“Xavfsiz daryo boshqarmasi” davlat muassasasi Andijon viloyat bo‘linmasi xodimlari tomonidan Andijon viloyati hududidan oqib o‘tuvchi daryo va soylarning o‘zanini tozalash jarayonida qum-shag‘al materiallarini qazib olish huquqini qo‘lga kiritgan tadbirkorlik subyektlarining faoliyatlari monitoring qilindi.

O‘rganish davomida, Qoradaryo daryosi bo‘yiga mahalliy aholi tomonidan o‘zboshimchalik bilan qurilish va maishiy chiqindilar to‘kib kelinganligi aniqlandi.

Natijada, Qoradaryo daryosida tozalanishi  lozim bo‘lgan o‘zanning qirg‘oq bo‘yi mintaqalarida qurilish va maishiy chiqindi uyumlari paydo bo‘lgan.

Shuningdek paydo bo‘lgan chiqindi uyumlarini “Xavfsiz daryo boshqarmasi” davlat muassasasi Andijon viloyat bo‘linmasi xodimlari hamda Olitnko‘l tumani “Markaz” MFY hududidan o‘qib o‘tuvchi Qoradaryo daryosi o‘zanida qum-shag‘al materiallarini qazib olish huquqini qo‘lga kiritgan “Xitachi xizmati” MCHJ bilan hamkorlikda tadbirkorlik subyektining texnikalarini jalb qilgan holda chiqindilar hududdan olib chiqib ketildi.