashinalarining yuk tashish quvvati ______________ m³ 7. Hududni elektron tanlov g‘olibiga biriktirish muddati _________________ yil 8. QMChlarni to‘plash va olib chiqib ketish bo‘yicha xizmatlarning bazaviy qiymati: jismoniy shaxslar (aholi)ga QMChlarni to‘plash va olib chiqib ketish bo‘yicha ko‘rsatiladigan xizmatlarning bazaviy qiymati bir oyga __ so‘m; yuridik shaxslar va yakka tartibdagi tadbirkorlarga xizmat ko‘rsatishda bazaviy tarif ____________ so‘m (1 m³ QMChlarni olib chiqish uchun)**. 9. Elektron tanlovga qo‘yilayotgan hududga kiruvchi fuqarolar yig‘ini, ko‘chalar, mavzelar va uylar ro‘yxati:
T/r	Nomi	Ko‘p kvartirali va yakka tartibdagi turar uylar
1.	Fuqarolar yig‘ini______________________________ ___________________________ ko‘cha_____________________________ Mavze____________________________	a) ko‘p kvartirali uylar: raqamlari — № ___, № ___, № ___, …; aholi soni — ______ ming kishi; b) chiqindi to‘plash shoxobchalari soni ____ ta, shu jumladan: namunaviy (qo‘riqlanadigan) ____ ta; modulli (qo‘riqlanmaydigan) ____ ta; v) konteynerlar soni ____ ta; g) “signal” usulida xizmat ko‘rsatiladigan yakka tartibdagi uylar: raqamlari — № ___, № ___, № ___, …; aholi soni — ______ ming kishi.
2.
...
10. Quyidagilar: a) chiqindi to‘plash shoxobchalari bo‘yicha: ____ ta chiqindi to‘plash shoxobchalarini ta’mirlash; ____ ta chiqindi to‘plash shoxobchalarini rekonstruksiya qilish; ____ ta chiqindi to‘plash shoxobchalarini qurish; b) chiqindi to‘plash shoxobchalarini ____ ta konteynerlar bilan jihozlash talab etiladi.

II. Tanlov takliflarini baholash mezonlari

T/r	Mezonlar nomi
1.	Ishlab chiqarish bazasining (avtopark, garaj) mavjudligi
2.	Xizmat ko‘rsatiladigan aholi sonidan kelib chiqqan holda chiqindi tashish mashinalarining yuk tashish quvvati
3.	Chiqindi tashish mashinalarining ishlab chiqarilgan yiliga ko‘ra ulardan necha yil foydalanilganligi
4.	Chiqindi tashish mashinalari harakatini real vaqt rejimida avtomatlashtirilgan kuzatish tizimi (GPS)ning mavjudligi
5.	QMChlarni to‘plash va olib chiqib ketish bo‘yicha xizmatlarning bazaviy qiymatidan jismoniy shaxslar (aholi)ga QMChlarni to‘plash va olib chiqib ketish bo‘yicha bir oylik xizmatlarning past qiymati bo‘yicha taklif
6.	Yuridik shaxs va yakka tartibdagi tadbirkorlarga QMChlarni to‘plash va olib chiqib ketish bo‘yicha xizmatlar ko‘rsatishga bazaviy tarifdan past tarif bo‘yicha taklif


Elektron tanlovda ishtirok etish uchun ARIZA

1. __________________________________________________________________________________________
(yuridik shaxsning to‘liq �omi)
STIR __________________________________ Davlat ro‘yxatidan o‘tkazish raqami: ___________________________________________________________________________________ Joylashgan joyi (pochta manzili): ___________________________________________________________________________________ Elektron pochta manzili: ___________________________________________________________________________________ Telefon va faks raqami (agar mavjud bo‘lsa): ___________________________________________________________________________________,
(mamlakat va shahar kodini ko‘rsatgan holda)
elektron tanlovni o‘tkazish haqidagi xabarnomani va Maishiy chiqindilarni to‘plash va olib chiqish bo‘yicha xizmatlar ko‘rsatilishini tashkil etish maqsadida hududlarni tadbirkorlik subyektlariga biriktirish uchun materiallar tayyorlash tartibi to‘g‘risidagi nizom (keyingi o‘rinlarda Nizom deb ataladi) bilan tanishib 20____ yil “___” _______da soat ______da __________ saytida bo‘lib o‘tadigan elektron tanlovda qatnashish uchun ushbu arizani qabul qilishingizni so‘raydi. Lot raqami: № ________________________ Lotning nomlanishi: ______________________________________________________
2. Ushbu bilan:
a)__________________________________________________________________________________________:
(yuridik shaxsning to‘liq nomi)
yuridik shaxs sifatida davlat ro‘yxatidan o‘tkazilganligi to‘g‘risidagi guvohnomaga ega ekanligini; tanlov hujjatlariga muvofiq hududga to‘liq xizmat ko‘rsatish uchun yuk tashish quvvatini ta’minlab beradigan, talab etiladigan miqdordagi texnik soz chiqindi �ashish mashinalariga ega ekanligini; yuklarni tashish faoliyatini amalga oshirish huquqi uchun amaldagi litsenziya va arizada ko‘rsatilgan har bir transport vositasi uchun litsenziya kartochkasiga ega ekanligini (O‘zbekiston Respublikasi Prezidenti yoki O‘zbekiston Respublikasi Vazirlar Mahkamasi qarorlari bilan tashkil etilgan davlat unitar korxonalari va muassasalari bundan mustasno); tugatish, bankrot deb topish yoki faoliyatini to‘xtatish jarayonida emasligini tasdiqlayman; b) quyidagilar to‘g‘risida ogohlantirildi: ushbu arizada ko‘rsatilgan ma’lumotlar ishonchsizligi hollarida elektron tanlov natijalari haqiqiy emas deb e’tirof etilishi va jismoniy va yuridik shaxslarga maishiy chiqindilarni to‘plash va olib chiqish bo‘yicha xizmatlarni ko‘rsatishga shartnomani bekor qilish hamda buyurtmachi tomonidan elektron tanlov natijalari bo‘yicha hududni biriktirish to‘g‘risida qabul qilingan qarorni bekor qilish yuzasidan qaror qabul qilishga asos bo‘lishi mumkinligi; Shuningdek, elektron tanlov g‘olibi deb e’tirof etilgan, shu jumladan, jismoniy va yuridik shaxslarga maishiy chiqindilarni to‘plash va olib chiqish bo‘yicha xizmatlarni ko‘rsatishga shartnoma tuzishni rad etish yoki bosh tortish holatida o‘tkazilgan zakalat puli summasi qaytarilmaydi. 3. Elektron tanlovda qatnashishga ushbu arizani taqdim qilib, Nizomdagi elektron tanlovni o‘tkazish shartlariga roziligimni tasdiqlayman. 4. Elektron tanlov g‘olibi deb e’tirof etilgan taqdirda, buyurtmachining hududni elektron tanlov g‘olibiga biriktirish to‘g‘risidagi qarori qabul qilingan kundan boshlab besh ish kunidan kechiktirmay maishiy chiqindilarni to‘plash va olib chiqish bo‘yicha xizmatlar ko‘rsatilishini o‘z zimmamga olaman. 5. “E-auksion” elektron savdo platformasi operatori tomonidan yuborilgan barcha xatlarni quyidagi elektron pochta manzili orqali olishni rasman ma’lum qilaman
____________________________________________________________________________________________
(elektron pochta manzili)
“E-auksion” elektron savdo platformasi operatori tomonidan mazkur elektron pochta manziliga yuborilgan xatlar ular yuborilgan vaqtda rasman qabul qilib olingan deb hisoblanishini va “E-auksion” elektron savdo platformasi mazkur xatlarning o‘z vaqtida o‘qilmaganligining oqibatlari uchun javob bermasligini tasdiqlayman. 6. Zakalat puli summasini qaytarish uchun _________________________________________________________________________ning bank rekvizitlari
(yuridik shaxsning to‘liq nomi)

Bank nomi Bank MFOsi Bank hisobvarag‘i №		_________________________________________________________________________ _________________________________________________________________________ _________________________________________________________________________
7. Arizaga quyidagi hujjatlar ilova qilinadi: yuklarni tashish faoliyatini amalga oshirish huquqi uchun litsenziya nusxasi va tanlov takliflarida ko‘rsatilg�n har bir transport vositasiga va maxsus texnikaga litsenziya kartochkalari (O‘zbekiston Respublikasi Prezidenti yoki O‘zbekiston Respublikasi Vazirlar Mahkamasining qarorlari bilan tashkil etilgan davlat unitar korxonalari va muassasalari bundan mustasno); tanlov taklifida ko‘rsatilgan har bir transport vositasi ro‘yxatdan o‘tkazilganligi to‘g‘risidagi guvohnoma (texnik pasport, texnik talon) nusxasi; chiqindi tashish mashinalari harakatini real vaqt rejimida avtomatlashtirilgan kuzatish tizimi (GPS)ni joriy qilish va unga xizmat ko‘rsatish yuzasidan shartnoma nusxasi; ishlab chiqarish bazasi (avtopark, garaj)ning ijara shartnomasi nusxasi (agar xususiy ishlab chiqarish bazasi mavjud bo‘lmasa). _____________________________________________________________________________ To‘ldirilgan sana _______________________________________ Ariza beruvchining ERIsi __________________________________

Tanlov taklifi
I. Ishlab chiqarish bazasining mavjudligi to‘g‘risidagi ma’lumotlar

Ishlab chiqar�sh obyektining nomi

Ishlab chiqarish obyektining joylashgan joyi

Egallagan hudud maydoni

Ishlab chiqarish obyektining mol-mulki

Avtopark (garaj)

II. Chiqindi tashish mashinalarining yuk tashish quvvati to‘g‘risidagi ma’lumotlar

T/r

Rusumi

Yuk ko‘tarish quvvati (kg)

Parkdan foydalanish koeffitsiyenti hisobi bilan yuk ko‘tarish quvvati (kg) (3-ustun x 0,75*)

Bir kunlik qatnovlar soni

Yuk tashish quvvati (m³) (4-ustun x 5-ustun) / 445**

Aholiga xizmat ko‘rsatish quvvati (kishi) (4-ustun /1,17*** x5-ustun)

ISUZU

3 000

2 250

3 846

MAN

6 000

4 500

7 692

…

Jami

11 538

III. Chiqindi tashish mashinalarining ishlab chiqarilgan yiliga qarab ulardan necha yil foydalanilganligi

T/r

Rusumi

Ishlab chiqarilgan yili

Davlat raqami

...

IV. Abonentlar hisobini yuritish bo‘yicha avtomatlashtirilgan tizimning mavjudligi to‘g‘risida ma’lumot

T/r

Dasturiy ta’minotning nomi

Dasturiy ta’minot joriy qilingan sana

Dasturiy ta’minotni joriy qilish va unga xizmat ko‘rsatishga shartnoma

shartnoma raqami va sanasi

shartnoma muddatining tugash sanasi

...

V. Chiqindi tashish mashinalari harakatini real vaqt rejimida avtomatlashtirilgan kuzatish tizimi (GPS)ning mavjudligi to‘g‘risida ma’lumot

T/r

Nazorat tizimining nomi

Nazorat tizimi joriy qilingan sana

Chiqindi tashish mashinalari harakatini real vaqt rejimida avtomatlashtirilgan kuzatish tizimi (GPS)ni joriy qilish va unga xizmat ko‘rsatishga shartnoma

shartnoma raqami va sanasi

shartnoma muddatining tugash sanasi

VI. Maishiy chiqindilarni to‘plash va olib chiqib ketish bo‘yicha taklif etilayotgan xizmatlar qiymati to‘g‘risida ma’lumotlar

T/r

Tarif

Tarif miqdori

QMChlarni to‘plash va olib chiqish bo‘yicha jismoniy shaxslar (aholi)ga ko‘rsatiladigan xizmatlarning bir oylik bazaviy qiymati

______________ so‘m.

Yuridik shaxslar va yakka tartibdagi tadbirkorlarga xizmat ko‘rsatishda 1 m³ QMChlarni olib chiqish uchun

______________ so‘m.

Sana _______________________________________

Ariza beruvchining ERIsi _______________________________________

Tanlov takliflarini baholash mezonlari

T/r	Mezonlar nomi	Ballar
	Jami	100
	shu jumladan:
1.	Ishlab chiqarish bazasining (avtopark, garaj) mavjudligi*	20
2.	Xizmat ko‘rsatiladigan aholi sonidan kelib chiqqan holda chiqindi tashish mashinalarining yuk tashish quvvati:	20
	5000 kishiga qadar	5
	5 001 kishidan 10 000 kishiga qadar	10
	10 001 kishidan 20 000 kishiga qadar	15
	20 000 kishidan ortiq	20
3.	Chiqindi tashish mashinalarining ishlab chiqarilgan yiliga bog‘liq ravishda ulardan necha yil foydalanilganligi**	30
	3 yilgacha (3 yil ham qo‘shilgan holda	30
	3 yildan 5 yilgacha	25
	5 yildan 10 yilgacha	15
	10 yildan ortiq	10
4.	Chiqindi tashish mashinalari harakatini real vaqt rejimida avtomatlashtirilgan kuzatish tizimi (GPS)ning mavjudligi	5
5.	QMChlarni to‘plash va olib chiqib ketish bo‘yicha xizmatlarning bazaviy qiymatidan jismoniy shaxslar (aholi)ga QMChlarni to‘plash va olib chiqib ketish bo‘yicha bir oylik xizmatlarning past qiymat taklifi	15
	5 % gacha (5% ham qo‘shilgan holda)	7
	5% dan 10 % gacha	10
	10% dan 15 % gacha	12
	15% dan ortiq	15
6.	Yuridik shaxs va yakka tartibdagi tadbirkorlarga QMChlarni to‘plash va olib chiqish bo‘yicha xizmatlar ko‘rsatishga bazaviy tarifdan past tarif bo‘yicha taklif:	10
	5 % gacha (5% ham qo‘shilgan holda)	2
	5% dan 10 % gacha	4
	10% dan 15 % gacha	8
	15% dan ortiq	10
		”.

7. Vazirlar Mahkamasining “O‘zbekiston Respublikasida mehmonxona biznesini jadal rivojlantirishga doir qo‘shimcha chora-tadbirlar to‘g‘risida” 2018-yil 24-noyabrdagi 954-son qarorining 4-bandi “a” kichik bandi beshinchi xatboshidagi “E-ijro auksion” yagona elektron savdo maydonchasiga” so‘zlari “E-auksion” elektron savdo platformasiga” so‘zlari bilan almashtirilsin.

8. Vazirlar Mahkamasining “Ekoturizmni rivojlantirish va suv omborlarining suvni muhofaza qilish zonalari doirasida yer uchastkalari ajratish tartibini takomillashtirish bo‘yicha chora-tadbirlar to‘g‘risida” 2018-yil 3-dekabrdagi 978-son qarorida:

a) 1-banddagi “E-ijro auksion” elektron savdo maydonchasi” so‘zlari “E-auksion” elektron savdo platformasi” so‘zlari bilan almashtirilsin;

b) 2-banddagi “yer uchastkalari berish” so‘zlari “yer uchastkasiga bo‘lgan ijara huquqini elektron onlayn-auksion orqali realizatsiya qilish uchun materiallarni tayyorlash” so‘zlari bilan almashtirilsin;

v) Ekoturizmni tashkil etish uchun suv omborlarining suvni muhofaza qilish zonalari doirasida yer uchastkasiga bo‘lgan huquqni auksion orqali realizatsiya qilish uchun materiallarni tayyorlash tartibi to‘g‘risidagi nizom quyidagi tahrirda bayon etilsin:

“Ekoturizmni tashkil etish maqsadida suv omborlarining suvni muhofaza qilish zonalari doirasida yer uchastkasiga bo‘lgan huquqni auksion orqali realizatsiya qilish uchun materiallar tayyorlash tartibi to‘g‘risida nizom

1-bob. Umumiy qoidalar

1. Ushbu Nizom ekoturizmni tashkil etish maqsadida suv omborlarining suvni muhofaza qilish zonalari hududida yer uchastkasiga bo‘lgan huquqni auksion orqali realizatsiya qilish uchun materiallar tayyorlash tartibini belgilaydi.

2. Ushbu Nizom talablari O‘zbekiston Respublikasi Prezidenti va O‘zbekiston Respublikasi Vazirlar Mahkamasining qarorlariga muvofiq obyektlarning muayyan turlarini qurish uchun mo‘ljallangan yer uchastkalariga nisbatan tatbiq etilmaydi.

Ushbu Nizomda suv omborlarining suvni muhofaza qilish zonalarida yer uchastkalarini foydalanishga berish masalalari ko‘zda tutilmagan bo‘lsa, O‘zbekiston Respublikasi Vazirlar Mahkamasining qarori bilan tasdiqlangan nizomga muvofiq tartibga solinadi.

3. Nizomda quyidagi asosiy tushunchalardan foydalaniladi:

“YERELEKTRON” avtomatlashtirilgan axborot tizimi (keyingi o‘rinda — “YERELEKTRON” AAT) — yer uchastkalari berish bo‘yicha materiallarni to‘plash, ko‘rib chiqish va vakolatli organlar va tashkilotlar bilan kelishish tartibotlarini amalga oshirish uchun avtomatlashtirilgan axborot tizimi;

operator — savdo platformasida auksionlarni tashkil etish va o‘tkazish vakolati berilgan “Elektron onlayn-auksionlarni tashkil etish markazi” davlat unitar korxonasi;

vakolatli tashkilotlar — Davlat kadastrlari palatasi tuman (shahar) filiallari, tuman (shahar) favqulodda vaziyatlar bo‘limlari, tuman (shahar) sanitariya-epidemiologik osoyishtalik va jamoatchilik salomatligi xizmati bo‘limlari, ekologiya va atrof-muhitni muhofaza qilish viloyat boshqarmalari, tuman (shahar) davlat soliq inspeksiyalari; tegishli hududlar va inshootlaridan rejim asosida foydalanadigan hamda ularni ekspluatatsiya qiladigan organlar va tashkilotlar;

vakolatli davlat organi — O‘zbekiston Respublikasi Suv xo‘jaligi vazirligi;

auksion ishtirokchisi — auksionda ishtirok etish uchun ariza bergan va unda ishtirok etishga ruxsat etilgan jismoniy yoki yuridik shaxs;

elektron onlayn-auksion (keyingi o‘rinlarda — auksion) — “E-auksion” elektron savdo platformasi orqali suv omborlarining suvni muhofaza qilish zonalari doirasidagi yer uchastkasini uzoq muddatga ijaraga berish huquqi realizatsiya qilinadigan auksion.

4. Ekoturizmni tashkil qilish maqsadida suv omborlarining suvni muhofaza qilish zonalari doirasida yer uchastkasiga bo‘lgan huquqni auksion orqali realizatsiya qilish uchun materiallar ushbu Nizomga 1-ilovadagi sxema bo‘yicha tayyorlanadi.

5. Yer uchastkasi materiallarini kelishish va (yoki) ular bo‘yicha xulosalar berish “YERELEKTRON” AAT orqali faqat elektron shaklda vakolatli davlat organi taqdimnomasiga ko‘ra vakolatli tashkilotlar tomonidan amalga oshiriladi.

Vakolatli organlar tomonidan yer uchastkasi materiallarini kelishish va (yoki) ular bo‘yicha xulosalar berish, shu jumladan, O‘zbekiston Respublikasi Ekologiya va atrof-muhitni muhofaza qilish qo‘mitasi organlarining ekologik ekspertizadan o‘tkaziladigan obyektlarni qurishga yer uchastkasi materiallari bo‘yicha xulosa berishi uchun to‘lov undirilmaydi.

6. Suv omborlarining suvni muhofaza qilish zonalari yer uchastkalarini uzoq muddatli ijaraga olish huquqi vakolatli davlat organining “YERELEKTRON” AAT orqali berilgan buyurtmalari bo‘yicha operator tomonidan auksionga qo‘yiladi.

Operator va tegishli davlat organi o‘rtasida tuzilgan shartnomaga muvofiq operator auksionni tashkil etish xizmatlarini ko‘rsatadi.

Yer uchastkasini uzoq muddatli ijaraga olish huquqi auksionga ushbu Nizomga muvofiq yer uchastkasi materiallarini vakolatli tashkilotlar bilan kelishuvga asosan har bir yer uchastkasi bo‘yicha alohida qo‘yiladi.

2-bob. Suv omborlarining suvni muhofaza qilish zonalari hududida ekoturizmni rivojlantirishning maqsadi va vazifalari

7. Suv omborlarining suvni muhofaza qilish zonalari doirasida ekoturizmni tashkil etishdan maqsad turizm xizmatlari doirasini kengaytirish, investitsiyalar jalb qilishni rag‘batlantirish, respublika suv omborlari doirasida dam olish uchun tegishli infratuzilmani rivojlantirish hisoblanadi.

8. Quyidagilar suv omborlarining suvni muhofaza qilish zonalari doirasida ekoturizmni rivojlantirish vazifalari hisoblanadi:

suv omborlarining suvni muhofaza qilish zonalarida turizm faoliyati subyektlarining o‘zaro hamkorligini rivojlantirish va moddiy-texnik bazasini mustahkamlashga qaratilgan turizm infratuzilmasini rivojlantirish, umumiy ovqatlanish, ko‘ngilochar, suvenir ishlab chiqarish bo‘yicha tegishli tarmoqlarni rivojlantirishga ko‘maklashish;

suv omborlarining suvni muhofaza qilish zonalari doirasida ekoturizmni rivojlantirish sohasida mahalliy ijro etuvchi organlar va fuqarolarning o‘zini o‘zi boshqarish organlari, ilmiy va ta’lim muassasalarining axborot almashuvi va biznesni muvofiqlashtirish samaradorligini oshirish;

suv omborlarining suvni muhofaza qilish zonalari doirasida ekoturizmni rivojlantirish sohasiga investitsiyalarni jalb etish uchun qulay shart-sharoitlar yaratish;

turizm xizmatlari diversifikatsiyasi va turizm mahsulotining yangi turlarini yaratish;

ekologik va ijtimoiy-madaniy xususiyatli salbiy oqibatlarni kamaytirish, atrof-muhitning ekologik barqarorligini va atrof-muhitni muhofaza qilishni ta’minlash.

9. Suv omborlarining suvni muhofaza qilish zonalari doirasida ekoturizmni rivojlantirish sohasida vakolatli davlat organining asosiy vazifalari quyidagilardir:

suv omborlarining suvni muhofaza qilish zonalari doirasida tadbirkorlik subyektlarining qiziqishini oshirish va ularning faoliyatini yo‘lga qo‘yishga jalb qilish;

suv omborlarining suvni muhofaza qilish zonalari doirasida tadbirkorlik subyektlarining faoliyatini muvofiqlashtirish;

tadbirkorlik subyektlariga davlat tomonidan va boshqa yordam olishda ko‘maklashish;

suv omborlarining suvni muhofaza qilish zonalari doirasida taqdim etilayotgan xizmatlar, turizm salohiyatini yuksaltirish xamda ekoturizm jozibadorligini oshirishga qaratilgan tadbirlarni amalga oshirish.

10. Vakolatli davlat organi quyidagilar uchun mas’ul:

tadbirkorlik subyektlarining faoliyatini yo‘lga qo‘yish va yuritish uchun shart-sharoitlar yaratishga ko‘maklashish;

tashrif buyuruvchilarning xavfsizligini ta’minlash, jamoat tartibi va tabiiy muhitni saqlashga yordam berish bo‘yicha choralar ko‘rish.

11. Imkoniyatlardan kelib chiqqan holda, suv omborlarining suvni muhofaza qilish zonalari doirasida quyidagi turizm xizmati turlari tashkil etiladi:

ekoturlar (ilmiy, sarguzasht va boshqalar);

havaskorlar uchun baliq ovi;

qayiqda suzish, suv sayohati;

suv omborlari dambalari ustida ko‘rish maydonchalari tashkil qilish va tegishli xizmat turini taqdim qilish va xavfsizlikni ta’minlash;

kemada sayohat;

yaxting;

O‘zbekiston Respublikasi Turizm va sport vazirligining hududiy boshqarmalari (keyingi o‘rinlarda — Vazirlik) bilan kelishilgan xolda turizm xizmatlarining boshqa turlari.

12. Suv omborlarining suvni muhofaza qilish zonalari doirasida ekoturizmni tashkil qilishda madaniy-sport tadbirlari, umumiy ovqatlanish xizmatlari, plyajdagi dam olish va boshqa xizmatlar tashkil qilinishi mumkin.

13. Tegishli hududlar va inshootlardan rejim asosida foydalanadigan hamda ularni ekspluatatsiya qiladigan organlar va tashkilotlar qaroriga binoan suv ombori hududi quyidagi zonalarga bo‘linishi mumkin:

suv xo‘jaligi obyektlaridan tashqari qirg‘oqbo‘yi chiziqlarda qurilishning har qanday turini olib borish, tadbirkorlik faoliyatini yuritish va turistlarning u erda bo‘lishi taqiqlangan, qat’iy muhofaza qilinadigan;

kichik guruhlarda va mas’ul shaxslar hamrohida bo‘lgan turistlarga ruxsat etilgan foydalanishi cheklangan;

turistlarning bo‘lishi va tabiiy muhitga mos keladigan tadbirkorlik faoliyati ruxsat etilgan o‘rtamiyona rejim;

turist va tadbirkorlik faoliyati faolligi cheklanmagan holda intensiv foydalanish.

14. Suv omborlarining suvni muhofaza qilish zonalari doirasidan foydalanish rejimi vakolatli davlat organi tomonidan mazkur hududlarda tadbirkorlik faoliyatni amalga oshirishni istagan tadbirkorlik subyektlariga yetkaziladi, shuningdek, rasmiy veb-saytga joylashtiriladi.

3-bob. Ekoturizmni tashkil qilish uchun suv omborlarining suvni muhofaza qilish zonasi doirasida yer uchastkalarini aniqlash tartibi

15. Suv omborlarining suvni muhofaza qilish zonalari doirasida ekoturizmni tashkil qilish uchun vakolatli davlat organi Ekologiya va atrof-muhitni muhofaza qilish davlat qo‘mitasi va Turizm va sport vazirligi bilan birgalikda har bir suv ombori bo‘yicha turizm infratuzilmasi obyektlarini joylashtirish rejasini tasdiqlaydi, jumladan, uning tarkibida:

hududning sayyohlik salohiyatini va ekoturizmni rivojlantirish uchun mavjud sharoitlarni tahlil qilish;

turizm xizmatlari infratuzilmalarini rejalashtirish;

turistik faoliyatining moliyaviy rejasini (mablag‘lar jalb etish va moliyalashtirish mexanizmlarini) ishlab chiqish;

tadbirkorlik faoliyatini yuritish va turistlarning tashrif buyurish tartibini ishlab chiqish.

16. Vakolatli davlat organiga tadbirkorlik subyektlarining suv omborlarining suvni muhofaza qilish zonalari doirasida sayyohlik infratuzilma obyektlarini qurish bo‘yicha murojaatlarini o‘rganish asosida Turizm va sport vazirligi takliflar yuboradi.

17. Uch ish kuni ichida vakolatli davlat organi vakolatli tashkilotlarga kelishish yoki ma’lumotga xulosa berish uchun va tegishli yer uchastkalari bo‘yicha quyidagi mazmundagi hujjatlarni yuboradi:

yer uchastkasiga oid qisqacha ma’lumot, jumladan, maydon (gektarda), yer uchastkasiga tegishli yer fondining kategoriyasi, mavjud qiyinchiliklar, qaysi maqsadga mo‘ljallanayotganligi, bonitet balli va boshqalar;

yer uchastkasi chegara va manzil ko‘rsatilgan holda mavjud bo‘lmasa — Google xaritada M 1:500 dan M 1:1000 gacha kenglikda (aholi punkti, ko‘chalar — aholi punktida joylashgan suv ombori, ko‘chalar mavjud bo‘lmagan holatlarda obyektdan metrda masofa ko‘rsatiladi) topografik xaritada yer uchastkasining joylashtirish rejasi (koordinat nuqtalari bilan);

taklif qilinayotgan yer uchastkalarining foydalanish turlarini ko‘rsatgan holda situatsion sxema;

yer uchastkasi fotosuratlari (15 x 20 sm) kamida ikki tomondan atrofdagi obyektlar bilan birgalikda.

18. Yer uchastkalari ma’lumotlari kelib tushgan kundan boshlab uch ish kun ichida vakolatli tashkilotlar kelishuvni amalga oshiradi yoki tegishli xulosa beradi.

19. Vakolatli tashkilotlarning xulosalari vakolatli tashkilot tomonidan raqamli elektron imzo bilan tasdiqlangan yoki xulosaning nusxasi elektron shaklda vakolatli davlat organiga “YERELEKTRON” AAT orqali yuboriladi.

Bunda xulosa ijobiy yoki salbiy tarzda berilishi mumkin.

Ijobiy xulosada shahar qurilishi, atrof-muhitni muhofaza qilish, yong‘inga qarshi va boshqa norma, qoidalarga rioya qilish bo‘yicha yer uchastkalariga uzoq muddatli ijara asosida egalik qiluvchiga talablar bayon qilinadi.

Salbiy xulosada qonunchilikning aniq normalarini ko‘rsatgan holda yer ajratishning imkoniyati mavjud emasligining asosli sabablari ko‘rsatiladi.

20. Kelishilgan ma’lumotlar tegishli yer uchastkasi bo‘yicha vakolatli tashkilotning elektron raqamli imzosi bilan tasdiqlash orqali “YERELEKTRON” AATda amalga oshiriladi.

Kelishuv hech qanday izohsiz va qo‘shimcha shartsiz amalga oshiriladi.

Qabul qilish rad etilgan taqdirda, vakolatli davlat organiga “YERELEKTRON” AAT orqali vakolatli tashkilotning raqamli elektron imzo bilan tasdiqlangan xati yoki xulosa xatining nusxasi, yer ajratishning imkoniyati mavjud emasligining asosli sabablari qonunchilikning aniq normalarini ko‘rsatgan holda yuboriladi.

21. Ushbu Nizomning 18-bandida ko‘rsatib o‘tilgan yer uchastkalari bo‘yicha materiallar yuzasidan tegishli qaror yoki xulosa o‘z vaqtida taqdim etilmagan taqdirda, materiallar uchun ijobiy xulosa berildi deb hisoblanadi va ularning qarori ijobiy hisoblanadi. Shuning uchun yer uchastkalari bo‘yicha materiallarni o‘z vaqtida ko‘rib chiqish bo‘yicha biriktirilgan mas’ullar o‘z vaqtida ko‘rib chiqib xulosa taqdim etmasa, shu vakolatli tashkilotlarning rahbarlari shaxsan javobgar hisoblanadi.

4-bob. Yer uchastkasidan uzoq muddatli foydalanish huquqini elektron onlayn-auksionda realizatsiya qilish tartibi

22. Barcha vakolatli tashkilotlarning ijobiy xulosasi yoki kelishuvi olingandan so‘ng vakolatli davlat organi ikki ish kunida yer uchastkasini uzoq muddatli ijaraga olish huquqini elektron onlayn-auksionda realizatsiya qilish materiallari tayyorlanishini ta’minlaydi.

23. Yer uchastkasini uzoq muddatli ijaraga olish huquqini elektron onlayn-auksionda realizatsiya qilish to‘g‘risidagi vakolatli davlat organi tomonidan qabul qilinadigan qarorda quyidagilar ko‘rsatib o‘tiladi:

yer uchastkasining joylashgan joyi;

yer uchastkasining maydoni (gektarda);

yer uchastkasidan foydalanish maqsadi;

yer uchastkasi uchun ijara to‘lovining eng kam miqdori;

auksion shakli;

yer uchastkasidan uzoq muddatli ijaraga oluvchining majburiyatlari, shu jumladan, vakolatli tashkilotlar xulosalarida qayd etilgan majburiyatlar, shuningdek, ajratilgan yer uchastkasida obyektlar va inshootlar qurish muddatlariga oid talablar;

yer uchastkasi bo‘yicha mavjud cheklovlar;

yer uchastkasidan foydalanish shartlari va tartibiga taalluqli boshqa axborot.

24. Yer uchastkasini uzoq muddatli ijaraga olish huquqini elektron onlayn-auksionda realizatsiya qilish to‘g‘risidagi qaror qabul qilingandan so‘ng keyingi ish kunidan kechiktirmasdan, vakolatli davlat organi ushbu Nizomga 2-ilovaga muvofiq shakl bo‘yicha yer uchastkasini uzoq muddatli ijaraga olish huquqini elektron onlayn-auksionda realizatsiya qilish yuzasidan auksion tashkil qilish to‘g‘risida operatorga elektron buyurtma beradi.

Buyurtma vakolatli davlat organi mas’ul xodimi tomonidan elektron raqamli imzo bilan tasdiqlanadi va “YERELEKTRON” AAT yordamida operatorga yuboriladi.

25. Buyurtmaga elektron (skaner qilingan) shaklda quyidagilar ilova qilinadi:

a) yer uchastkasini uzoq muddatli ijaraga olish huquqini elektron onlayn-auksionda realizatsiya qilish to‘g‘risidagi qaror;

b) yer uchastkasi to‘g‘risida qisqa ma’lumot, jumladan, uning maydoni (gektarda), maqsadi, mavjud cheklovlar va boshqalar;

v) chegaralari ko‘rsatilgan xolda yer maydonining joylashtirish rejasi;

g) yer uchastkasining kamida ikki tomondan o‘rab turgan obyektlar bilan fotosurati (15x20 sm);

d) vakolatli tashkilotlarning xulosalari;

e) yer uchastkasining tavsifi, shuningdek, yer uchastkasidan foydalanish tartibi va shartlari ko‘rsatilgan boshqa hujjatlar.

26. Agar buyurtmaga ushbu Nizomning 25-bandida ko‘rsatilgan barcha hujjatlar ilova qilinmagan bo‘lsa yoki belgilangan tartibda rasmiylashtirilmagan bo‘lsa, operator buyurtma kelib tushgan kunning keyingi ish kunidan kechiktirmagan holda, yo‘l qo‘yilgan kamchiliklarni bartaraf etish uchun buyurtmani vakolatli davlat organiga qaytaradi.

Vakolatli davlat organi ikki kun muddatda operator tomonidan ko‘rsatilgan barcha kamchiliklarni bartaraf etgan holda, ushbu Nizomning 24-bandiga muvofiq elektron shakldagi buyurtmani takroran yuboradi.

27. Vakolatli davlat organi buyurtma berish bilan birga:

bosma va elektron ommaviy axborot vositalari orqali yer uchastkasini uzoq muddatli ijaraga olish huquqini elektron onlayn-auksionda realizatsiya qilish to‘g‘risidagi ma’lumotlarni tarqatadi;

“YERELEKTRON” AAT orqali tuman/shahar hokimligiga, O‘zbekiston Respublikasi Savdo-sanoat palatasiga va Adliya vazirligi huzuridagi Davlat xizmatlari agentligiga ushbu Nizomning 25-bandida ko‘rsatib o‘tilgan hujjatlarni ilova qilgan holda, yer uchastkasi ajratilishi to‘g‘risida buyurtma berilganligi to‘g‘risidagi ma’lumotni yuboradi.

Tuman/shahar hokimliklari, O‘zbekiston Respublikasi Savdo-sanoat palatasi, Adliya vazirligi huzuridagi Davlat xizmatlari agentligi jismoniy va yuridik shaxslarni auksionga keng jalb qilish choralarini ko‘radi, jumladan, vakolatli davlat organidan olgan hujjatlarini va ma’lumotlarini majburiy tarzda veb-saytiga auksionda qatnashishga buyurtmalar joylashtiriladigan internet jahon axborot tarmog‘ini havola qilgan holda joylashtiradi.

28. Ekoturizmni tashkil etish uchun suv omborlarining suvni muhofaza qilish zonalari doirasida yer uchastkasiga bo‘lgan huquqni elektron onlayn-auksion orqali realizatsiya qilish O‘zbekiston Respublikasi Vazirlar Mahkamasining qarori bilan belgilangan tartibda amalga oshiriladi.

5-bob. Yer uchastkasini berish va yer uchastkasini uzoq muddatga ijaraga olish huquqini realizatsiya qilishdan tushgan mablag‘larni taqsimlash

29. Operator tomonidan auksion natijalari bo‘yicha rasmiylashtirilgan bayonnoma yer uchastkasini ijaraga berish bo‘yicha shartnoma kuchiga ega bo‘ladi.

30. Yer uchastkasini berish to‘g‘risidagi qarorda yer uchastkasini uzoq muddatli ijaraga berish shartlari, shu jumladan, auksion g‘olibining yer uchastkasidan belgilangan maqsadda foydalanish, yer uchastkasida bino va inshootlarni belgilangan muddatlarda barpo etish, vakolatli tashkilotlar tomonidan tuzilgan xulosalarda nazarda tutilgan talablarga rioya etish to‘g‘risidagi majburiyatlari, shuningdek, ushbu majburiyatlarni bajarmaslik oqibatlari albatta ko‘rsatiladi.

Bunda yer uchastkasi berish to‘g‘risidagi qarorga auksionni o‘tkazish haqidagi xabarnomada avval nazarda tutilmagan talablar va majburiyatlarni kiritishga yo‘l qo‘yilmaydi.

Auksion g‘olibi yer uchastkasini ajratish to‘g‘risidagi qarorda ko‘rsatilgan majburiyatlarga rioya etmagan holatlarda, ushbu yer uchastkasi qonunchilikda belgilangan tartibda auksion g‘olibining xarajatlarini qoplamasdan olib qo‘yiladi.

31. Yer uchastkasini uzoq muddatli ijaraga berish huquqini realizatsiya qilishdan tushgan pul mablag‘lari operatorning maxsus hisobvarag‘ida yig‘iladi va auksion g‘olibi tomonidan obyekt qabul qilinganligi tasdiqlangandan so‘ng auksionni tashkil qilish xizmatlari uchun to‘lov summalari chegirilgan holda, qolgan pul mablag‘lari hamda kelgusi yillar uchun ijarachi tomonidan kiritilgan ijara to‘lovi summasi vakolatli davlat organining daromadlar bo‘yicha g‘aznachilik hisobvaraqlariga o‘tkaziladi.

32. Yer uchastkasini uzoq muddatli ijaraga berish huquqini realizatsiya qilishdan vakolatli davlat organining daromadlar bo‘yicha g‘aznachilik hisobvaraqlariga kelib tushgan pul mablag‘lari hamda ijarachi tomonidan kiritilgan ijara to‘lovi summasi quyidagi tartibda taqsimlanadi:

50 foizi — tegishli mahalliy budjet daromadiga;

40 foizi — tegishli suv omboridan foydalanish bo‘yicha boshqarma hisobvarag‘iga;

10 foizi — O‘zbekiston Respublikasi Suv xo‘jaligi vazirligi huzuridagi Suv xo‘jaligini rivojlantirish jamg‘armasiga yo‘naltiriladi.

33. Ijara to‘lovini to‘lashni kechiktirganlik uchun penya va shartnoma majburiyatlarini buzganlik uchun jarima summalari O‘zbekiston Respublikasi Suv xo‘jaligi vazirligi huzuridagi Suv xo‘jaligini rivojlantirish jamg‘armasiga va tegishli suv omboridan foydalanish bo‘yicha boshqarma hisobvarag‘iga teng ulushlarda yo‘naltiriladi.

34. Kelgusi yillar uchun ijara to‘lovi oxirgi belgilangan ijara to‘lovi miqdori va qolgan ijara muddatidan kelib chiqib, tadbirkorlik subyekti tomonidan davriy (choraklik, oylik yoki ijara shartnomasida ko‘rsatilgan muddatlarda) to‘lovlar bilan kiritiladi.

To‘lovlar yuz foiz oldindan to‘lov shaklida har bir kelgusi davr (chorak, oy va boshqalar) uchun amalga oshiriladi.

Turistik xizmatlarni tashkil etishning mavsumiyligidan kelib chiqib, ijara to‘lovi tadbirkorlik subyektlari — ijarachilar tomonidan ularning faoliyat ko‘rsatgan davri uchun ijara shartnomasida ko‘rsatiladigan ijara to‘lovini to‘lash jadvalini tuzish orqali to‘lanishi mumkin.

35. Vakolatli davlat organi tomonidan tegishli rejim o‘rnatilgan hudud va inshootlardan foydalanuvchi organlar va tashkilotlar bilan kelishilgan holda suv omborlarining suvni muhofaza qilish zonalari chegaralarining cheklangan hududlariga turistlarning tashrif buyurishi uchun to‘lov va yig‘imlar belgilanishi mumkin.

36. Suv omborlarining suvni muhofaza qilish zonalari chegaralarining cheklangan hududlariga turistlarning tashrif buyurishi uchun to‘lov va yig‘imlar tegishli rejim o‘rnatilgan hudud va inshootlardan foydalanuvchi organlar va tashkilotlar bilan kelishilgan holda taqsimlanadi.

6-bob. Yakunlovchi qoidalar

37. Yer uchastkasi berish to‘g‘risidagi qarorda belgilangan auksion g‘olibining majburiyatlari bajarilishini nazorat qilish vakolatli davlat organi tomonidan amalga oshiriladi.

38. Suv omborlariga tutash hududlarda ekoturizmni tashkil qilish yuzasidan nazorat qonunchilik hujjatlarida belgilangan tartibda amalga oshiriladi.

39. Ushbu Nizomning qo‘llanilishida kelib chiqadigan nizolar qonunchilikda belgilangan tartibda hal etiladi.

40. Ushbu Nizom talablari buzilishida aybdor bo‘lgan shaxslar belgilangan tartibda javob beradilar.

Ekoturizmni tashkil etish maqsadida suv omborlarining suvni muhofaza qilish zonalari doirasida yer uchastkasiga bo‘lgan huquqni auksion orqali realizatsiya qilish uchun materiallar tayyorlash tartibi to‘g‘risidagi nizomga
1-ILOVA

Suv omborlarining suvni muhofaza qilish zonalari doirasida ekoturizmni tashkil etish uchun yer uchastkalarini elektron onlayn-auksion orqali uzoq muddatli ijaraga berish uchun materiallar tayyorlash

SXEMASI

Bosqichlar	Subyektlar	Tadbirlar	Bajarish muddatlari

1-bosqich	Turizm va sport vazirligi	Tadbirkorlik subyektlarining suv omborlari suvini muhofaza qilish zonalarida turizm infratuzilmasi obyektlarini qurish bo‘yicha murojaatlarini o‘rganish asosida takliflarni vakolatli davlat organiga yuboradi.	Murojaat kelib tushishiga ko‘ra

2-bosqich	Vakolatli davlat organi (O‘zbekiston Respublikasi Suv xo‘jaligi vazirligi)	Tegishli yer maydonlari bo‘yicha hujjatlarni va ma’lumotlarni yig‘adi hamda ularni vakolatli tashkilotlarga kelishish yoki xulosasini olish uchun yuboradi.	3 ish kuni mobaynida

3-bosqich	Vakolatli tashkilotlar (tuman(shahar) yer resurslari va davlat kadastri bo‘limlari; tuman (shahar) ichki ishlar boshqarmasining (bo‘limining) yong‘in xavfsizligi bo‘limlari; favqulodda vaziyatlar vazirligining viloyat boshqarmalari; tuman (shahar) davlat sanitariya-epidemiologiya nazorati markazlari, Ekologiya va atrof-muhitni muhofaza qilish qo‘mitasining viloyat boshqarmalari; tuman (shahar) davlat soliq inspeksiyalari; tegishli rejimli hududlar va inshootlardan foydalanuvchi organlar va tashkilotlar	Yer maydoni bo‘yicha kelishuvni amalga oshiradi va xulosalarni taqdim etadi hamda vakolatli davlat organiga elektron shaklda “YERELEKTRON” AAT orqali hujjatlarni yuboradi.	3 ish kuni mobaynida

4-bosqich	Vakolatli davlat organi (O‘zbekiston Respublikasi Suv xo‘jaligi vazirligi)	1. Yer maydonlaridan uzoq muddat foydalanish huquqini auksionga quyish uchun materiallarning tayyorlanishini ta’minlaydi. 2. “Elektron onlayn-auksionlarni tashkil etish markazi” (keyingi o‘rinlarda Markaz deb ataladi) DUKga buyurtma topshiradi. Buyurtma berish bilan birga: bosma va ommaviy axborot vositalari orqali yer maydonlaridan uzoq muddatli ijara huquqini auksionga qo‘yilganligi to‘g‘risidagi ma’lumotlarni tarqatadi: tuman/shahar hokimligi, O‘zbekiston Respublikasi Savdo-sanoat palatasi va Adliya vazirligi huzuridagi Davlat xizmatlari agentligiga yer maydonlaridan uzoq muddatli ijara huquqining auksionga quyilganligi to‘g‘risidagi ma’lumotlarni yuboradi.	2 ish kuni mobaynida

5-bosqich	“Elektron onlayn-auksionlarni tashkil etish markazi” DUK	Auksion o‘tkazilishi haqida axborotni joylashtiradi.	1 ish kuni mobaynida

6-bosqich	Yuridik va jismoniy shaxslar	1. Auksionda ishtirok etish uchun elektron shaklda ariza topshiradi.	30 kun mobaynida (takroriy auksionda 10 kun)
6-bosqich	Yuridik va jismoniy shaxslar	2. Auksionda ishtirok etadi.	1 ish kuni mobaynida

7-bosqich	“Elektron onlayn-auksionlarni tashkil etish markazi” DUK	Auksion natijasi haqidagi bayonning bir nusxasini auksion g‘olibiga, bir nusxasini tegishli tuman (shahar) hokimlariga yuboradi.	1 ish kuni mobaynida

8-bosqich	Tuman/shahar hokimi	Operatordan auksion natijasi haqidagi bayonni olgan vaqtdan boshlab auksion g‘olibiga yer maydonini uzoq muddatli ijaraga berish to‘g‘risida qaror chiqaradi.	2 ish kuni mobaynida


Yer uchastkasini uzoq muddatli ijaraga olish huquqini realizatsiya qilish bo‘yicha elektron onlayn-auksion tashkil etish uchun elektron buyurtma

20____ yil “______” _________da O‘zbekiston Respublikasi Suv xo‘jaligi vazirligi va “Elektron onlayn-auksi�nlarni tashkil etish markazi” DUK o‘rtasida tuzilgan ______-son shartnomaga muvofiq, shuningdek, 20____ yil “_____” ________________dagi qarorga binoan _____________________________ quyidagi yer uchastkasini uzoq muddatli ijaraga olish huquqini elektron onlayn-auksionda realizatsiya qilish uchun ushbu buyurtmani taqdim etadi:
1. Yer uchastkasining maydoni _____________ga; 2. Yer uchastkasi joylashgan joy _________________________________________________________________; 3. Maqsadi __________________________________________________________________________________; 4. Elektron onlayn-auksion shakli ______________________________________________________________; 5. Yer uchastkasining eng kam ijara to‘lovi miqdori (so‘mda) ___________________________________________; 6. Elektron onlayn-auksion g‘olibining majburiyatlari: 6.1. Bino va inshootlarni qurish muddati _________________________________________________ 6.2. Uzoq muddatli ijaraga olish huquqi egasiga vakolatli tashkilotlarning xulosalariga muvofiq qo‘yiladigan talablar: ___________________________________________________________________________________________; ___________________________________________________________________________________________; ___________________________________________________________________________________________; ___________________________________________________________________________________________; ___________________________________________________________________________________________; ___________________________________________________________________________________________; 6.3. Yer uchastkasidan foydalanish shartlari va tartibiga taalluqli boshqa talablar ___________________________________________________________________________________________ ___________________________________________________________________________________________ ___________________________________________________________________________________________; 7. Yer uchastkasidan uzoq muddatli ijaraga olish huquqini realizatsiya qilishdan tushgan mablag‘lar o‘tkazilishi mumkin bo‘lgan bank hisobvarag‘ining rekvizitlari:

Bank nomi	Bank MFOsi	Bankning hisobvarag‘i

8. Mas’ul shaxsning manzili va bog‘lanish uchun ma’lumotlari (telefon raqami, elektron pochta manzili va boshqalar.) Buyurtma berilgan sana 20____ yil “_____” _____________________ Mas’ul shaxs _______________________________________(F.I.O., lavozimi) ERIsi “_________________________”.
			”.

9. Vazirlar Mahkamasining “Daryolar o‘zanlarini tozalash ishlariga tadbirkorlik subyektlarini elektron onlayn-auksion orqali jalb qilish tartibini joriy etish to‘g‘risida” 2018-yil 3-dekabrdagi 981-son qarorida:

a) 1-band quyidagi tahrirda bayon qilinsin:

“1. Daryolar o‘zanlarini tozalash uchun ishlab chiqilgan loyihalarni amalga oshirish huquqini elektron onlayn-auksion orqali realizatsiya qilish uchun materiallar tayyorlash tartibi to‘g‘risidagi nizom 1-ilovaga muvofiq tasdiqlansin”;

b) Daryolar o‘zanlarini tozalash uchun ishlab chiqilgan loyihalarni amalga oshirish huquqini elektron onlayn-auksion orqali realizatsiya qilish uchun materiallar tayyorlash tartibi to‘g‘risidagi nizom quyidagi tahrirda bayon etilsin:

“Daryolar o‘zanlarini tozalash maqsadida ishlab chiqilgan loyihalarni amalga oshirish huquqini elektron onlayn-auksion orqali realizatsiya qilish uchun materiallar tayyorlash tartibi to‘g‘risida nizom

1-bob. Umumiy qoidalar

1. Ushbu Nizom daryolar o‘zanlarini tozalash maqsadida ishlab chiqilgan loyihalarni amalga oshirish huquqini elektron onlayn-auksion orqali realizatsiya qilish uchun materiallarni tayyorlash tartibini belgilaydi.

2. Ushbu Nizomda quyidagi asosiy tushunchalar qo‘llaniladi:

“E-auksion” elektron savdo platformasi (keyingi o‘rinlarda — elektron savdo platformasi) — elektron onlayn-auksionlarni (keyingi o‘rinlarda auksion deb ataladi) tashkil etish va o‘tkazish uchun zarur bo‘lgan axborotni kiritish, saqlash va qayta ishlash, shuningdek, manfaatdor shaxslarning auksionlar jarayonlaridan operator veb-portali orqali bevosita foydalanish imkoniyatini ta’minlaydigan axborot tizimi;

auksion — elektron savdo platformasi orqali loyihalarni amalga oshirish huquqi realizatsiya qilinadigan auksion;

loyiha tashkilotlari — daryolar o‘zanlarini tozalash ishlarini tashkil etishda ilmiy izlanishlar va hisob-kitoblarga tayangan holda loyihalarni ishlab chiqishga ixtisoslashgan tashkilotlar;

loyihaning minimal qiymati — loyihani auksionga qo‘yish uchun uni amalga oshirish huquqining qiymati;

operator — O‘zbekiston Respublikasi Davlat aktivlarini boshqarish agentligi huzuridagi elektron savdo platformasida auksionlarni tashkil etadigan va o‘tkazadigan “Elektron onlayn-auksionlarni tashkil etish markazi” davlat unitar korxonasi.

3. Daryolar o‘zanlarini tozalash uchun ishlab chiqilgan loyihalarni amalga oshirish huquqini elektron onlayn-auksion orqali realizatsiya qilish uchun materiallar tayyorlash mazkur Nizomga 1-ilovaga muvofiq sxema bo‘yicha tayyorlanadi.

4. Daryolar o‘zanlarini tozalashda qum-shag‘al materiallarini qazib olish ishlari transport va yo‘l infratuzilmasi obyektlarini, shuningdek, davlat dasturlari, yirik investitsiya loyihalari va davlat ahamiyatiga ega boshqa loyihalar doirasida qurilish, rekonstruksiya va ta’mirlash ishlarini amalga oshirish uchun O‘zbekiston Respublikasi Prezidentining farmonlari, qarorlari va farmoyishlari, O‘zbekiston Respublikasi Vazirlar Mahkamasining qarorlari asosida, istisno tariqasida, O‘zbekiston Respublikasi Favqulodda vaziyatlar vazirligi huzuridagi “Xavfsiz daryo” davlat unitar korxonasi (keyingi o‘rinlarda — “Xavfsiz daryo” DUK) va tadbirkorlik subyektlari yoki boshqa tashkilotlar o‘rtasida to‘g‘ridan-to‘g‘ri shartnoma tuzilib, loyiha hujjatlarini ishlab chiqqan holda amalga oshirilishi mumkin.

Agar bunday daryo uchastkalari uchun loyiha hujjatlari ishlab chiqilmagan yoki yakunlanmagan bo‘lsa, bunda daryolar o‘zanlarini tozalashda qum-shag‘al materiallarini qazib olish bo‘yicha loyiha hujjatlarini ishlab chiqish va davlat ekologik ekspertizasidan o‘tkazish ishlarini parallel ravishda olib borilishiga ruxsat beriladi.

Tadbirkorlik subyektlarining huquqlarini to‘laqonli ta’minlash maqsadida favqulodda vaziyatlarning oldini olish va ular oqibatida zararlangan daryolar qirg‘oqlarini va ulardagi dambalarni tiklashga daryo o‘zanlaridan qazib olingan qum-shag‘al materiallari uchun to‘lovlar undirilmaydi. Bunda loyihada belgilangan zaxira qirg‘oqlarni va dambalarni tiklash uchun olingan qum-shag‘al materiallari hajmiga kamaytiriladi.

2-bob. Daryolar o‘zanlarida qum-shag‘al materiallari to‘planib qolgan va tozalanishi lozim bo‘lgan uchastkalarni aniqlash hamda loyiha hujjatlarini ishlab chiqish

5. O‘zbekiston Respublikasi Favqulodda vaziyatlar vazirligi, Ekologiya va atrof-muhitni muhofaza qilish davlat qo‘mitasi hamda Davlat geologiya va mineral resurslar qo‘mitasi tomonidan zaruratga ko‘ra olib borilgan o‘rganishlar natijalari bo‘yicha daryolar o‘zanlarida qum-shag‘al materiallari to‘planib qolgan va tozalanishi lozim bo‘lgan uchastkalar ro‘yxati (keyingi o‘rinlarda — uchastkalar ro‘yxati) shakllantiriladi.

Daryo o‘zanlarini tozalashda faqat, qirg‘oqlar yuvilishiga hamda yaqin hududlarni suv bosishiga sabab bo‘lishi mumkin bo‘lgan va suv oqimlariga to‘sqinlik qilayotgan o‘zanda yig‘ilib qolgan qum-shag‘al materiallari hajmining qazib olinishiga ruxsat etiladi.

6. O‘zbekiston Respublikasi Favqulodda vaziyatlar vazirligi besh ish kuni mobaynida uchastkalar ro‘yxatini O‘zbekiston Respublikasi Prezidentining “Toshqinlar, sel oqimlari, qor ko‘chish va yer ko‘chki hodisalari bilan bog‘liq favqulodda vaziyatlarning oldini olish hamda ularning oqibatlarini tugatish borasidagi chora-tadbirlar to‘g‘risida” 2007-yil 19-fevraldagi PQ-585-son qarori bilan tashkil etilgan Toshqin suvlari va sel oqimlarini xavf-xatarsiz o‘tkazib yuborishni ta’minlash, qor ko‘chish va yer ko‘chki hodisalari xavfini kamaytirish bo‘yicha hukumat komissiyasiga (keyingi o‘rinlarda — Komissiya) belgilangan tartibda kiritadi.

Komissiya o‘n ish kuni mobaynida uchastkalar ro‘yxatini ko‘rib chiqadi, tasdiqlaydi va ijro uchun O‘zbekiston Respublikasi Favqulodda vaziyatlar vazirligiga yuboradi.

7. “Xavfsiz daryo” DUK besh ish kuni mobaynida tasdiqlangan uchastkalar ro‘yxati bo‘yicha bosqichma-bosqich har bir uchastkaga loyiha hujjatlarini ishlab chiqish uchun tegishli loyiha tashkilotlariga buyurtma beradi.

8. Loyiha tashkilotlari buyurtmada (shartnomada) ko‘rsatilgan muddatda loyiha hujjatlarini ishlab chiqadi. Loyiha hujjatlarida quyidagilar aks ettiriladi:

loyihaning maqsadi;

qum-shag‘al zaxirasining hajmi;

loyihadan kutiladigan natija;

loyihani amalga oshirish muddati va joyi;

loyihani amalga oshirish joyi joylashgan hududdan kelib chiqqan holda texnik ko‘rsatkichlar.

9. Loyiha tashkilotlari tomonidan tayyorlangan loyiha hujjatlarini olgandan so‘ng “Xavfsiz daryo” DUK ikki ish kuni mobaynida davlat ekologik ekspertizasi xulosasini olish uchun O‘zbekiston Respublikasi Ekologiya va atrof-muhitni muhofaza qilish davlat qo‘mitasining davlat ekologik ekspertizasi organlariga belgilangan tartibda loyiha hujjatlarini taqdim etadi.

10. O‘zbekiston Respublikasi Ekologiya va atrof-muhitni muhofaza qilish davlat qo‘mitasining davlat ekologik ekspertizasi organlari yigirma ish kuni mobaynida har bir loyiha hujjati bo‘yicha davlat ekologik ekspertizasi xulosasini tayyorlaydi va “Xavfsiz daryo” DUKning shaxsiy kabinetiga elektron shaklda yuboradi.

3-bob. Loyihalarni amalga oshirish huquqini auksionda realizatsiya qilish maqsadida auksionga qo‘yish uchun tegishli materiallarni tayyorlash tartibi

11. Loyiha hujjatlari bo‘yicha davlat ekologik ekspertizasi xulosasi olingandan so‘ng “Xavfsiz daryo” DUK ikki ish kuni mobaynida loyihani amalga oshirish huquqini auksionda realizatsiya qilish uchun tegishli materiallar tayyorlanishini ta’minlaydi.

12. Loyihani amalga oshirish huquqini auksionda realizatsiya qilish uchun tegishli materiallarni tayyorlash quyidagilarni o‘z ichiga oladi:

loyihaning minimal qiymatini aniqlash;

loyihani amalga oshirish huquqini auksionda realizatsiya qilish uchun auksionga qo‘yish to‘g‘risida “Xavfsiz daryo” DUK direktori buyrug‘ini ishlab chiqish;

loyihani amalga oshirish huquqini auksionda realizatsiya qilish uchun boshqa zarur hujjatlarni tayyorlash.

13. Loyihani amalga oshirish huquqining minimal qiymati loyiha hujjatlarini ishlab chiqish, davlat ekologik ekspertizasi xulosasini olish, loyihaning amalga oshirilishini monitoring qilish, shuningdek, tadbirkorlik subyektlarini daryo o‘zanlarini tozalash ishlariga jalb qilish bilan bog‘liq xarajatlardan kelib chiqib, quyidagi formula orqali aniqlanadi:

N = (L + E + M) x S, bunda:

N — loyihani amalga oshirish huquqining minimal qiymati;

L — loyiha hujjatlarini ishlab chiqish bilan bog‘liq xarajatlar;

E — loyiha hujjatlariga davlat ekologik ekspertizasi xulosasini olishga sarflanadigan mablag‘lar;

M — loyihaning amalga oshirilishini monitoring qilish bilan bog‘liq xarajatlar, bunda ushbu qiymat loyihani amalga oshirish huquqini auksionga qo‘yish kunida amalda bo‘lgan mehnatga haq to‘lashning eng kam miqdorining 100 baravarida belgilanadi;

S — qo‘shilgan qiymat solig‘i, S= 1,15.

Toshkent shahri va Toshkent viloyati hududlaridagi uchastkalarda loyihani amalga oshirish huquqining minimal qiymatini hisoblashda 0,1 pasaytiruvchi koeffitsiyent qo‘llaniladi.

14. Loyihani amalga oshirish huquqini auksionda realizatsiya qilish uchun auksionga qo‘yish to‘g‘risidagi buyruq “Xavfsiz daryo” DUK direktori tomonidan imzolanadi va unda quyidagilar ko‘rsatiladi:

loyihani amalga oshirish huquqini auksionga qo‘yish uchun asos;

loyihani amalga oshirishdan belgilangan maqsad;

loyihaning o‘ziga xos raqami, uni amalga oshirish joyi va muddati;

loyiha bo‘yicha qum-shag‘al zaxirasining hajmi;

loyihaning minimal qiymati (boshlang‘ich narxi);

loyihani amalga oshirish huquqi egasining majburiyatlari, shu jumladan, davlat ekologik ekspertizasi xulosasida qayd etilgan majburiyatlar;

loyihani amalga oshirish shartlari va tartibi to‘g‘risida axborot.

15. Loyiha hujjatlari bo‘yicha davlat ekologik ekspertizasi xulosasi olingandan so‘ng “Xavfsiz daryo” DUK ikki ish kuni mobaynida operatorga loyihani amalga oshirish huquqini realizatsiya qilish bo‘yicha auksion tashkil qilish haqidagi elektron buyurtmani (keyingi o‘rinlarda — buyurtma) mazkur Nizomga 2-ilovaga muvofiq shaklda taqdim etadi.

16. Buyurtma “Xavfsiz daryo” DUK direktorining elektron imzosi bilan tasdiqlanadi va operatorga yuboriladi.

17. Buyurtmaga quyidagilar elektron (skaner qilingan) shaklda ilova qilinadi:

a) “Xavfsiz daryo” DUK direktorining loyihani amalga oshirish huquqini auksionda realizatsiya qilish uchun auksionga qo‘yish to‘g‘risidagi buyrug‘i;

b) daryo o‘zanlaridan qum-shag‘al materiallarini qazib olish ishlarini olib borish bo‘yicha tayyorlangan loyiha annotatsiyasi;

v) davlat ekologik ekspertizasi xulosasi;

g) “Xavfsiz daryo” DUK va auksion g‘olibi bilan tuziladigan shartnoma loyihasi;

d) google xaritada loyihani amalga oshirish joyi (koordinatali nuqtalari bilan);

e) loyihani amalga oshirish joyining fotosurati (15x20 sm).

18. Buyurtmaga mazkur Nizomning 17-bandida nazarda tutilgan barcha hujjatlar ilova qilinmaganda yoki ular tegishli ravishda rasmiylashtirilmaganda, operator buyurtmani olgandan so‘ng keyingi ish kunidan kechiktirmasdan buyurtmani bartaraf etilishi lozim bo‘lgan kamchiliklarni ko‘rsatgan holda “Xavfsiz daryo” DUKga qaytaradi.

“Xavfsiz daryo” DUK operator tomonidan qayd etilgan barcha kamchiliklarni besh ish kuni mobaynida bartaraf etib, buyurtmani mazkur Nizomning 17-bandi talablariga muvofiq takroran operatorga yuboradi.

19. “Xavfsiz daryo” DUK taqdim etgan hujjatlar mazkur Nizomning 17-bandi talablariga muvofiqligi yuzasidan operator tasdig‘idan so‘ng:

bosma va elektron ommaviy axborot vositalarida loyihani amalga oshirish huquqi auksionga qo‘yilishi to‘g‘risidagi axborotni tarqatadi;

O‘zbekiston Respublikasi Favqulodda vaziyatlar vazirligiga, Ekologiya va atrof-muhitni muhofaza qilish davlat qo‘mitasiga hamda Davlat geologiya va mineral resurslar qo‘mitasiga loyihani amalga oshirish huquqi auksionga qo‘yilishi haqidagi axborotni yuboradi.

20. O‘zbekiston Respublikasi Favqulodda vaziyatlar vazirligi, Ekologiya va atrof-muhitni muhofaza qilish davlat qo‘mitasi, Davlat geologiya va mineral resurslar qo‘mitasi tadbirkorlik subyektlarini auksionda ishtirok etishga keng jalb qilishga doir choralarni ko‘radi, shu jumladan, “Xavfsiz daryo” DUKdan olingan hujjatlar va axborotni auksionda ishtirok etish uchun buyurtma joylashtiriladigan internet jahon axborot tarmog‘idagi manziliga tayangan holda, o‘z rasmiy veb-saytlarida majburiy tartibda joylashtiradi.

21. Yer uchastkasiga bo‘lgan huquqni elektron savdo platformasida realizatsiya qilish O‘zbekiston Respublikasi Vazirlar Mahkamasining qarori bilan belgilangan tartibda amalga oshiriladi.

4-bob. Auksion natijalari bo‘yicha hisob-kitob qilish tartibi

22. Auksion g‘olibi tomonidan obyekt qiymati to‘liq to‘langandan so‘ng bayonnoma rasmiylashtiriladi.

Bunda ushbu auksion obyekti bo‘yicha avval to‘langan zakalat puli auksion obyektining 100 foiz qiymatiga qo‘shib hisoblanadi.

23. “Xavfsiz daryo” DUK operatordan auksion natijalari haqidagi bayonnomani olgandan so‘ng va loyihani amalga oshirish huquqini realizatsiya qilishdan pul mablag‘lari tushgach, o‘n ish kun mobaynida:

auksion g‘olibi bilan belgilangan tartibda shartnoma tuzadi;

O‘zbekiston Respublikasi Favqulodda vaziyatlar vazirligi, Ekologiya va atrof-muhitni muhofaza qilish davlat qo‘mitasi hamda Davlat geologiya va mineral resurslar qo‘mitasiga auksion g‘olibi to‘g‘risidagi ma’lumotlarni taqdim etadi.

24. O‘zbekiston Respublikasi Favqulodda vaziyatlar vazirligi, Ekologiya va atrof-muhitni muhofaza qilish davlat qo‘mitasi hamda Davlat geologiya va mineral resurslar qo‘mitasi “Xavfsiz daryo” DUKdan olingan auksion g‘olibi to‘g‘risidagi ma’lumotlarni uch ish kuni mobaynida o‘z rasmiy veb-saytlarida majburiy tartibda joylashtiradi.

5-bob. Loyihani amalga oshirish huquqini realizatsiya qilishdan tushadigan mablag‘larni yo‘naltirish

25. Loyihani amalga oshirish huquqini realizatsiya qilishdan tushgan pul mablag‘lari operatorning maxsus hisobvarag‘ida yig‘iladi va auksion g‘olibi tomonidan obyekt qabul qilinganligi tasdiqlangandan so‘ng auksionni tashkil qilish xizmatlari uchun to‘lov summalari chegirilgandan keyin qolgan pul mablag‘lari “Xavfsiz daryo” DUKning bank hisobvarag‘iga o‘tkaziladi.

Kelib tushgan pul mablag‘lari O‘zbekiston Respublikasi Prezidentining “Ichki bozorni qum-shag‘al materiallari bilan barqaror ta’minlash bo‘yicha qo‘shimcha chora-tadbirlar to‘g‘risida” 2018-yil 9-iyuldagi PQ-3841-son qarorida va “Xavfsiz daryo” DUKning Ustavida belgilangan maqsadlarga yo‘naltiriladi.

26. Shartnomada loyihani amalga oshirish shartlari, shu jumladan, loyihani belgilangan muddatlarda amalga oshirish, davlat ekologik ekspertizasi xulosasida nazarda tutilgan talablarga rioya etish to‘g‘risidagi majburiyatlar, shuningdek, ushbu majburiyatlarni bajarmaslik oqibatlari ko‘rsatiladi.

Bunda shartnomaga auksionni o‘tkazish haqidagi xabarnomada avval nazarda tutilmagan talablar va majburiyatlarni kiritishga yo‘l qo‘yilmaydi.

27. Auksion g‘olibi shartnomada ko‘rsatilgan majburiyatlarga rioya etmagan holatlarda, ushbu loyihani amalga oshirish bo‘yicha tuzilgan shartnoma qonunchilik hujjatlarida belgilangan tartibda bekor qilinadi.

6-bob. Yakunlovchi qoidalar

28. Daryo o‘zanlarini tozalash jarayonida qum-shag‘al materiallarini qazib olish ishlari yer uchastkalarini ajratmagan xolda mavsumiy amalga oshiriladi.

29. Tadbirkorlik subyektlari har yili bir marta yillik qazib olingan foydali qazilmalar hajmlari to‘g‘risida belgilangan tartibda marksheyderlik xulosasini tuzadilar va Davlat geologiya va mineral resurslar qo‘mitasi huzuridagi Kon-geologiya faoliyatini nazorat qilish hududiy inspeksiyalariga taqdim etadilar.

30. “Xavfsiz daryo” DUK doimiy ravishda:

O‘zbekiston Respublikasi Favqulodda vaziyatlar vazirligi, Ekologiya va atrof-muhitni muhofaza qilish davlat qo‘mitasi hamda Davlat geologiya va mineral resurslar qo‘mitasi xodimlari bilan birgalikda joylarga chiqqan holda, daryolar o‘zanlarini tozalash ishlari olib borilayotgan uchastkalardagi holatni o‘rganadi;

shartnoma asosida jalb etilgan tadbirkorlik subyektlari tomonidan daryolar o‘zanlarini tozalash ishlari natijasida olingan qum-shag‘al materiallari hajmining hisobini yuritadi.

31. Auksion g‘olibi tomonidan loyihani amalga oshirish bo‘yicha majburiyatlarning bajarilishi “Xavfsiz daryo” DUK tomonidan nazorat qilinadi va bu haqda har oyda O‘zbekiston Respublikasi Favqulodda vaziyatlar vazirligiga hisobot beriladi.

32. Ushbu Nizom talablari buzilishida aybdor shaxslar qonunchilik hujjatlarida belgilangan tartibda javob beradilar.

Daryolar o‘zanlarini tozalash uchun ishlab chiqilgan loyihalarni amalga oshirish huquqini elektron onlayn-auksion orqali realizatsiya qilish uchun materiallar tayyorlash tartibi to‘g‘risidagi nizomga
1-ILOVA

Daryolar o‘zanlarini tozalash maqsadida ishlab chiqilgan loyihalarni amalga oshirish huquqini elektron onlayn-auksion orqali realizatsiya qilish uchun materiallarni tayyorlash

SXEMASI

Bosqichlar	Subyektlar	Tadbirlar	Muddatlar
Bosqichlar	Subyektlar	Tadbirlar	Muddatlar

1-bosqich	O‘zbekiston Respublikasi Favqulodda vaziyatlar vazirligi, Ekologiya va atrof-muhitni muhofaza qilish davlat qo‘mitasi va Davlat geologiya va mineral resurslar qo‘mitasi	Daryolar o‘zanlarida qum-shag‘al materiallari to‘planib qolgan va tozalanishi lozim bo‘lgan uchastkalar ro‘yxatini (keyingi o‘rinlarda uchastkalar ro‘yxati deb ataladi) shakllantiradi.	Zaruratga ko‘ra

2-bosqich	O‘zbekiston Respublikasi Favqulodda vaziyatlar vazirligi	Uchastkalar ro‘yxati Toshqin suvlar va sel oqimlarini xavf-xatarsiz o‘tkazib yuborishni ta’minlash, qor ko‘chish va yer ko‘chki hodisalari xavfini kamaytirish bo‘yicha hukumat komissiyasiga belgilangan tartibda kiritadi.	5 ish kuni mobaynida

3-bosqich	Toshqin suvlar va sel oqimlarini xavf-xatarsiz o‘tkazib yuborishni ta’minlash, qor ko‘chish va yer ko‘chki hodisalari xavfini kamaytirish bo‘yicha hukumat komissiyasi	Uchastkalar ro‘yxatini ko‘rib chiqadi, tasdiqlaydi va ijro uchun O‘zbekiston Respublikasi Favqulodda vaziyatlar vazirligiga yuboradi.	10 ish kuni mobaynida

4-bosqich	O‘zbekiston Respublikasi Favqulodda vaziyatlar vazirligi huzuridagi “Xavfsiz daryo” DUK (keyingi o‘rinlarda “Xavfsiz daryo” DUK deb ataladi)	Tasdiqlangan uchastkalar ro‘yxati bo‘yicha bosqichma-bosqich har bir uchastkaga loyiha hujjatlarini ishlab chiqish uchun tegishli loyiha tashkilotlariga buyurtma beradi.	5 ish kuni mobaynida

5-bosqich	Loyiha tashkilotlari	Loyiha hujjatlarini ishlab chiqadi.	Shartnomaga muvofiq

6-bosqich	“Xavfsiz daryo” DUK	Davlat ekologik ekspertizasi xulosasini olish uchun O‘zbekiston Respublikasi Ekologiya va atrof-muhitni muhofaza qilish davlat qo‘mitasining davlat ekologik ekspertizasi organlariga belgilangan tartibda loyiha hujjatlarini taqdim etadi.	2 ish kuni mobaynida

7-bosqich	O‘zbekiston Respublikasi Ekologiya va atrof-muhitni muhofaza qilish davlat qo‘mitasining davlat ekologik ekspertizasi organlari	Har bir loyiha hujjatlari bo‘yicha davlat ekologik ekspertizasi xulosasini tayyorlaydi va “Xavfsiz daryo” DUK vakiliga ishonchnoma asosida topshiradi.	20 ish kuni mobaynida

8-bosqich	“Xavfsiz daryo” DUK	Loyihani amalga oshirish huquqini auksionda realizatsiya qilish uchun O‘zbekiston Respublikasi Davlat aktivlarini boshqarish agentligi huzuridagi “Elektron onlayn-auksionlarni tashkil etish markazi” DUKga (keyingi o‘rinlarda operator deb ataladi) elektron buyurtma beradi.	2 ish kuni mobaynida

9-bosqich	Operator	O‘tkazilgan auksion natijalari haqidagi bayonnomani “Xavfsiz daryo” DUKga taqdim etadi va o‘z veb-portaliga axborotni kiritadi.	1 ish kuni mobaynida

10-bosqich	“Xavfsiz daryo” DUK	Auksion g‘olibi bilan shartnoma tuzadi. O‘zbekiston Respublikasi Favqulodda vaziyatlar vazirligi, Ekologiya va atrof-muhitni muhofaza qilish davlat qo‘mitasi, Davlat geologiya va mineral resurslar davlat qo‘mitalariga auksion g‘oliblari to‘g‘risida ma’lumotlar taqdim etadi.	3 ish kuni mobaynida

11-bosqich	O‘zbekiston Respublikasi Favqulodda vaziyatlar vazirligi, Ekologiya va atrof-muhitni muhofaza qilish davlat qo‘mitasi, Davlat geologiya va mineral resurslar qo‘mitasi	“Xavfsiz daryo” DUKdan olingan auksion g‘oliblari to‘g‘risidagi ma’lumotlarni o‘z rasmiy veb-saytlarida majburiy tartibda joylashtiradi.	3 ish kuni mobaynida

12-bosqich	“Xavfsiz daryo” DUK, O‘zbekiston Respublikasi Favqulodda vaziyatlar vazirligi, Ekologiya va atrof-muhitni muhofaza qilish davlat qo‘mitasi, Davlat geologiya va mineral resurslar qo‘mitasi	Joylarga chiqqan holda, daryolar o‘zanlarini tozalash ishlari olib borilayotgan uchastkalardagi holatni o‘rganadi.	doimiy ravishda

13-bosqich	“Xavfsiz daryo” DUK	Shartnoma asosida jalb etilgan tadbirkorlik subyektlari tomonidan daryolar o‘zanlarini tozalash ishlari natijasida olingan qum-shag‘al materiallarining hisobini yuritadi.	doimiy ravishda


Loyihani amalga oshirish huquqini realizatsiya qilish bo‘yicha elektron onlayn-auksion tashkil qilish haqida ELEKTRON BUYuRTMA

20___ yil “____” ______da ________ “Xavfsiz daryo” DUK va “Elektron onlayn-auksionlarni tashkil etish markazi” DUK o‘rtasida tuzilgan ____-son shartnomaga muvofiq, shuningdek, “Xavfsiz daryo” DUK direktorining 20___ yil “_____” _________ dagi buyrug‘iga binoan “Xavfsiz daryo” DUK quyidagi loyihani amalga oshirish huquqini elektron onlayn-auksionda realizatsiya qilish uchun ushbu buyurtmani taqdim etadi: 1. Loyihaning o‘ziga xos raqami _________________________________________________________________; 2. Loyihani amalga oshirish joyi _______________________________________________________________; 3. Belgilangan maqsad _________________________________________________________________________; 4. Loyiha bo‘yicha qum-shag‘al zaxirasining hajmi ___________________________________________________; 5. Loyihaning minimal qiymati (boshlang‘ich narxi) (so‘mda) __________________________________________; 6. Elektron onlayn-auksion g‘olibining majburiyatlari: 6.1. Loyihani amalga oshirish muddati ___________________________________________________________; 6.2. Loyihani amalga oshirish huquqi egasiga davlat ekologik ekspertizasi xulosasiga muvofiq qo‘yiladigan talablar:___________________________________________________________________________________; 6.3. Shartnoma shartlari va tartibiga taalluqli boshqa talablar _______________________________________; 7. Loyihani amalga oshirish huquqini realizatsiya qilishdan tushgan mablag‘lar o‘tkazilishi mumkin bo‘lgan bank rekvizitlari: Bank nomi __________________________________________________________________________________; Bank MFO __________________________________________________________________________________; Bank hisobvarag‘i _____________________________________________________________________________; 8. “Xavfsiz daryo” DUKning manzili va bog‘lanish uchun ma’lumotlari (telefon raqami, elektron pochta manzili va boshqalar).

Buyurtma 20 ___ yil “____” _______________ da taqdim etildi. “Xavfsiz daryo” DUK direktori ____________________________________
		(F.I.O.)
	ERI		”.

Oldingi tahrirga qarang.

(10-band O‘zbekiston Respublikasi Vazirlar Mahkamasining 2023-yil 25-avgustdagi 424-sonli qaroriga asosan o‘z kuchini yo‘qotgan — Qonunchilik ma’lumotlari milliy bazasi, 26.08.2023-y., 09/23/424/0655-son)

11. Vazirlar Mahkamasining “Aydar-Arnasoy ko‘llar tizimining biologik resurslaridan foydalanish samaradorligini yanada oshirish chora-tadbirlari to‘g‘risida” 2019-yil 22-apreldagi 347-son qarorining 3-bandi ikkinchi xatboshidagi “E-ijro auksion” yagona elektron savdo maydonchasi” so‘zlari “E-auksion” elektron savdo platformasi” so‘zlari bilan almashtirilsin.

12. Vazirlar Mahkamasining 2019-yil 15-maydagi 402-son qarori bilan tasdiqlangan O‘zbekiston Respublikasi Monopoliyaga qarshi kurashish qo‘mitasi huzuridagi budjetdan tashqari Raqobatni rivojlantirishga ko‘maklashish jamg‘armasi mablag‘larini shakllantirish va ulardan foydalanish tartibi to‘g‘risidagi nizomning 3-bandi sakkizinchi xatboshidagi “E-ijro auksion” savdo maydonchasida” so‘zlari “E-auksion” elektron savdo platformasida” so‘zlari bilan almashtirilsin.

13. Vazirlar Mahkamasining “Samarqand viloyatining turizm salohiyatidan samarali foydalanish va uni rivojlantirish bo‘yicha qo‘shimcha chora-tadbirlar to‘g‘risida” 2019-yil 30-sentabrdagi 828-son qarorining 3-bandi birinchi xatboshidagi “E-ijro auksion” savdo maydonchasida” so‘zlari “E-auksion” elektron savdo platformasida” so‘zlari bilan almashtirilsin.

14. Vazirlar Mahkamasining “Tashqi reklama bozorini tartibga solish to‘g‘risida” 2020-yil 20-fevraldagi 104-son qarorida:

a) 1-bandda:

to‘rtinchi xatboshi chiqarib tashlansin;

beshinchi-oltinchi xatboshilar tegishlicha to‘rtinchi-beshinchi xatboshilar deb hisoblansin;

b) 2-bandga quyidagi tahrirdagi “z” va “i” kichik bandlar qo‘shilsin:

“z) tashqi reklama obyektlarini (konstruksiyalarini) qurish huquqini “E-auksion” elektron savdo platformasida elektron onlayn-auksionlar orqali sotishning boshlang‘ich narxi quyidagi tartibda aniqlanadi:

yer uchastkalari uchun tegishli hududda belgilangan yer solig‘ining 10 baravari miqdoridan kam bo‘lmagan miqdorda ko‘zda tutilgan foydalanish muddatining har bir yili uchun;

davlat mulki bo‘lgan bino va inshootlar uchun — bino va inshootning fasad qismi hamda perimetri maydonining har 1 kv metri uchun, shuningdek, bino va inshootlarda o‘rnatiladigan har bir reklama peshlavhasi uchun belgilangan minimal stavkalardan kam bo‘lmagan miqdorda ko‘zda tutilgan foydalanish muddatining har bir yili uchun;

i) tashqi reklama obyektlarini (konstruksiyalarini) yer uchastkalari, davlat mulki bo‘lgan bino va inshootlarda qurish huquqini “E-auksion” elektron savdo platformasida realizatsiya qilish Vazirlar Mahkamasi qarori bilan belgilangan tartibda amalga oshiriladi”;

v) 8-bandga quyidagi tahrirdagi xatboshi qo‘shilsin:

“Elektron onlayn-auksionlarni tashkil etish markazi” DUK auksion natijalari bo‘yicha tashqi reklama obyektlarini (konstruksiyalarini) yer uchastkalari, davlat mulki bo‘lgan bino va inshootlarda qurish huquqi uchun g‘olib bo‘lgan shaxslar to‘g‘risidagi ma’lumotlarni elektron axborot almashish yo‘li orqali Monopoliyaga qarshi kurashishni tartibga solishning yagona axborot tizimiga integratsiya qiladi”;

g) Tashqi reklama obyektlarini (konstruksiyalarini) qurish tartibi to‘g‘risidagi nizomda:

9-band quyidagi tahrirda bayon etilsin:

“9. Tashqi reklama yuridik yoki jismoniy (yakka tartibdagi tadbirkorlar) shaxslar tomonidan amalga oshiriladi.”;

17 va 50-bandlarning ikkinchi xatboshilaridagi “E-ijro auksion” yagona elektron savdo maydoni” so‘zlari “E-auksion” elektron savdo platformasi” so‘zlari bilan almashtirilsin;

d) Tashqi reklama obyektlarini (konstruksiyalarini) qurish uchun beriladigan yer uchastkalari, davlat mulki bo‘lgan bino va inshootlar ro‘yxatini shakllantirish tartibi to‘g‘risidagi nizomning 9-bandining yettinchi, sakkizinchi xatboshilari va 13-banddagi “E-ijro auksion” yagona elektron savdo maydonchasi” so‘zlari tegishli kelishikdagi “E-auksion” elektron savdo platformasi” so‘zlari bilan almashtirilsin;

e) 3-ilova o‘z kuchini yo‘qotgan deb hisoblansin.

15. Vazirlar Mahkamasining “O‘zkimyosanoat” AJ tarkibidagi tashkilotlarning aktivlaridan samarali foydalanish hamda moliyaviy holatini sog‘lomlashtirish bo‘yicha qo‘shimcha chora-tadbirlar to‘g‘risida” 2020-yil 9-iyuldagi 432-son qarorining 3-bandi “a” kichik bandi quyidagi tahrirda bayon etilsin:

“a) mazkur qarorga 1-ilovada nazarda tutilgan aktivlarni “E-auksion” elektron savdo platformasida ommaviy savdolarga chiqarishning boshlang‘ich narxi ularning (ko‘chmas mulklar bo‘yicha) balans (qoldiq) va (yoki) nominal (ulush bo‘yicha) qiymatida belgilanadi;”.

16. Vazirlar Mahkamasining “Tog‘li hududlarda turizm infratuzilmasini rivojlantirishga doir qo‘shimcha chora-tadbirlar to‘g‘risida” 2020-yil 17-sentabrdagi 559-son qarorida:

a) 5-bandning oltinchi xatboshidagi “E-ijro auksion” elektron savdo maydonchasida” so‘zlari “E-auksion” elektron savdo platformasida” so‘zlari bilan almashtirilsin;

b) 10-bandning ikkinchi xatboshidagi “E-ijro auksion” elektron savdo maydonchasi” so‘zlari “E-auksion” elektron savdo platformasi” so‘zlari bilan almashtirilsin.

17. Vazirlar Mahkamasining “Bo‘stonliq tumanidagi bo‘sh turgan, foydalanilmayotgan hamda samarasiz foydalanilayotgan obyektlar va yer uchastkalaridan samarali foydalanish, ular negizida turizm va xizmat ko‘rsatish infratuzilmasini tashkil etish chora-tadbirlari to‘g‘risida” 2020-yil 17-sentabrdagi 560-son qarorida:

a) 2-bandning ikkinchi va to‘rtinchi xatboshilaridagi “E-ijro auksion” elektron savdo maydonchasi” so‘zlari “E-auksion” elektron savdo platformasi” so‘zlari bilan almashtirilsin;

b) 9-bandning uchinchi xatboshidagi “E-ijro auksion” elektron savdo maydonchasining” so‘zlari “E-auksion” elektron savdo platformasining” so‘zlari bilan almashtirilsin;

v) 1 va 3-ilovaning nomlanishidagi “E-ijro auksion” elektron savdo maydonchasi” so‘zlari “E-auksion” elektron savdo platformasi” so‘zlari bilan almashtirilsin.

18. Vazirlar Mahkamasining “2020 — 2022-yillarda Samarqand viloyatining Kattaqo‘rg‘on shahrini ijtimoiy-iqtisodiy rivojlantirish va kambag‘allikni qisqartirish chora-tadbirlari to‘g‘risida” 2020-yil 23-sentabrdagi 580-son qarorining 7-bandidagi “E-ijro auksion” yagona elektron savdolariga” so‘zlari “E-auksion” elektron savdo platformasiga” so‘zlari bilan almashtirilsin.

19. Vazirlar Mahkamasining 2021-yil 21-apreldagi 232-son qarori bilan tasdiqlangan Tadbirkorlik subyektlari tomonidan avtomobil yo‘llarida yo‘l harakati qoidalari buzilganligini maxsus avtomatlashtirilgan foto va video qayd etish dasturiy-texnik vositalarini o‘rnatish va ekspluatatsiya qilish tartibi to‘g‘risidagi nizomda:

a) 2-bandning sakkizinchi xatboshidagi “E-ijro auksion” yagona elektron savdo maydonchasi” so‘zlari “E-auksion” elektron savdo platformasi” so‘zlari bilan almashtirilsin;

b) 4-banddagi “E-ijro auksion” yagona elektron savdo maydonchasidagi” so‘zlari “E-auksion” elektron savdo platformasidagi” so‘zlari bilan almashtirilsin;

v) 6-bandning birinchi va ikkinchi xatboshilaridagi “E-ijro auksion” yagona elektron savdo maydonchasida” so‘zlari “E-auksion” elektron savdo platformasida” so‘zlari bilan almashtirilsin;

g) 45-banddagi “E-ijro auksion” yagona elektron savdo maydonchasiga” so‘zlari “E-auksion” elektron savdo platformasiga” so‘zlari bilan almashtirilsin;

d) 46-bandning ikkinchi xatboshidagi “E-ijro auksion” yagona elektron savdo maydonchasida” so‘zlari “E-auksion” elektron savdo platformasida” so‘zlari bilan almashtirilsin;

e) 49-bandning uchinchi xatboshidagi “E-ijro auksion” yagona elektron savdo maydonchasiga” so‘zlari “E-auksion” elektron savdo platformasiga” so‘zlari bilan almashtirilsin;

j) 1-ilovaning:

2-bosqichi chiqarib tashlansin;

3 — 14-bosqichlari tegishlicha 2 — 13-bosqich deb hisoblansin;

2-bosqich uchinchi ustunidagi “E-ijro auksion” yagona elektron savdo maydonchasi” so‘zlari tegishli kelishikdagi “E-auksion” elektron savdo platformasi” so‘zlari bilan almashtirilsin.

20. Vazirlar Mahkamasining “Nurafshon shahrida Chirchiq-Ohangaron irrigatsiya tizimlari havza boshqarmasining ma’muriy binosini qurish ishlarini tashkil etish chora-tadbirlari to‘g‘risida” 2021-yil 23-iyuldagi 452-son qarorining 1-bandi birinchi xatboshidagi va 2-bandi ikkinchi xatboshidagi “E-ijro auksion” elektron savdo maydonchasida” so‘zlari “E-auksion” elektron savdo platformasida” so‘zlari bilan almashtirilsin.

21. Vazirlar Mahkamasining “Ko‘chma savdo faoliyatiga zamonaviy axborot texnologiyalarini yanada keng joriy etish hamda savdo avtomati orqali chakana savdo faoliyatini tartibga solish chora-tadbirlari to‘g‘risida” 2021-yil 3-avgustdagi 485-son qarorida:

a) Ko‘chma savdoni amalga oshirish tartibi to‘g‘risidagi nizom quyidagi tahrirda bayon etilsin:

“Ko‘chma savdoni amalga oshirish tartibi to‘g‘risida

NIZOM

1-bob. Umumiy qoidalar

1. Ushbu Nizom O‘zbekiston Respublikasi hududida ko‘chma savdoni amalga oshirish tartibini belgilaydi.

2. Ushbu Nizomda quyidagi asosiy tushunchalar qo‘llaniladi:

vakolatli organ — O‘zbekiston Respublikasi Davlat soliq qo‘mitasi;

joylashish sxemasi — ko‘chma savdo obyektlarining oldindan tasdiqlangan joylashuvi;

ko‘chma savdo joyi — ko‘chma savdo obyektining “K-SAVDO” AATda ro‘yxatdan o‘tishda ko‘rsatilgan hududiy joylashgan joyi;

ko‘chma savdo obyektining ixtisoslashuvi — sotiladigan tovarlarning tovar guruhlaridan biriga mansubligi bilan ifodalangan xilma-xilligi;

ko‘chma savdo obyektlari — vaqtinchalik asosda joylashtirilgan va mavsumiy xususiyatga ega bo‘lgan, shuningdek, ish kuni yakunlangandan so‘ng obyektni ko‘chirish imkoni bo‘lgan ko‘chma savdo obyektlari (lotoklar, palatkalar, savdo aravalari, peshtaxtalar, avtodo‘konlar, avtotirkamalar, avtotsisternalar, fudtraklar, tonarlar, savdo avtomatlari);

ko‘chma savdo subyektlari — ko‘chma savdoni amalga oshirish uchun “K-SAVDO” AATda belgilangan tartibda ko‘chma savdo obyektlarini ro‘yxatdan o‘tkazgan va tadbirkorlik faoliyatini amalga oshiruvchi shaxslar;

ko‘chma savdo — ko‘chma savdo obyektlaridan foydalangan holda, turg‘un savdo shoxobchalari joylashgan joydan tashqarida oziq-ovqat va nooziq-ovqat tovarlari bilan chakana savdo qilish;

operator — savdo platformasida auksion va tanlovni tashkil etish hamda o‘tkazish vakolati berilgan “Elektron onlayn-auksionlarni tashkil etish markazi” davlat unitar korxonasi;

“E-auksion” elektron savdo platformasi — (keyingi o‘rinlarda — savdo platformasi) — elektron onlayn-auksion va elektron tanlovlarni tashkil etish va o‘tkazish uchun zarur axborotni kiritish, saqlash va qayta ishlash, shuningdek, istagi bo‘lgan jismoniy va yuridik shaxslarning bunday auksion va tanlovlar jarayoniga kirish va ularda qatnashish imkonini ta’minlaydigan axborot tizimi.

3. Ko‘chma savdo obyektlari joylashuvi sxemasini tuzish, shuningdek, elektron onlayn-auksion orqali ko‘chma savdo joylarini sotib olish uchun materiallarni to‘plash va kelishish ushbu Nizomga 1-ilovada keltirilgan sxemaga muvofiq amalga oshiriladi.

4. Ushbu Nizom talablari quyidagilarga nisbatan tatbiq etilmaydi:

bayram kunlari va bayramoldi kunlarda savdo xizmati ko‘rsatish yuzasidan yuridik shaxslar bilan tuzilgan shartnomalar asosida tashkil etilgan ko‘chma savdolarga;

O‘zbekiston Respublikasi Prezidenti va Vazirlar Mahkamasining qarorlari asosida tashkil etilgan ko‘rgazma va yarmarka savdolariga;

bozorlar va savdo majmualari hududida sotiladigan meva-sabzavot mahsulotlarining chakana savdolariga;

amalga oshirish tartibi O‘zbekiston Respublikasining Qonunlari, O‘zbekiston Respublikasi Prezidenti va Vazirlar Mahkamasining alohida qarorlarida nazarda tutilgan boshqa hollarga.

5. “K-SAVDO” avtomatlashtirilgan axborot tizimida (keyingi o‘rinlarda — “K-SAVDO” AAT) ko‘chma savdo obyektlarini ushbu Nizomda belgilangan tartibda ro‘yxatdan o‘tkazgan tadbirkorlik subyektlari O‘zbekiston Respublikasi hududida ko‘chma savdo bilan shug‘ullanish huquqiga ega.

2-bob. Ko‘chma savdoni amalga oshirish talab va shartlari

6. Ko‘chma savdoni amalga oshirishning majburiy talablari va shartlari quyidagilardan iborat:

chakana savdo sohasida qonunchilik hujjatlariga, shu jumladan, sanitariya, veterinariya, veterinariya-sanitariya qoidalari va normalariga rioya qilish;

davlat veterinariya xizmatining hayvonlar kasalliklari tashxisi va oziq-ovqat mahsulotlari xavfsizligi davlat markazlari yoki veterinariya-sanitariya ekspertizasi laboratoriyalari tomonidan berilgan ijobiy xulosalar asosida go‘sht va go‘sht mahsulotlari, sut va sut mahsulotlari, tuxumlar, shuningdek, o‘simlik oziq-ovqat mahsulotlarini realizatsiya qilish;

nazorat-kassa mashinalari, qonunchilik hujjatlarida nazarda tutilgan hollarda esa onlayn nazorat-kassa mashinalari yoki virtual kassalar va bank plastik kartochkalaridan foydalangan holda to‘lovlarni qabul qilish uchun hisob-kitob terminalining mavjudligi (savdo avtomatlari bundan mustasno);

ko‘chma savdo obyektlari yaqinida maishiy chiqindi qutilarini o‘rnatish;

tovarlarni ko‘chma savdo obyektlari orqali va ro‘yxatdan o‘tilgan joyda sotish.

7. Savdo obyektining ixtisoslashuv turlari quyidagilardan iborat:

non va non mahsulotlari, qandolat mahsulotlari;

go‘sht va go‘sht mahsulotlari;

sut va sut mahsulotlari;

o‘tirish joylari tashkil etmasdan, donalab sotiladigan taomlar;

sabzavotlar-mevalar va poliz ekinlari, shuningdek, quruq mevalar, pista va yong‘oqlar;

muzqaymoq, alkogolsiz yaxna va issiq ichimliklar;

oziq-ovqat mahsulotlari;

nashriyot mahsulotlari;

gullar;

xalq badiiy va boshqa hunarmandchilik buyumlari;

hunarmandchilik mahsulotlari, suvenirlar, kiyim-kechak, poyabzal va yengil sanoat buyumlari;

nooziq-ovqat mahsulotlari.

Tadbirkorlik subyektlari ko‘chma savdo obyekti ixtisoslashuv turlarining bir nechtasi bilan savdo qoidalariga rioya etgan holda shug‘ullanishi mumkin.

8. Quyidagi turdagi tovarlarning ko‘chma savdosi taqiqlanadi:

texnik jihatdan murakkab maishiy mahsulotlar (maishiy metall kesish va yog‘ochni qayta ishlash dastgohlari, maishiy elektrotexnika va asbob-uskunalar, maishiy radioelektron uskunalar, maishiy hisoblash va ko‘paytirish texnikasi, foto va kino uskunalar, telefon apparatlari va faks mashinalari, elektr musiqa asboblari, elektron o‘yinchoqlar, maishiy gaz uskunalari va qurilmalari);

tez buziladigan tovarlar (sovitkich va (yoki) muzlatkich bilan jihozlangan va tez buziladigan tovarlar sovitkich va (yoki) muzlatkichlarda saqlangan hollar bundan mustasno);

yengil alangalanuvchi va yonuvchi suyuqliklar;

bolalar oziq-ovqat mahsulotlari (quruq sut, kukunsimon bo‘tqa yormasi, ozuqaviy aralashmalar, meva va sabzavot konservalari va pyuresi);

hayvonlar, termik ishlov berilmagan, kelib chiqishi hayvonotga mansub mahsulot va xomashyolar, veterinariya dori vositalari, mikroorganizmlar shtamplari, oziqalar va ozuqabop qo‘shimchalar;

aksiz solinadigan tovarlar, shu jumladan, spirtli ichimliklar;

hasharotlar va zararkunandalarni zaharlashda qo‘llaniladigan kimyoviy moddalar va zaharlar;

diniy mazmundagi materiallar;

qonunchilik hujjatlari bilan ko‘chma savdo obyektlari orqali sotilishi taqiqlangan tovarlar.

9. Quyidagi joylarda ko‘chma savdo obyektlarini joylashtirishga yo‘l qo‘yilmaydi:

ma’muriy binolar (savdo avtomatlari bundan mustasno), madaniy meros obyektlari va qo‘riqlanadigan tabiiy hududlar fasadi oldida;

bino va inshootlarning yong‘inga qarshi oraliqlarida;

muhandislik kommunikatsiyalari xavfsizlik zonalarida;

jamoat transporti bekatlarida yo‘lak (trotuar)ning ikkala tomonidan 15 metr masofadan yaqinroqda (savdo avtomatlari bundan mustasno);

chorrahalarga 15 metrdan yaqinroqda;

maishiy chiqindilarni yig‘ish punktlariga 20 metr masofa orasida;

sun’iy inshootlarda (to‘xtash bostirmalari, erosti o‘tish joylari, ko‘priklar, tunnellar, transport bog‘lamalari va yo‘l o‘tkazgichlar);

piyodalar o‘tish joylarida va ulardan oldin 15 metrdan kam masofada;

velosiped yo‘laklarida;

qatnov qismining xavfli burilishlarida;

loaqal bir yo‘nalishdagi ko‘rinish masofasi 100 metrdan kam bo‘lgan yo‘l do‘ngliklari yaqinida;

qatnov qismi kesishmalarida va kesishayotgan qatnov qismi chetiga 15 metrdan kam masofada (uch tomonlama kesishmalarda (chorrahalarda) yondan tutashgan yo‘lning sidirg‘a chiziq yoki ajratuvchi bo‘lak bilan ajratilgan qarama-qarshi tomoni bundan mustasno);

transport vositasi svetofor ishoralari, yo‘l belgilarini boshqa haydovchilardan to‘sib qo‘yadigan, boshqa transport vositalarining harakatlanishiga (kirish va chiqishiga) imkon qoldirmaydigan yoki piyodalarning harakatiga xalaqit beradigan joylarda;

“To‘xtash taqiqlanadi” yo‘l belgisi yoki “to‘xtash taqiqlanadi” yo‘l chizig‘i ta’siri doirasida.

10. Ko‘chma savdo obyekti iste’molchilarga xizmat ko‘rsatish vaqtida vitrinalar va peshtaxta (peshtaxtalar), yong‘inni o‘chirishning birlamchi vositalari, shuningdek, qonunchilik hujjatlari va texnik jihatdan tartibga solish sohasidagi normativ hujjatlarning majburiy talablariga javob beradigan zarur savdo, sovitish va boshqa texnologik uskunalar bilan jihozlangan bo‘lishi kerak.

11. Ro‘yxatdan o‘tkazilgan ko‘chma savdo joyini yoki uning bir qismini boshqa shaxsga foydalanishga yoki ijaraga berish taqiqlanadi.

12. Ko‘chma savdo amalga oshiriladigan transport vositasi texnik ko‘rikdan o‘tishi, yong‘in xavfsizligi qoidalariga javob berishi, shuningdek, texnik jihatdan soz va tegishli sanitariya holatida saqlanishi kerak.

Ko‘chma savdo avtotransport vositasining konstruksiyasini o‘zgartirish (qayta jihozlash) talab qilinsa, avtomototransport vositasini qayta jihozlashga belgilangan tartibda ruxsatnoma olinishi shart.

13. Xaridorlarga xizmat ko‘rsatiladigan vitrinalar va peshtaxtaga xaridorlarning erkin kelishi ta’minlamagan taqdirda, ko‘chma savdo obyektini joylashtirishga ruxsat berilmaydi.

14. Ko‘chma savdo subyektlari:

ko‘chma savdo obyektida ko‘chma savdo subyekti to‘g‘risida QR-kod qo‘yilgan va elektron shaklda olingan guvohnomaning nusxasi, shuningdek, savdo avtomatlarida texnik xizmatning telefon raqamlarini joylashtirishi;

vakolatli organga “K-SAVDO” AATda ko‘chma savdo obyektlari reyestridagi ko‘chma savdo obyekti to‘g‘risidagi ma’lumotlarning o‘zgarganligi haqidagi axborotni tegishli o‘zgartirishlar kiritilgan kundan boshlab o‘n kun ichida tegishli o‘zgartirishlar kiritilganligini tasdiqlovchi hujjatlar nusxasini ilova qilgan holda yoki elektron hujjat ko‘rinishida (elektron raqamli imzo bilan) ariza yuborish yo‘li bilan taqdim etishi lozim.

15. Sotish uchun taklif etilayotgan tovarlar turlari, ko‘rsatiladigan xizmatlar ro‘yxati ko‘chma savdo obyektining ixtisoslashuviga muvofiq sotuvchi tomonidan mustaqil ravishda belgilanadi.

16. Ko‘chma savdo subyektlari ro‘yxatdan o‘tishda ko‘rsatgan ish rejimiga muvofiq ko‘chma savdoni amalga oshiradilar.

17. Transport vositasi orqali ko‘chma savdo faoliyati “K-SAVDO” AAT orqali savdo qilinadigan joy haqida xabarnoma yuborish yo‘li bilan amalga oshiriladi.

Bunda transport vositasi orqali ko‘chma savdo qilish yo‘l harakati qoidalariga muvofiq transport vositasi to‘xtab turishi taqiqlanmagan joylarda amalga oshirilishi mumkin.

18. Savdo avtomatlari orqali ommaviy talabdagi, texnik jihatdan tartibga solish sohasidagi normativ hujjatlar talablariga javob beradigan tovarlar (choy, kofe, salqin va alkogolsiz ichimliklar, nooziq-ovqat tovarlar (gazeta va matbaa mahsulotlari), qandolat va non mahsulotlari, shirinliklar) sotiladi, xizmatlar ko‘rsatiladi.

Savdo avtomatlarini mahsulot bilan ta’minlash va ularga texnik xizmat ko‘rsatish savdo avtomatini “K-SAVDO” AATda ro‘yxatdan o‘tkazgan ko‘chma savdo subyektlariga yuklanadi, shuningdek, ular zimmasiga tovar-moddiy boyliklarni saqlash bo‘yicha choralar ko‘rish hamda savdo avtomati buzilganda tovarlar buzilishining oldini olish ham yuklanadi.

3-bob. Ko‘chma savdo obyektlarini ro‘yxatdan o‘tkazish

1-§. Ko‘chma savdo obyektlarini ro‘yxatdan o‘tkazishning umumiy qoidalari

19. “K-SAVDO” AATda ko‘chma savdo obyektlarini ro‘yxatdan o‘tkazish tadbirkorlik subyekti tomonidan ko‘chma savdo sxemasi doirasida va savdo joyini aniq ko‘rsatgan holda elektron blankni to‘ldirish yo‘li bilan amalga oshiriladi, transport vositalari bundan mustasno.

20. Ko‘chma savdo joyi joylashish sxemalari doirasida “E-auksion” elektron savdo platformasi orqali elektron onlayn-auksionda sotiladi. Bunda tadbirkorlik subyektiga elektron onlayn-auksionda sotib olingan ko‘chma savdo joyidan ko‘pi bilan 36 oy muddatga foydalanish huquqi beriladi.

Mazkur Nizom talablari asosida belgilangan joylashtirish sxemasi doirasida ko‘chma savdo maydonidan foydalanish huquqini olgan tadbirkorlik subyektlari ushbu Nizom talablari va shartlariga rioya etgan holda, faqat bayram va ommaviy tadbirlar o‘tkazish davrida vaqtinchalik asosda joylashtirish sxemasidan tashqarida faoliyat yuritishi mumkin.

21. “K-SAVDO” AATda ko‘chma savdo obyektini ro‘yxatdan o‘tkazish uchun yig‘im undirilmaydi.

22. Auksion savdolari o‘tkazilishidan olingan pul mablag‘lari summasi elektron onlayn-auksionni tashkil etish va o‘tkazish xarajatlari chegirib qolingandan so‘ng quyidagi tartibda taqsimlanadi:

20 foizi — vakolatli organning maxsus hisobvarag‘iga;

80 foizi — tegishli tuman (shahar) mahalliy budjetiga o‘tkaziladi.

2-§. Joylashish sxemasini tuzish

23. Tuman (shahar) davlat soliq inspeksiyasi Kadastr agentligining hududiy bo‘linmalari bilan birgalikda yilning 1-dekabriga qadar, ilgari joylashtirilgan sxemalar bo‘yicha esa ularni qayta ko‘rib chiqish muddatidan kamida bir oy oldin ushbu Nizomning 8-bandida ko‘rsatilgan talablarga muvofiq joylar soni ko‘rsatilgan holda, tegishli tuman (shahar) hududida ko‘chma savdo obyektlarining joylashuvini o‘z ichiga olgan joylashish sxemalarini tuzadi.

24. Tuman (shahar) davlat soliq inspeksiyasi ko‘chma savdo obyektlarini joylashtirish sxemalarini tegishlicha tuman (shahar) hokimligi, O‘zbekiston Respublikasi Sanitariya-epidemiologik osoyishtalik va jamoat salomatligi xizmati, Favqulodda vaziyatlar vazirligi, Ichki ishlar vazirligi Yo‘l harakati xavfsizligi bosh boshqarmasi va Qurilish vazirligining hududiy bo‘linmalari bilan uch kun muddatda kelishadi.

25. Tuman (shahar) davlat soliq inspeksiyasi tomonidan ko‘chma savdo obyektlarining joylashish sxemalari kelishilganidan keyin o‘n kun ichida “K-SAVDO” AATda joylashtiriladi. Bunda tuman (shahar) davlat soliq inspeksiyasi kelishilgan ko‘chma savdo obyektlarining joylashish sxemalari to‘g‘risida ommaviy axborot vositalarida e’lon berishi mumkin.

Joylashish sxemalari har uch yilda bir marta qayta ko‘rib chiqiladi.

26. Tadbirkorlik subyektlari “K-SAVDO” AAT orqali keyinchalik realizatsiya qilish uchun joylashish sxemalariga ko‘chma savdo qilinadigan aniq joyni kiritish bo‘yicha takliflar berish huquqiga ega.

27. Tadbirkorlik subyektlari tomonidan taklif etilgan ko‘chma savdo joyi uch kun ichida tuman (shahar) davlat soliq inspeksiyasi tomonidan ushbu Nizom talablariga muvofiqligi jihatdan ko‘rib chiqiladi.

28. Ko‘rib chiqish yakunlari bo‘yicha tuman (shahar) davlat soliq inspeksiyasi taklif etilgan ko‘chma savdo joyini “K-SAVDO” AATga joylashtiradi yoki sabablarini ko‘rsatgan holda joylashtirishni rad etadi. Bunda tadbirkorlik subyektlari rad etilgan takliflar bo‘yicha qonunchilikka muvofiq shikoyat qilish huquqiga ega.

3-§. Elektron onlayn-auksion orqali ko‘chma savdo joylarini sotish

29. Boshlang‘ich narx tegishli tuman (shahar)dagi yer uchastkasining yer solig‘iga teng.

30. Auksionda har qanday yuridik shaxs yoki yakka tartibdagi tadbirkor ishtirokchi sifatida qatnashishi mumkin.

31. Auksionda qatnashish uchun talabgor tegishli elektron arizani to‘ldiradi va zakalat summasini to‘laydi.

Elektron arizada quyidagi ma’lumotlar bo‘lishi kerak:

soliq to‘lovchining identifikatsiya raqami;

ko‘chma savdo obyektining ixtisoslashuvi;

ish tartibi (ish kunlari, ish vaqti);

ko‘chma savdo obyektini joylashtirish davri, bunda muddat 36 oydan oshmasligi lozim.

32. “K-SAVDO” AAT orqali ushbu Nizomga 2-ilovaga muvofiq bir ish kuni mobaynida elektron savdolar bayonnomasi asosida ko‘chma savdo obyektining ro‘yxatdan o‘tganligini tasdiqlovchi guvohnomani QR-kod (matrik shtrixli kod) bilan rasmiylashtirilgan holda, “E-auksion” elektron savdo platformasi orqali xaridor va operatorga yuboradi.

33. Ro‘yxatdan o‘tgan ko‘chma savdo joyi joylashish sxemasida uning ko‘chma savdo obyektini joylashtirish davrida bandligini ko‘rsatuvchi maxsus belgi bilan belgilanadi.

4-bob. Ko‘chma savdo amalga oshiriladigan transport vositasini ro‘yxatdan o‘tkazish tartibi

34. Ko‘chma savdo amalga oshiriladigan transport vositasi “K-SAVDO” AATda joylashish sxemasidan tashqarida, elektron onlayn-auksion o‘tkazmasdan ro‘yxatga olinadi.

35. “K-SAVDO” AATda transport vositasini ro‘yxatdan o‘tkazish uchun tadbirkorlik subyekti tegishli elektron blankani to‘ldiradi.

Elektron blankada quyidagi ma’lumotlar bo‘lishi lozim:

yuridik shaxsning nomi yoki yakka tartibdagi tadbirkorning familiyasi, ismi va otasining ismi (agar mavjud bo‘lsa);

soliq to‘lovchining identifikatsiya raqami;

avtomototransport vositasining markasi, turi va ro‘yxatdan o‘tkazish davlat raqami belgisi;

savdo obyektining ixtisoslashuvi;

ish tartibi (ish kunlari, ish vaqti);

ko‘chma savdo obyektini joylashtirish davri, bunda muddat 36 oydan oshmasligi lozim;

elektron pochta manzili (mavjud bo‘lganda).

36. Elektron blanka to‘ldirilgach, “K-SAVDO” AAT tadbirkorlik subyekti tomonidan kiritilgan ma’lumotlarni onlayn tarzda qayta ishlaydi va ko‘chma savdo obyektining ro‘yxatdan o‘tganligini tasdiqlovchi QR-kod (matritsali-shtrixli kod) qo‘yilgan elektron shakldagi guvohnoma yuboradi.

37. Ro‘yxatdan o‘tganlikni tasdiqlovchi elektron shakldagi guvohnoma tadbirkorlik subyektining mavjud elektron pochta manziliga ham yuboriladi.

38. Tadbirkorlik subyektida ko‘chma savdoni amalga oshirish uchun bir nechta transport vositalari mavjud bo‘lsa, ro‘yxatga olish har bir transport vositasi bo‘yicha alohida amalga oshiriladi.

5-bob. Ko‘chma savdo obyektlari reyestrini yuritish tartibi

39. “K-SAVDO” AATda ko‘chma savdo obyektlari reyestri (keyingi o‘rinlarda — reyestr) elektron shaklda yuritiladi.

40. Reyestrda har bir ro‘yxatdan o‘tkazilgan ko‘chma savdo obyekti bo‘yicha quyidagi ma’lumotlar mavjud bo‘ladi:

ro‘yxatga olish sanasi va uning raqami;

yuridik shaxsning to‘liq nomi, yakka tartibdagi tadbirkorning familiyasi, ismi, otasining ismi (agar mavjud bo‘lsa);

soliq to‘lovchining identifikatsiya raqami;

ko‘chma savdo obyektining ixtisoslashuvi;

ko‘chma savdo amalga oshiriladigan transport vositasining davlat ro‘yxatidan o‘tkazish raqami belgisi to‘g‘risidagi ma’lumotlar (transport vositasi orqali ko‘chma savdo amalga oshirilganda);

ko‘chma savdo obyektini joylashtirish davri, bunda muddat 36 oydan oshmasligi lozim;

ish tartibi (ish kunlari, ish vaqti);

ko‘chma savdo obyekti joylashgan joy.

41. Ko‘chma savdo obyektlari to‘g‘risidagi ma’lumotlar avtomatik tarzda:

O‘zbekiston Respublikasi Sanitariya-epidemiologik osoyishtalik va jamoat salomatligi xizmati;

O‘zbekiston Respublikasi Veterinariya va chorvachilikni rivojlantirish davlat qo‘mitasi;

O‘zbekiston Respublikasi Favqulodda vaziyatlar vazirligi;

O‘zbekiston Respublikasi Ichki ishlar vazirligining Yo‘l harakati xavfsizligi bosh boshqarmasi;

O‘zbekiston Respublikasi Davlat soliq qo‘mitasi huzuridagi Kadastr agentligiga yuboriladi.

6-bob. Ko‘chma savdoni amalga oshirish davrining tugatilishi va ko‘chma savdo obyektini joylashtirish muddatlarini uzaytirish

42. Ko‘chma savdoni amalga oshirish joyini o‘zgartirish ko‘chma savdo obyektlarini ro‘yxatdan o‘tkazish uchun belgilangan umumiy tartibda amalga oshirilishi mumkin.

43. Tuman (shahar) davlat soliq inspeksiyasi ko‘chma savdo obyektini reyestrdan quyidagi hollarda chiqarib tashlaydi:

ushbu ko‘chma savdo obyekti bo‘yicha taqdim etilgan ma’lumotlarning noto‘g‘riligi aniqlanganda;

yuridik shaxs tugatilganda, jismoniy shaxs tomonidan yakka tartibdagi tadbirkor sifatidagi faoliyati to‘xtatilganda;

ko‘chma savdo subyekti tomonidan ko‘chma savdo obyektidan foydalangan holda, ko‘chma savdoni amalga oshirishni butunlay to‘xtatganligi to‘g‘risida yozma axborot kiritilganda.

Tadbirkorlik subyektiga ushbu Nizomda belgilangan tartibda foydalanish uchun ajratilgan ko‘chma savdoni amalga oshirish joyi tadbirkorlik subyektiga yetkazilgan zarar qonunchilik hujjatlariga muvofiq pul summasini to‘lash yoki boshqacha kompensatsiya to‘lash yo‘li bilan olib qo‘yiladi.

44. Reyestrdan chiqarish ko‘chma savdo subyektining ko‘chma savdo obyekti joylashtirilgan joyda ko‘chma savdoni amalga oshirish huquqini yo‘qotishiga olib keladi. Reyestrdan chiqarish qayta ro‘yxatdan o‘tishga to‘sqinlik qilmaydi.

45. Ro‘yxatdan o‘tishda ko‘rsatilgan ko‘chma savdo obyektini joylashtirish davrining tugash sanasidan kechiktirmasdan tadbirkorlik subyekti ko‘chma savdo joyini bo‘shatishi lozim (uzaytirilgan holatlar bundan mustasno).

46. Tegishli savdo joyida ko‘chma savdo obyektini joylashtirish muddatini ikki martadan ortiq uzaytirishga yo‘l qo‘yilmaydi (mazkur cheklov savdo avtomatlariga tatbiq etilmaydi). Bunda ko‘chma savdo subyekti ko‘chma savdo obyektini joylashtirish muddati tugagunga qadar “K-SAVDO” AATda ko‘chma savdo obyektini joylashtirish muddatini uzaytirish to‘g‘risidagi elektron blankani to‘ldirishi lozim.

47. Elektron blanka to‘ldirilgandan so‘ng “K-SAVDO” AAT ko‘chma savdo subyektining elektron pochta manziliga ko‘chma savdo obyektini joylashtirish muddati uzaytirilganligini tasdiqlovchi QR-kod (matritsali-shtrixli kod) qo‘yilgan elektron hujjat yuboradi.

7-bob. Yakunlovchi qoidalar

48 “K-SAVDO” AATda joylashtirilgan ma’lumotlar tanishib chiqish uchun ochiq hisoblanadi.

49. Ko‘chma savdo obyektlari:

elektr energiyasi va gaz ta’minoti bilan faqat avtonom qurilmalar orqali ta’minlanadi;

ichimlik suv va oqova suv tarmoqlariga ulanish imkoniyati mavjud bo‘lgan taqdirda, qonunchilik hujjatlarida belgilangan tartibga muvofiq tadbirkorlik subyektlarining o‘z mablag‘lari hisobidan ulanadi.

50. Ushbu Nizom talablarining buzilishida aybdor bo‘lgan shaxslar qonunchilik hujjatlarida belgilangan tartibda javob beradilar.

Ko‘chma savdoni amalga oshirish tartibi to‘g‘risidagi nizomga
1-ILOVA

Ko‘chma savdo obyektlari joylashuvi sxemasini tuzish, shuningdek, elektron onlayn-auksion orqali ko‘chma savdo joylarini sotib olish

SXEMASI

Bosqichlar	Subyektlar	Tadbirlar	Bajarish muddatlari
Bosqichlar	Subyektlar	Tadbirlar	Bajarish muddatlari

1-bosqich	Tuman (shahar) davlat soliq inspeksiyasi, Kadastr bo‘limlari	Tuman (shahar) hududida joylar soni ko‘rsatilgan holda, ko‘chma savdo obyektlari joylashuvini o‘z ichiga olgan joylashish sxemalarini (keyingi o‘rinlarda — Sxema)ni tuzadi.	Har yili 1-dekabrga qadar

2-bosqich	Tuman (shahar) davlat soliq inspeksiyasi	Sxemani tegishlicha tuman (shahar) hokimligi, O‘zbekiston Respublikasi Sanitariya-epidemiologik osoyishtalik va jamoat salomatligi xizmati, Favqulodda vaziyatlar vazirligi, Ichki ishlar vazirligining Yo‘l harakati xavfsizligi bosh boshqarmasi va Qurilish vazirligining hududiy bo‘linmalari bilan kelishadi.	Sxema tuzilgan sanadan e’tiboran uch kun mobaynida

3-bosqich	Tuman (shahar) davlat soliq inspeksiyasi	Sxemani “K-SAVDO” avtomatlashtirilgan axborot tizimida (keyingi o‘rinlarda — “K-SAVDO” AAT) joylashtiradi. Joylashuv sxemalarini har uch yilda bir marta qayta ko‘rib chiqiladi.	Kelishilgan kundan boshlab o‘n kun mobaynida

4-bosqich	Tuman (shahar) davlat soliq inspeksiyasi	Tadbirkorlik subyektlari “K-SAVDO” ATT �rqali keyinchalik realizatsiya qilish uchun sxemaga ko‘chma savdo amalga oshiriladigan aniq joyni kiritish bo‘yicha taklif berish huquqiga ega. Tadbirkorlik subyektlari tomonidan taklif etilgan ko‘chma savdo joyining ushbu Nizom talablariga muvofiqligini ko‘rib chiqiladi. Ko‘rib chiqish yakunlari bo‘yicha taklif etilgan ko‘chma savdo joyini “K-SAVDO” ATTga joylashtiradi yoki sabablarini ko‘rsatgan holda rad etadi.	Taklif kelib tushgan kundan boshlab uch kun mobaynida

5-bosqich	Tadbirkorlik subyekti	Ko‘chma savdo joyini sotib olish maqsadida onlayn-auksionda qatnashish uchun “E-auksion” elektron savdo platformasi orqali elektron arizani yuboradi va zakalat summasini to‘laydi.	Arizalarni qabul qilish muddati davomida
5-bosqich	Tadbirkorlik subyekti	Joylashish sxemalari doirasida ko‘chma savdo joylarini sotish bo‘yicha “E-auksion” elektron savdo platformasida elektron onlayn-auksionda ishtirok etadi. (Auksion narxlarni oshirish prinsipi bo‘yicha o‘tkaziladi, boshlang‘ich narx tegishli tuman (shahar)dagi yer uchastkasining yer solig‘iga teng bo‘ladi).	Auksion o‘tkazilish kunida

6-bosqich	Tadbirkorlik subyekti	Auksion g‘olibi deb e’tirof etilgan taqdirda, ko‘chma savdo joyining to‘liq narxini to‘laydi. Ko‘chma savdo joyining qiymati to‘langanligi “E-auksion” elektron savdo platformasi orqali aniqlanadi.	Belgilangan muddatda

7-bosqich	Tuman (shahar) davlat soliq inspeksiyasi	“K-SAVDO” AAT orqali ushbu Nizomga 2-ilovaga muvofiq bir ish kuni mobaynida elektron savdolar bayonnomasi asosida ko‘chma savdo obyektining ro‘yxatdan o‘tganligini tasdiqlovchi guvohnomani QR-kod (matrik shtrixli kod) bilan rasmiylashtirilgan holda, “E-auksion” elektron savdo platformasi orqali xaridor va operatorga yuboradi (Ro‘yxatdan o‘tganlikni tasdiqlovchi elektron shakldagi guvohnoma tadbirkorlik subyektining mavjud elektron pochta manziliga ham yuboriladi). Ro‘yxatdan o‘tgan ko‘chma savdo joyi sxemada uning ko‘chma savdo obyektini joylashtirish davrida bandligini ko‘rsatuvchi maxsus belgi bilan belgilanadi.	Bayonnoma rasmiylashtirilgandan so‘ng

Ko‘chma savdoni amalga oshirish tartibi to‘g‘risidagi nizomga
2-ILOVA


Ko‘chma savdoning “K-SAVDO” avtomatlashtirilgan axborot tizimida ro‘yxatdan o‘tganligini tasdiqlovchi GUVOHNOMA № KS 00000

_________________________________________________________________ga
(ko‘chma savdoni amalga oshiruvchi tadbirkorlik subyektining to‘liq nomi)
ko‘chma savdoni amalga oshirishning belgilangan talablariga javob beradigan ____________ manzilida cheklangan muddatga ko‘chma savdoni amalga oshirishga huquqi berildi.
		Guvohnoma berilgan sana: 20___ yil “_____” “_________________”
		identifikatsiya raqami (STIR, JShShIR): ______________________
		savdo obyektining ixtisoslashuvi: _______________________________;
		ish tartibi (ish kunlari, ish vaqti): ______________________________;
		ko‘chma savdo obyektini joylashtirish davri: ______________________;
		elektron pochta manzili: ____________________;
		avtotransport vositasining markasi, turi va ro‘yxatdan o‘tkazish davlat raqami belgisi: _________________________________________.
Ushbu guvohnoma egasi o‘z faoliyatida texnik jihatdan tartibga solish sohasidagi normativ hujjatlarga qat’iy rioya qilishi talab etiladi.
Ko‘chma savdoni amalga oshirishda quyidagilar ruxsat beruvchi talablar va shartlarga tegishlidir:
qonunchilik hujjatlariga, shu jumladan, chakana savdo qoidalariga, sanitariya qoidalariga, normalarga va gigiyenik normativlarga majburiy rioya qilish;
xaridorlar bilan naqd pulda hisob-kitob qilishda nazorat-kassa texnikalarini majburiy qo‘llash (savdo avtomatlari bundan mustasno);
bank plastik kartochkalardan foydalangan holda to‘lovlarni qabul qilish bo‘yicha hisob-kitob terminalining mavjudligi;
ko‘chma savdo joyini va atrof hududini zarur tarzdagi sanitariya holatida saqlash;
sotuvchilarda ko‘chma savdo obyekti bo‘yicha guvohnomasi va uning tasdiqlangan joylashish sxemasining, sotiladigan tovarlarning kelib chiqishi, sifati va xavfsizligini tasdiqlaydigan hujjatlar asl nusxalarining bo‘lishi, shuningdek, ular nazorat organlarining mans�bdor shaxslari talablariga ko‘ra ko‘rsatilishi lozim.

___________ tuman (shahar) davlat soliq inspeksiyasi boshlig‘i			F.I.O.
	QR-kod uchun joy	Agar sizda ko‘chirmaning haqiqiyligini tekshirish zarurati yuzaga kelsa, chap burchakdagi QR-kodni skanerlang.
			”.

O‘zbekiston Respublikasi Vazirlar Mahkamasining 12.01.2022 yildagi 18-son qarori

Foydali Havolalar

Biz Haqimizda

Foydali Havolalar

Bog'lanish